السلام عليكم ورحمة الله وبركاته :

ليلة الخميس 23 / 11/ 1427

للان ماولدت وفي انتظار الفرج من الله سبحانه وتعالى .

سولفوا يابنات وش فيكم ؟ اكتبوا قصصكم وقصص غيركم .

الاميره ميعاد جزاك الله خير .

أجمل احساس جزاك الله خير وكل البنات والف شكر . ياليت لو تتكلمين بالتفصيل عن المستشفيات الحكوميه الي ولدت فيها وكذلك الخاصه عشان يصير الموضوع بالفعل قيم ومفيد ومرجع لاي وحده يهمها ها الامر .

نصيحه يابنات وارجوا انكم تتقبلوها مني : لاتلبسون بناطيل في الخرجات . والله تبين الجسم وياكثر الي شفتهم مفتحه عباياتهم سواء عن قصد < وحاشاكم ان شاء الله > او الهواء يطيرها فيبين الجسم بالتفصيل والرجال يطالعون .فتنه صراحه وانتم متزوجات وتعرفون .

مساء الورد في عز البرد>>>>> متجمده من البرد وقامت تقول شعر
تصدقون عاد الحوامل بها التجمع ينعدون عالاصابع
اجمل احساس كيفك اليوم؟ وكيف البرد معك؟
شجرة الدر ادعي الله دعاء الحامل مستجاب لانها مثل المجاهد في
سبيل الله بعدين وش فيك زعلانه اذا الله اراد بتولدين طالما الجنين
بخير والمويه حوالينه تمام فلاتشيلين هم
خالتي كان شهرها رمضان تقريبا قالوا لها يوم28_9
وكملت الشهر وعيدت وانبسطت لا وجلست بعد العيد 12يوم بعدين
ولدت ترى احيانا يصير لخبطه في حساب الحمل والله يقومك بالسلامه

شجرة الدر:)

ياهلا وغلا .. نور المنتدى .. و النت كلها ..

لا تقعدين ياعمري تحسبين الوقت باليوم و الساعه .. يطول عليك الوقت بعدين ..

انا يا يعمري ولدت بمستشفى الملك فهد العسكري اللي بجده .. و العسكري اللي بالرياض

ولادة و الحمدلله طبيعيه .. وصارت الضروف و حملت وكانت الولاده مبكره جداً , بأول

اسبوع بالثامن لأن البيبي كانت رجولها تحت , الطبيب كان بالعسكري اللي اراجع عنده

على حظي طلع من المستشفى و راح لمستشفى كبير .. كبير اهلي .. واضطريت اروح عنده

يولدني لأنه بصراحه طبيب مافي منه اثنين .. بالمره ممتاز .. وبهالمستشفى الاهلي وقت

الولاده عطوني الكمام فقط .. صحيح انهم حواليني طول الوقت لكن هذا اللي سووه .. بعد ميزه

ثانيه انهم وقت طلوع الطفل ما شالو الكمام خلوه معاي .. ووقت الخياط .. بس بعد الولاده

جابو لي الهم .. البيبي فيه و فيه ,, لازم نسوي لك التحليل الفلاني و العلاني .. وربي كنت

اتمنى ياخذون فلوس بس لا يقعدون كل شوي يغززون فيني بهالابر انا و البيبي ..

كنت ماخذه جناح قعدت اربعه ايام .. كلفتني الولاده بحدود 15000 الف ,, تخيلي ..ولاحظي

ان الولاده كانت طبيعي .. و تصدقين اني طلعت من عندهم ورحت للعسكري اتنوم فيه مره

ثانيه .. واقولك على شي يضحك ,, اختي كانت تسولف لزميلتها مصريه عن الولاده بالاهلي

وسعرها ,, قامت شهقت المصريه وقالت : 15000الف ايه:09: .... ليه هو العيل من

عندهم .. وربي صادقه ..

ان شاء الله اكون وسعت صدرك ...

لاتنسين تبشرينا اذا ولدتي .. ولو بمسج ..

الاميره ميعاد معنا ..... لا لا مفروض نجيب القهوه و الحلى و نقعد ..
ياعمري انا " نشكر الله " كيفيك انتي ....؟؟
والله مالي خلق اطلع من البرد ..

مشكوره عالضيافه ياقلبي
انا الحمدلله تمام بس البرد ذابحنا تصدقين حتى انا اليوم مالي
خلق اطلع
اقول وش رايك تجين تعشين معاي بسوي سليق واذا ماتقدرين
برسل لك بس انتي آمري