الله يعوضك يابنت الشفاء
علمينا وش صارلك كيف سقطتي وش السبب؟؟

حلوه زماني والمشتاقه امين الله يسمع منكم ويعوضني ربي خير من غير تعب
قصتي رحت يوم التحليل وحللت وصار فيه حمل بس ضعيف وطلبو مني احلل في نفس اليوم دم وحللت واتصلت عليهم الضهر وقالو نتيجه كويسه وقالو تعالي بعد يومين اعيد التحليل في البول مره ثانيه واذا باقي ضعيف خلاص بينزل ورحت بعد يومين وحللت وقالت احسن من المره الاول صارت نسبت الحمل طبيعيه وبعد 3اسابيع تعالي سوي اشعه لنبض وعطوني تحليل احلل كل اسبوع حللت يوم9 ويوم16 من شهر الحجه والحمدلله على كل حال وكان موعد الاشعه بدايه السنه الجديده يوم واحد وجاء موعد الاشاعه وقالت مافيه نبض تعالي بعد اسبوع ورحت امس وكان على نفس الوضع موجود الكيس بس مافيه نبض دخلت على الدكتور وقال خلاص الحمل ماكتمل ولازم تتركين المثبت وتنتضرين اسبوع او عشره ايام وراح ينزل واذا مانزل روحي لقسم الطواري وطبعاماتجينا روحي لاي مستشفى وراح يستقبلونك ويعطونك علاج يتزله قالت عطوني علاج قال لا روحي حتى لو تبين لخاص ويعطونك قلت عطني طيب موعد علشان اشوف اذا ارحم نضف بعد الاجهاض قال اي مستشفى يقدر يكشف عليك وفي حالت جاك نزيف روحي لي مستشفى يكشفون عليك ويقولون لك وش السبب وقال اتصلي بعد شهرين وش اسبب في الحمل بكيس قال من عند الله ماندري والمره الجايه بيكون نفس العلاج والحمدلله على كل حال كان ودي ابشركم بس قلت خلها بعد مااشوف انبض واقولكم شعوري بعد سماعه بس ما الله اراد ونسيت اقولكم بعد ماعتدت التحليل اليوم الثاني كان الدكتور خالد موجود وهو الا اراجع عنده وسالته عن الوضع بخصوص انه كان في البدايه ضعيف بعدين صار وضعه كويس وان فيه احتمال يثبت الحمل وقال امرك كويس ولاعليك خطر في شي بس بعد كذا جاء زوجي لانه ماكان موجود معي وحب يتطمن على وضعي وقاله انت ادع ان ربي يثبت اذا مانزل ولا علمني زوجي بهاذا الكلام الاامس وبصراحه انقهرت ليش قالي ان وضعي مطمن وعارف انه مارح يصير فيه نبض علشان كذا صرت ماثق بكلامهم الي يبون يقولونه والي مايبون يغبونه اذا الواحد فيه شي خلاص احطه امام الامر الواقع ماله داعي اقعد العب عليه

(( لن ينكسر قارب الحياة على صخرة اليأس مادام هناك مجداف اسمه الأمل ))

استمعو لهذا المقطع الراااائع
!
والله أن كلماته تلامس القلب
لكل مهموم ومريض ومديون استمعوا
لكل من تسأل ربها زوجاً أو ذرية استمعوا
لكل زوجة تعاني المشاكل مع زوجها استمعوا
لكل أرملة ومطلقة استمعوا
لكل باحث عن عمل ووظيفة استمعوا
http://www.wathakker.net/lib_audio/d...ad_faqeer_.mp3

مساءالخير....

بنت الشفاء
الله يجعل ماأصابك تكفير لذنوبك والرزق جاي بإذن الله ...الله سبحانه ماأخذ منك إلا ليعطيك ....يارب تنجح الجايه بتوأم يارب


شوكولانه
التخصصي يقبلون من مركز أهلي عادي ومو شرط يطولون بالمواعيد انتي وحظك ..ادعي كثير ان الله ييسر امرك وتنجح عمليتك ولابد من الصبر
صحيح اول موعد يكون بعيد بالاشهر لكن اذا رحتي اول موعد يخلصون كل شيء اشعه وتحاليل انتي وزوجك كلها بيوم والموعد بعده بشهر ويقول الدكتور العلاج المناسب ...الخاص يكلف والعمليه مو مضمونه بكلا الحالتين


المشتاقه
وينك حللي صباح 12 يبين المنزلي ...وعندي احساس انك حامل


كوكوشانيل
وينك وش سويتي بالتخصصي ؟

الله يعوضك يابنت الشفاء
ابسالك وش كنتي تاكلين من حبوب بعد الترجيع ؟؟
والاجنه كانت من اي درجه ؟؟