تجمع خاص لجميع النعنوسات العنوسات الجميلات الفاتنات الي مثلي فاتهن القيطار احم احم

اليوم يا جماعه انا قررت التالي من معي ارفعوا
الصبع اليمين اصغر واحد في الرجل اليسار :booo:

طيب طيب جيد جدا يعني النعنوسات كلها موافقات كلام جميل ندخل في المهم :3_13_11:

والله يالغاليات يا نعنوساتي الحبيبات
هذي ابدا ابدا مب حاله
انا قررت اسوي بالضبط مثل هالصوره من نفوخي
:10_1_103v

والسبب بسيط
لان الي مايتسماش حتى في الحلم ورايه ورايه وصرت اهوجس وجر الونات :hahaha:
طبعا من كثر ما انا يتني حاله هستيريه <<< من متى وانتي مب مهستره الحمدلله والشكر :07:
وادعي ومقطعه عمري عسب >>>:arb: <<< شوفوا كيف يبتسم يالنذاله
صرت اترقم في الحلم !!! وبليس لعبي لا بركتن فيه ولول الحيا علوم علوم بتستوي
ماتعرفون الموضوع خشووووووووو باليمين بس لا تردون في الموضوع انثبر وخلصنا منه خخخخخخخخhttp://forum.hawaaworld.com/showthread.php?t=615713

فقلت لنفسي يعني وبعدين ما صار حتت راقل
بيبدلني من نعنوسه الى مدام وش فيها نعنوسه شو يعيبها :icon31:<< معانا في الشله

طبعا بعد ماطاردتني هالفكره في الاحلام
وشوقي الى احتضان بيبي:unhappy: <<< لا تقلبينها انتي ووجهك

يتبع

الا من ثوارتي وهبلي :glotz:
الحين وانا قايمه اقابل ربي الثلث الاخير بدال ما ادعي بالفردوس الاعلى والستر والثبات والتوفيق وحفظي للقران ايلس ادعي للريل كل يوم كل يوم كل لحظه مايخلص المذن الا وانا ادعي لين اطيح على جنبي بعد انهيار شلاشلات الهملايا <<< فيها شلالات استروا على ماجاكم يالربع احم

وازحف زحف للحمام اتوضء للصلاه ومااسجد الا وانا ادعي بالرجل الصالح الي ماجى ربي لا ياخره خخخخخ<< رجعت :S_45:
وليش ماادعي لنفسي اني ادخل الجنه وادعي لنفسي بالثبات ترى الي مأمنه نفسها غلطانه والله ثم والله ثم والله ان ابليس شاطر ربي يلعنه ستين الف لعنه :22: انا لو ادعي بالثبات ويبعد عني شياطين الجن والانس يصير احسن لازم يابنات ما نأمن للدنيا ندعي ندعي ياشين مايوقع الفاس بالراس ونتحسر ونتعلم درس متاخر ياشينها والله !!!:09:

صحيح ان الدعاء يغير القضاء هذا سمعته اذا غلط صححو معلوماتي
ولكن مانخليه الموضوع همنا الي شاغلنا
نحن اول مادخلنا الاسلام << احلفي ا
اقصد من فجر السلام من راد الله انى نكون مسلمين سنين من اهل السنه <<< هع هع اريد اغيض بعض العرب الي في النار خخخخخخخخخ اشوف حد منهم يرد بالزنوبه
امنا بالله ربنا وبمحمد نبينا وحبيبنا اللهم صلي وسلم عليه والقدر خيره وشره
انا مااقول ماندعي ندعي بالمعقول نحاول نتصيد الاوقات المناسبه وبيقين وقلب حاظر ندعي ونتوكل على الله ونوقن ان الله سبحانه وتعالى بيستجيب ولا بيظلم عباده صح يابنات .. والخيره في ماختارها الله

الزبده <<< لا تستخدمون لوربك لاني مقاطعه :icon29:

نرد للموضوع
الحين اول ماناس يقولون فلانه عانس ودنى الارض تنشق وتبلعنا :10_8_11:
طيب ليش نحن وش ذنبنا عشان نحس بالحرج .. ترى فيه فئه تقصد انولها مرادها ليش:angry2:

غير هذا وهذا وهذا اول ما الوحده تشوفنا وتقول ربي يرزقج بالرجل الصالح ليش نحس بغصه ونكس الاعلام <<< عسى ماحد مات بس :mad:

ليش مانقول امييييين انا وفلانه اذكر اقرب وحده نفس حالتي تقرب للبنت هذي منها ندعيلها بالخير ومنها تلم ثمها وتسكت يعني لا اخر نعنوسه ولا اول عنوسه :hahaha:

طيب ليه السهر والبكا والشعر والخواطر :3_3_103:
ليش نشمشم العطور الرجاليه ونربع الغتر والكنادير( اقصد المحارم الي في البيت ) كانها بتنسرق <<<<< اتكلمي عن نفسك يالمهستره :icon19:

طيب خلونا من التشمشيم ليه يوم نركب قدام في السياره عند محارمنا ماودنا ننزل خخخخ:icon30:

ليه وليه وليه وكثرت اليهات
اقول ترى نحن مميزين عن بقيت الشعب ليه طيب لنا نعنوسات <<< بدينا في الهبل :hahaha:
لا لا لانا شهداء لو نموت عند ربنا تعرفون ولا لا
البنت الي محافظه على نفسها وعذريتها وخايفته اذا ماتت تكون بمرتبت الشهداء
يعني نحن افضل من غيرنا ووضعن حلو صح يابنات

يتبع

ننتقل للنقطه الي بعده
اقول متى اخر مره طالعه على الميزان يالدبه :10_8_9:
متى اخر مره اثبتي وجودك في البيت :3_13_12::3_2_8v::7_2_103v:
متى اخر مره رايحه لطبيب الجلديه او طبيب الاسنان او او او او

متى اخر مره ابتسمتي من قلبك وعزمتي صديقاتك وعشتي حياتك :3_10_6:
طيب نحن صغنونات يعني 28 و30 و35 و40 شو يعني ندفن نفسنا لين يلمنا قبر ضيق وبعدين يا نعنوسات لين متى بنتحسس وبيكون شكلنا اكبر من سنا وليش مانفاجء الكل :7_18_2:
ليش ما نغير الفكره الي في بالنا انا مضطهيدات انتحاريات فدائيات لي متى نعتمد على الغير ليش مانسى نعم نسى وعلى الله كل شي :26:

وانخطط ونتكتك ونتفنتك الوضع مخييييف مميت انا ماراح اكمل الموضع لين احصل معايه هنوسات نعنوسات حلوات يريدن يبتدن حياه جميله باذن الله بعيده عن البكاء والنواح والترجي وكان الي بيخلينا نحس بطعم الحياه هوه :arb: مب دائمن يكون نعمه ترى مرات يكون نقمه والله العيشه تحت كنف الاهل برضى الرحمن حلوووووو حلوووووو :icon19:
يالله اشوف الردود وبعدين اكمل وترى مابرد على كل وحده اكيد بيكبر الموضوع بنسولف بشكل عام وكل بنت ترد على الثانيه يعني كأنا في مجلس نخطط ونرسم حياتنا من جديد اروح ايب الحلو والعصير ودلة القهوه للمعصقلات وبيب ماي وبسكويت دايت للمتحزمات :hahaha:
وصحيح لازم ندعي لبعض عشان الله يوفقنا

يعني نقول اللهم زوج اخواتي الراغبات في الزواج في هذا الموضوع وسهل لهن زواجهن وجميع بنات المسلمين امين يارب العالمين .

وهذا منقول من موضوع ريانةالعود في المنتدى هنيه اتمنى تدعولها في ظهر الغيب عيوني سوري نقلته بدون اذن عشان نستفيد منه ياكثر ذنوبنا ربي يرحمنا برحمته
(( اللهم إني أسألك إيماناً دائماً , وأسألك قلباً خاشعاً , وأسألك علماً نافعاً , وأسألك يقيناً صادقاً , وأسألك ديناً قيماً , وأسألك العافيه من كل بلية , وأسألك تمام العافية , وأسألك دوام العافية , وأسألك الشكر على العافية , وأسألك الغنى عن الناس ))

قال جبريل (( عليه السلام)) : يامحمد والذي بعثك بالحق لايدعو أحد من أمتك بهذا الدعاء إلا غفرت ذنوبه , وإن كانت أكثر من زبد البحر أو عدد تُراب الأرض , ولا يلقى الله أحد من أمتك وفي قلبه هذا الدعاء , إلا اشتاقت إليه الجنة , وأستغفر له الملكان , وفُتحت له أبواب الجنة , فنادته الملائكة : ياولي الله ادخل من أي باب شئت !!"



:33: انتظركم


نــــــــــــــــــــــــــــــــــــداء خاص للمشرفات الله يخليكم لا تقفلون الموضوع لان قالولي احتمال ينقفل لان هالموضوع عباره عن دردشه وفشت خلء ضحك سوالف ومواقف الى تحسون انه مب المكان المناسب ياليت تنقلونه اي قسم اذا هنيه مب محله بس ارجوكم لا تقفلونه اتمنى منالله ...


بنات ماريد وضع اديعيه في الموضوع عشان مايتسكر لان المشرفه اتم تراقب الادعيه لان هالشي في ذمتها اذا الدعاء صحيح او لا وماشابه نريد الموضوع يكون نقاش حوار ونتبادل الاراء والمواقف يعني دردشه وسوالف ومايمنع من الدعاء للبنات بالتوفيق عشان مايتسكر الموضوع الله يخليكم