السلام عليكم
انا جارتي مريضة بالقولون
اقسم بالله انها تحزن وعمري ما شفت مثلها تخيلوا ام لثمانية الله يخليهم لبعض
ووزنها 35 كيلو بسبب القولون
الله يشفيها يا رب
وانا يتعب القولون عندي اذا عصبت او قلقت
....................
حبيت افيدكم بمعلومة
بنت عمي كان عندها القولون وتأخر عليها الحمل
فحصها الطبيب قال القولون سبب تأخر الحمل واعطاها ادوية تعالج القولون وبعدها حملت ما شاء الله

وااااو

تكفون بنات هالموضوع نبي نستفيد قد ما نقدر منه


لانه بصراحه انا مهبل فيني القولون من يوم عمري 14 سنه وهالخين عمري 30 سنه


ايش نغزات بالقلب يا عمري يا انا تصدقون يوم كنت صغيره من كثرالنغزات قلت بس هذا القلب ورحت للدكتور على اساس يعملي تخطيط قلب واكلم بنت خالي واوصيها واقولها خلاص يمكن ما ارجع للبيت ترا بموت انا رايحه لدكتور القلب سلميلي على اخواني وامي وقليلهم اني كنت احبهم كثير متاثره بالافلام هههههههههههههههههههه من جد كنت خايفه بس طلع القولون


طبعا والين الحين مو راضي يروح ولا يخف مساله الحميه ما اقدر احمي نفسي كثير لان كل شي يثور القولون اول شي النفسيه لا فرح ولا حزن ولا قلق وخصوصا لما اقابل ناس اول مره اشوفهم يووووووووووووووه انواع الغازات والاصوات بالبطن

اذا اكلت الحوااار الفلفل يوووووووووووووه شي موووووت

اللبن هذا اذا شربته عملت اجرام بنفسي والله ساعات لما ينتفخ البطن تقل حامل بالشهر السادس

والامساك يا لطيف من جد ذبحني


ايش الشي اللي يريحني ولا شي الين الحين ما اكتشفت شي


واللي قاهرني كل ما اروح لدكتور واقوله معاااي قولون ابي علاج له يطالع فيني كناه مدلخ وبالاخير ما يعطوني علاج ابد يقولو اجتنبي وابتعدي اوكي بس انا ابي علاج ما اقدر احرم نفسي لان كل شي يثور القولون عندي وبعدين انا القولن اكثر شي نفسي وانا نفسيتي كثير تعبانه فصعبه صعبه


على العموم انا بتابع معاكم كتبت اسم علاج الاخت اللي هي حبوب زيت النعناع بجربها وان شالله انها تساعدني


وبروح خلال هالاسبوع للدكتوره لاني عامله فحوصات بروح اشوف النتائج وبتناقش معاها بموضوع القولون والله يعين الجميع


وبليز نبي كل شي يساعدنا على التخلص منه

أختي الغالية..والدتي حفظها الله عانت من القولون..كثييييييرا

والآن ولله الحمد تقريبا انتهت مشاكله..واستعملت له دواء راااااااائع اسمه

ليبراكس..هذا الدواء خلصها من كرش كبير..طبعا الكرش كان عبارة عن غازات..

بالإضافة الى أنه يهدي الأعصاب وينظم الهضم..حبة واحدة صباحا وستدعي لي طول عمرك..

شرط يكون الدواء سويسري اصلي.

وهناك دواء جديد متوفر بالصيدليات اسمه زلماك أو كلمة تشبهها لست متأكدة..يمكنك

سؤال الصيدلي..

انا شخصيا..جربت ليبراكس..رااااااائع والله الموفق.

مشكوره اختي اميرة الشوق على المعلومات وكذلك الاخت ريماس ولايهونون الباقين والله يشفينا جميع
بنات ابسألكم فيه احد حس ان وزنه نقص ؟؟
انا وزني نقص احس اني نحفت مره وزني كان 69 الحين وزني 57 مدري هو من الغربه ولا عشاني اخاف يجيني امساك وصرت ماكل كثير تركت الرز والخبز الابيض والحلويات مدري تتوقعون انه من القولون ولا عشاني خففت اكلي ؟
من زيي قل وزنها ؟

هبوية اهلين عيوني وسلامة بنتك
مسكينة بدري عليها القولون طيب اعملي لها تحليل براز يمكن يطلع عندها ديدان او بكتريا
اما اذا كان قولون اكيد مالك الا تهدينها وتدارينها عشان يروح ترى كل الناس يعانون وقت الخوف او التوتر من تقلبات الجهاز الهضمي ومو شرط يصير على طول معاها
بالنسبة للاكل اللي يتعب ناس ما يتعب غيرهم يعني شوفي اللي يتعبها وغالبا الاكل اللي فيه بهارات او دهون كثيره واحيانا الحليب 00واذا كانت مره عصبية انصحك تعالجينها بنفسك او بمساعدة اخصائي لا تهملينها والله معاك 00


ميساء هلا فيك عيوني وقصة اللي القولون اخر حملها سبحان الله حتى الحمل يتدخل غريبه 00