الشمعة الحزينة :

حبيبااااااااااااااااااااااااااااتي المتفاءلة قلبي مع عياالي جوسي حلووومة شموووسة بنوووتة ترانيم الحياة هاتان دكتوراه إيزابيل مشااعل سنين صاحبة الأميرات هدووووووووووووي وباقي البنات وحشتووووني كلكم بدون استثناء

حبيبااااااااااااااااااااااااااااتي المتفاءلة قلبي مع...

مشاعر مشاعل :

<<< >>>> بسم الله أمّا تجربتي مع التمريخ << أخلصي بس من كثر ماتمرخت ناسية كم مرة إتمرخت اممممم..... بنحاول إنشعلل الذاكرة أول مرة كانت في نهاية السنة الأولى من الزواج رحت لمراخة أفغانية إسمها أم عبد الله وهي من المدينة و رقمها <<< لازم أخرج برة الموضوع خخ , المهم رحت لها ثاني يوم من الدورة وحطت يدها على بطني وعلى طوول قالت المبيض اليسار عندك فيه دم متجمد , وجلست تمرخ وتفحط في بطني يمين يسار فوق تحت وأنا دوروني ماتلقوني فااااااطسة ضحك وأمي تضحك معي بتسألوا ليش تضحكي أجاوبكم وأقولكم لأن أي وحدة تمسكني ببطني أحس إني أنغز وأمووت ضحك << خرجتي برة الموضوع ياشعوولة , طيب المهم بعدها مرختني ثلاث أيام وعطتني أدوية مررة غالية , أعشاب , وعلبتين عسل وغالية حسبي الله ماسوت لي شي , وسألتني عن حالة زوجي وقالت السبب الأغلب منه وعطتني أدوية لزوجي تقريبا كلفتني أكثر من 800 ريال ..... والتمريخ الثاني كان بعد 5 أشهر من التمريخ الأول تقريباً , أخوي سمع عن ممرخة ممتازة في منطقته وقال لأمي وسافرنا لها , بصراحة إرتحت للمرخة هذي لكن عشان ماأقدر أراجع وأسافر لها مارحت لها ثاااني , أول شي مسكت بطني وقالت إنتي معك أكياس وهي إللي مانعة الحمل , وبصراحة أنا كنت قبلها رايحة لدكتور وقال معك أكياس صغيرة رجعت لي بعد العملية مرة ثانية , المهم كتبت لي أعشاب كثييرة بصراحة ماأتذكرها من كثرها وكتبتها وأنا بنفسي شريتها وعملتني على الطريقة ونصحتني بكثرة الإستغفار وهو أهم شي وعطتني أدعية وأعمال أواضب عليها , المهم سويت كل إللي قالته وبعد شهرين تقريبا رحت المستشفى قال لي الدكتور إيش سويتي مافيك لا أكياس ولا شي ولا عندك أي شي يمنع الحمل , الحمد لله وتركت بعدها هالحرمة وأدويتها .. التمريخ الثالث كان بعد 3 أشهر أو أقل من بعد التمريخ الثاني , طبعا أنا أسمع كلام أمي فديتها بكل شي << يقال لها مرضية لوالديها خخخ , هي أمي إللي تسمع من ذا الحريم وعلى طوول توديني وأنا فديتني مساالمة ومابزعلها أبد , رحنا لهالممرخة وكثير حملوا منها ماشاء الله بس مسكتني إشوي من بطني وقالت مابلعب فيك إنتي كده كوويسة وقالت عطيني رقم زوجك بكلمه , أنا قلت هااا ويش تبين فيه << مالت عليَ أغار من حرمة عجووز خخخخخ , عطيتها رقم زوجي وكلمته من ورايا خخ وبعدها زوجي إتواصل مع الدكاترة وبدأ يعالج وأخذ عسل مع خلطة من عندها ومامرختني أنا بس عطتني عسل للتنشيط وراجعتها أكثر من 4 مرات وكان وضعي تمام ولله الحمد لكن ربي ماكتب الحمل والحمد لله على كل حال .... التمريخ الرابع وهو قبل شهر وربي كل ماأتذكره أنا وأختي أنوااااع التفطيس والضحك خخخخ , أمي جابت لي حرمة باكستانية البيت ماشاء الله عليها جســـم يخووف وملامحها رعبتني أول مرة , من شفتها قلت لأمي بطلت مابتمرخ , أمي ولا كأنها سمعتني قالت لها إتفضلي وسدحتني قدامها وأنا أرجف تقال شابكيني في فيش 220 , مسكتني من بطني وبطني ينتفض وأختي ماسكة الضحك , وقلت لكم أول من يمكسني أحد من بطني اضحك , المهم لمست بطني بقوووة أنا طلعت الضحكة مني قوووية , إلا وأطالع فيها وأسكت قالت لي إيش كلام ؟ خخخ قلت لها ولا شي بس بشويش , نظرت لأمي وهي قالبه خشتها قالت لأمي هدا بنت دلع خخخ , مرختني وقالت الرحم عندك مقلوب قلت لها هذا أول وآخر يوم تمريخ , صرخت قالت بكرة تاني مفهووم , وأنا خفت قلت إيه كل يوم كل يوم مفهوووم << ماأجي إلا بالعين الحمرة , بعدين قامت الحرمة وانا جيت بقوم قالت لأ لأ إنت إجلس وحطت رجلها على بطني ورفعت رجلي وأنا أقولها لااااااااه تكفين لاتذبحيني قالت إيش كلام مافي خوف , وانا تدوروني ماتلقوني والدموع أربع أربع وأقول لأمي إنتي ماتبيني إشلون تتركيها تذبحني وأختي وجهها طماط من الضحك هههههه , المهم تركتها وقلت اليوم نهايتي , رجلها على بطني وبيدها اليمين ماسكة يديني وبيدها اليسار رافعة رجووولي << تخيلوا المنظر تهئ تهئ , ورفعتني بقووووة على فوق تقول عشان ترجع السُرة مكانها , وتكرر العذاب لمدة ثلاث أيام متتالية إهئ , وماتتصوروا مدى سعادتي في آخر يوم , شقيت ذيك الضحكة وكأني شخص محكوم عليه بالإعدام وطلع براءة هـع هـع .. طولت عليكم حبايبي وأدري كتبت قصة حياتي بس هذي الأربع تجارب إللي أتذكرها وكلها أروح لها عشان خاطر أمي وربي , ماأتحمل أشوفها قدامي تترجاني وتدمع عيونها الغالية عشاني , أفديها بعمري أنا ,, والا هالممرخات خسرت من وراهم كثيييير من الآلآف وأدري مافيني شي صعب يارب لك الحمد ,, والحمد لله على كل حاااال

<<< >>>> بسم الله أمّا تجربتي مع التمريخ << أخلصي بس من كثر...