انا قررت اني بحول الله اروح عند اهلي يمكن الأسبوع الجاي او اللي بعده بس اسبوعين او ثلاث منها اغير جو ومنها هو ممكن يشتاق لي... ايش رايكم؟؟

ام همس اسمحيلي انتي بعدج مافهمتيني شو يعني فراغ الاطفال انتي يعني اتضايقينه واتقوليله لازم انسوي جي وانسوي جي عسب تحملين واترصين عليه بالعلاجات ولاكيف والله مافهمت شو الشيء الغلط اللي اتسوينه ؟ عسب ايقولج من الفراغ اتسوين جي

وانا اعتقد اسمحيلي اللا اتسوينه اكبر غلط كيف تتركين زوجج وكيف ايهون عليج ياكل واينام لوحده لا ياحبيبتي لا وألف لااااااااااااا خليج قريبة منه خليج امه اخته ربيعته خليج معاه في كل دقيقة لأن أكيد بيحتاج لج لاتهجريبنه لأن والله في الاول والاخير مب لصالحج وانتي بتنهمين اكثر وبتيج وساوس الشيطان ومب حلوة لافي حقج ولا في حقه انا ادري اني مهما قتلج مابفهم وضعكم وشو الكلام اللا صاير مابينكم وكيف اتحلون مشاكلكم بس إذا زوجج عصبي لازم لازم ها إجباري اتكونين انتي هادية واتهدين الجو وتصمتين ولااتقولين شيء ويوم يهدأ اتكلمي وناقشي بس مب بالصراخ لا بالهداوة وإذاعصب اسكتي ولااتعيدين تتكلمين لين ماهو ابروحه بييج صدقيني

الماسة اعتذر علاتاخير و ما اعرف قلبي قابضني منهالروحة ما ادري اخته ذي بالذات ما تطيقني من اول يوم عرسي
هلا ام همس توكلي على الله و كلام ام ناصر زين
ام ناصر هلا و غلا
قلت و شبها ام ناصر مقاطعتنا اتاري النت به مشكلة ان شاء الله تنحل و اشيري على يالحكيمة
كلام الماسة اثر بي و مازلت محتارة

مساء الخير

الماسه
الله يسلمك حبيبتي امتحاناتي الاسبوع الجاي الله يعين
ويوم الجمعه بالليل عندنا عرس والسبت الصباح امتحاني مو عارفه شاسوي الله يعين

ام ناصر
مساءك عسل حبيبتي كيف امورك ؟؟

بنت عن الفين رجال
هلا وغلا حياك الله معانا
ان شا الله يكون تجمعنا وجهه حلو عليك

همووسه
يقولون البعيد عن العين بعيد عن القلب
انتي حاولي تتقريبن له سوي لها اجواء رومانسيه عشا على الشموع مفاجئ جهزي له الفطور الصباح وجيبيه له على السرير
يعني من هالحركات والله يسخره لك يارب

ام همس يالمعودة الريايل لما يزعلون تراهم يقولون الكثير و الكثير
لكن نحن لازم ما ندقق على كل كلمة و نتحمل و نعدي كلامهم
كثيرا ما انجرح لكن ارد و كاني ما سمعت و لا صار الموقف ابد
لا تتركينه يامعودة لا تسوينها
عيل كيف بتردين لبيتك لو عند و ما بغي يرضيك ...ان شاء الله ما يسويها
بس الريايل يحسونها صعبة لذا انصحك من دهاء المراة لا تتركينه مجال و لا منفذ ان يبقى لحاله
و يفكر افكار تضرك او يشيرون عليه بافكار اتضرك