بنات ..
انا تو واصلتني رساله ع الجوال مكتوب فيها:
عزيزي المراجع مع تمنياتنا لكم بالشفاء العاجل
نفيدكم انه تقديم حالتكم رقم(طبعا رقم الحاله) لمركز قبول المرضى في مستشفى الملك فيصل التخصصي ومركز الابحاث
ما فهمت ايش يعني قبلونا ولا لا؟
أختي الأمل والرضا أتوقع يقصدون قبولك بس كلميهم بكره عشان تسويين موعد والله يكتب اللي فيه الخير
وين تجمع بنات التخصصي مالكم حس بعد ماصار التجمع للكل تلخبطت ياليت تطمنوني عليكم وتبشروني مين فيكم حملت ولاتنسوني من الدعاء فاوالله حالي صار اصعب الله المستعان لكن فوضت امرئ للحي القيوم
الصفحة الأخيرة
اختي الغاليه fatto1986 انا مثلك ابرجع مجمد عند الدكتوره الجوهره المطوع اول مره
احس انها ماشاء الله فاهمه وطيبه مره ومن يوم دخلت عندها وهي تنصح بالاستغفار وقالت باذن الله ما تحتاجين ترجعين وتجيني حامل هذي الكلمه احبها وتوسع صدري
شوفي يالحبيبه انا عندي فكره ان الانسان يتوكل على ربي ويستخير ويستشير ويبحث عن الطبيب الماهر بس ما نتعلق بهم نتعلق بارحم الراحمين سبحانه هو عليه هين
لاتتردين وثقي بالله واحسني الظن به سبحانه وادخلي هالعمليه بكل تفاؤل ولا تتركي للشيطان سبيل ليقنطك ويحزنك اهم شي التوكل والنفسيه الحلوه المتفاءله
انا كنت عند الدكتوره زينب ابو طالب الله يجزاها خير واول مره سويت حصل حمل بس نزل في اسبوع وسويت ترجيع مجمد ومانجحت
وقلت هالمره ابرجع عند الدكتوره الجوهره في الريان لانها في المتابعات اقرب والعمليه في العليا
بس ماغيرتها لسبب فيها لا والله انا احبها معجبني هدؤها وطريقتها واحترامها للمريضه حتى في اخر ترجيع كانت جاهزه للترجيع والممرضه حاطه الجهاز على بطني وهم تاخرو في احضار البويضات والممرضه تضايقت وماشاء الله على الدكتوره ما استعجلتهم اوبينت شي ولا حسستني بالتوتر احس هالنقطه حلوه لانها لو تضايقت ابتضايق وكمان نوتر ممرضات المختبر
الحمد لله على كل حال الله ييسر امرك وكل البنات ويرزقنا واياكم ذريه صالحة باره