انا ماشية على نظام مركز نيوتريشن ومستانسة عليه وايد ينزل من الوزن ويشتغل على الدهون والاملاح والكتلة
من فترة جربته ونزلني في اسبوعين 6 كيلو ع شوية تخبيص
بس خليته وما كملته و طبعا زاد وزني وايد
الحين رجعت له من مدة 3 اسابيع او اكثر و نزلت في اول اسبوع 3.300 و اللاسبوع اللي بعده واجهتني مشكلة في المشي لان عندي مشكلة في القدم و نزلت 1.800 في 9 ايام
وزوجي يوم شاف النزول قالي سويلي معاج بمشي عليه
ما فيه حرمان وايد وكل ما نزلتي صار اكلج مفتوح اكثر
يعني اول اسبوع يعتمد على البيض المسلوق و التونا بالماء والمرتديلا و الجبن الحلوم مصفى من الملح والدجاج من غير جلد واللحم بدون دهون و السمك وكلهم يا مشوي او مسلوق و الخيار و الخس و الملفوف و الفجل و الشاي محلى بسكر الرجيم او قهوة محلاة بسكر الرجيم و سوارما بس بيتية لان مالت المطاعم مليانة دهن وروب ولبن قليل الدسم
وممنوع اي حلى او نشويات ومنها الجزر و البطاطا و الرز و لمعكرونة و الفطاير والخبز حتى الاسمر و الحليب حتى قليل الدسم او منزوع الدسم والفواكة بجميع اشكالها
ومسموح بجميع انواع التوابل
والدهون ملعقة وحدة فقط في اليوم
و بقول لكم عن طريقتي في التونا: علبة تونا+ فلفل احمر+ كمون مطحون+ ليمون وملح واخلطها مع سلطة او اكلها لحالها يمييييييييييييي :icon28:
والشاي الاخضر مطلوب سواء مع الزنجبيل او بدونه
والماء ما يقل عن 8 اكواب يوميا
المشي من 35دقيقة وانتي طالعة
اللي مشتركين في هالمركز يقدرون يشاركون اي شخص اخر يود المشاركة لا اتحمل اي شي يصير فيه من اعراض جانبية :icon28:
واللبنة قليلة الدسم او اللايت مسموحة والفول والحمص كذلك