تجمع حوامل الى فيهم ســــــــــــكر حمل

الله يهون عليكم ويشفيكم

بنات حبيت اسئلكم لانكم ماشاءالله كلكم امهات والله يخليلكم اعيالكم
بنت خالتي عملت تحليل سكر جلوكوز وهي ببدايه سادس ونتيجه كانت 173 وتقول مختبر قالها مرتفع فقط لاغير وموعدها بعد اسبوعين عند دكتورة هل هو مرتفع كثير والا كيف ؟

وماهي نصايحكم اذا كان مرتفع؟

هل فيه خطر على الجنين؟

وشو الاكل اللي لازم تخفف منه عشان مايزيد؟


=====================================

وحبيت اسئلكم سؤال ثاني انا مع حمل زاد وزني فوق 20 كيلو ووصلت 80 وتوني داخله سابع وباقيلي ان شاءالله 3 شهور وماابغي ازيد اكثر لان حالتي نفسيه نزول في نزول ضيق تنفس تورم برجولي صرت مااقدر اعمل شي كلش ولو جهد بسيط بسبب زيادة لان طولي 158 فطولي مش مساعدني وتعباانه واايد من زيادة الكبيرة

فابغي نصاايحكم ؟

سؤوال الاخير عادي مااسوي سونار لين شهري الاخير والا لازم لاني عملت من قبل 4مرات ومااحب اعمل سونار واايد اخاف يضر البيبي ؟