تسلمو على ردودكم ربي ييسر اموركم و يرزقني و يرزقكم من واسع فضله .
حبيت اقولكم اخباري انا ربنا سهللي اروح للدكتور بندر في بنون و عمللي جلسة واحدة تحفيز لبطانة الرحم زو موعدي الثاني بعد بكرة ان شاء الله.
زيارتي الأولى رحت بموعد و دفعت 300 ريال كانت في ثاني يوم للدورة و رحت معايا تحايليلي الاخيرة للهرمونات للدورة السابقة وهرموناتي مثل ما خبرتكم نسبها طبيعية و لله الحمد لحد الان .
شاف الدكتور التحاليل و سأل أسئلة عن محاولاتي السابقة و الادوية اللي اخذتها و الجرعات اللي اتوصفت ليا و سأل زوجي عن حالته و تحاليله و شاف اخر تحاليل للسائل و زوجي الله يشافيه عنده قلة في العددو و تشوهات و لزوجة و بطء في الحركة.
ارسلني الدكتور بعدها اعمل الترا ساوند للرحم و المبايض و عملته ب 250 ريال في نفس المركز و رجعتله بعدها و قاللي ممكن نبدأ التنشيط من الان و ما شاف اني احتاج للتحفيز في البداية لكن انا اقترحت عليه اني اجربه لعله بأمر الله يكون فيه خير ليا لو مافيه مضرة علي.فوافق و حددلي موعد للجلسة الاولى في العاشر من الدورة .
الجلسة الاولى جيت على موعدها و دفعت 500 ريال للجلسة الواحدة و ادخلتني الممرضة غرفة جنب عيادة الدكتور و اعطتني تحميلة فولتارين احطها .و بعدها طلبت اني اتمدد على سرير الفحص و البستني ساتر ورقي للساقين و غطتني لحد ما الدكتور جا
ولما جا الدكتور استعمل جهاز الانبوبة للوصول لعتق الرحم و كان مؤلم و بعدها استعمل المطهر و بعدها

وراني انبوب وقاللي هذا هو جهاز التحفيز و ادخله و شعرت بألم ووالم مثل الابرة اللي تنغرز جوا بس كان لمرة واحدة و اخرج الجهاز و كان مدتها دقايق قليلة . و وراني علبة صغيرة شفافة فيها نقط دم و قطع صغيرة جدا للبطانة اللي سحب منها ما بين لونين احمر بعضها بني و قال ان البطانة لازم تكون باللون الاحمر مو البني.
و قاللي ان فيه نزف بسيط متوقع و الم مثل الم الدورة و كله طبيعي. وصفللي مضاد حيوي مرتين في اليوم.
صرفته من صيدلية خارجية لعدم توفره في صيلية المركز في وقتها.
النزف خفيف كنت استعمل الفوطة اليومية بس. والدم كان في اول احمر وبعده بيومين صار بني و بعدين احمر .و كان فيه خيوط بنية خفيفة في اليوم الثالث.
الجلسة الثانية بعد يومين ان شاء الله و راح اخبركم بالي يحصل معايا لعله يكون فيه فائدة لاحد. و ربي يبلغنا جميعا.

ربي يوفقك احتي ايساف 
ويسخرلك الخير بكل خطوه تخطيها وتري  في كتير بنات بالمنتدي عملو التحفيز وكاشالله تبارك الرحمن ربنا اكرمهم من كرمه  عقبالك  وكل المتاخرات الاربعنيااااات قوووولووو امين يارب العالمين 
طمنينا  عنك بالتحفيز التاني 

مرده
 اين انتي راح ارفع عليكي قضية اختفاء 

تسلمي يا شهد يارب يرزقنا جميعا .بس سؤال فيه تجربة لواحدة حملت بعد التحفيز و كانت باواخر الاربعينات؟
ربي قادر اكيد بس في تجربة لاحد بعمر متأخر؟
على فكرة يا بنات انا موعدي للتحفيز الثاني الاسبوع القادم بس انا ملخبطة في المواعيد و قلقانة اتصلت اتأكد من موعدي مو هذا الاسبوع .

الله كريم الله كريم
الله كريم
ولو بعد حين

ههههههههههههههههههههههههه شهودة والله لك حق ترفعين علي قضايا مو قضية
بس النت عندي زفت مرة يفصل ومرة يشبك

الله يوفقك في عمليتك هذا الشهر وتبشرينا بحملك

ارسلت عليك رقمي عشان القروب اللي عندي مارديتي وماارسلتي رقمك

اللي تبغا تشترك معي بالقروب ترسل رقمها خاص ويامرحبا بها





ايساف
الله يتمم لك على خير انتي وجميع الاخوات اللي هنا ونحمل جميع ويكون ملفنا عنوان الامل لكل قسم التاخر في الحمل


اخباري
لازالت الدورة تعتصر في بطني والام قطعتني بدون ماتنزل
وصدري منفوخ ويعورني بقوة

البنات معي في القروب يقلون يمكن حامل وانا مستبعدة هذا الشي وماشي على الله صعب بس من مامر علي من حالات وابالاخير تبوء بالفشل

الله يكتب لنا اللي فيه خير