السلام عليكم.............
معلش المعذره انشغلت عنكم اليوم
عندنا عزوومه كبيره في بيت ام زوجي
لان اخو زوجي الصغير خاطب
وعازم العروسه واهلها

وكنت بعمل شوية اشياء بالبيت
والان بجهز عشان اروح
ان شاء الله بدخل بالليل
وان شاء الله الجمييع بخير يارب

دارييين حبيبتي الف مبروم على خطوبة اخو زوجج ويارب ايهنيهم وتطلع العروسة ست بيت قول وفعل :42: وإن شاء الله تستانسون بالعزومة وماعليج مسموحة وإن شاء الله نتلاقى لو مب بالليل الصبح موجودين إن شاء الله


وماتنسين نباج تطلعين احلى من العروس وانتي اكيد احلى :)

السلام عليييييكم ......

كنت مقررة أنضم لكم على بداية شهر أغسطس ..
بس قلت يلااا دام إني متواجده هالأيام !

أختكم غلاي منصووور خاطرها بولد تسميه (منصور) وبنوته تسميها (الهنوف أو ميثه)
بس الحمدلله على كل حال ..
طبعا ً زوجي مب راضي يسوي فحوصات ولا نسير لعيادات ..
كان يقولي خلينا نكمل سنة .. كملنا سنة .. والحينه يقول بعد سنة ثانية!

فـ ما أعرف إذا فيه مشكلة ولا لا!
غير إني سرت من تقريباً 5 شهور لعيادة نسائية ..
وفحصتني الدكتورة .. قالتلي ما أشوف أي ماانع حتى ما عندج إلتهابات ...
وسرت قبلها يعني بسبع شهور لـ ممرخة وقالتلي إن الرحم منجلب!!

بس.. أملي بالله كبيـــــــر .. والحمدلله بالذات هالشهر أحس إني متفائلة بشكل مش طبيعي .....!

لكن بغيت اسألكم .. إذا صار حمل وفي أول أسابيعه نزل .. هل فيه طريقة أميز إذا هاي كانت دورة عادية ولا تنزيل؟؟

لأني الشهر الماضي كنت حااسة إني حااامل وجداً متفائلة..
ودورتي عمرها ما تأخرت. . تتقدم لكن عمرها ما تأخرت .. فـ تأخرت عليّ 4 أيام
وكنت في خلال هالفترة كلها أحس بدوخة ولوعة .. لكن في اليوم الخامس .. نزلت الدورة!

<< ترا معلوماتي جداً متواضعة.. وما كد سرت لعيادات إلا مرة وحد فقط!


الماسة زوجها ..
الغلا .. وحده من ربيعاتي حملت وطيحت بدون ما تدري إنها حامل أصلاً .. وبعدها بفترة بسيطة حملت مرة ثانية .. لكن هالمرة عرفت أنها حامل .. لكن في شهرها الثالث طيحت .. احيدها تقولي أنها خلال خمس شهور حملت مرتين وطيحت ... وبعدها مباشرة حملت.. والحمدلله ثبت حملها ويابت ولد ولا أحلـــى ... ربي يحفظه لهااا !

مرحبا

الماسه

معليش بتعبك معي

بس اذا تعرفين فندق النخله عندكم كيف شكله حلو ومرتب ونظيف والا شلون ؟

وزوجي يقول يبي اخر حد في سعر اليله 500 واذا كان فيه شي اقل وحلو وراقي يليت تقولين لي وش اسمه ؟