مدام وائل :

اهلا بيكى يا غدير افكارك روعة جداااااااااااااااا تقريبا باعملها بس بدل النيلون على رفوف الثلاجة باحط مفاش السفرة الخفيفة الل تباع بالمتر وباغيرها كل شهر ونفس فكرة التقشير باعملها بس باختلاف بسيط انى بجيب كيس صغير جنبى من اول ما ابدأ تحضير الاكل لحد ما انتهى خلال ساعة بالكثير طبعا وااقفل الكيس كويس وارمىة فى سلة الزبالة وحلوة اوى فكرة الجرايد على الجرانيت هاعملها بأذن الله وبرضو فارشة اعلى الثلاجة مفرش وحاطة فوقها فازة ورد بس للاسف رافعه عليها اغلب المنظفات علشان خاطر ابنى فشكلها مش حلو بس منظم وحلو حلو كل افكارك فكرة الموضوع ذى ما عملتى كدا بالضبط بزيادة عليها التنظيف اللى بنعملة واسلوبة بالتفصيل علشان نتعلم من بعض ومستنين باقى تجاربك وافكارك

اهلا بيكى يا غدير افكارك روعة جداااااااااااااااا تقريبا باعملها بس بدل النيلون على رفوف...

نانا 2000 :

شوفو بقى يا بناتيت .. انا امبارح عملت حمله على غرفة النوم وبديت بالدولاب .. الحقيقة انا بيتى على الطريق الرئيسى وطبعا العربيات رايحه جايه والتراب ماساة ..قمت طلعت كل اللى فى الدولاب ونفضته كويس جدا خصوصا من فوق فى البلاكار العالي اللي باخزن فيه البطاطين ولمعته كويس جدا وعندي لكم بقى فى موضوع تلميع الخشب منتج انما ايه اكتشااااااااااااااااااف .. المنتج ده تركى الصنع واسمه اوزاى فى منه بخاخ زي البليدج وفى منه سايل زى اللبن كده بس تحفه والله يا بنات .. تحطى شويه على فوطه يادوب نقطتين وتمسحى نضافة وريحه خيال احلى من بليدج بكتير وتمنه مش غالي بس بقاله عندي اكتر من سنه وبيخللى الموبيليا كانها جديدة .. المهم لمعت الدولاب من جوه وبره كويس جدا وغسلت المشمعات المفروشه ورصيت البطاطين واللبس الشتوى وحطيت القطع المعطرة للملابس اللى على شكل مكعبات بين الهدوم .. ودرج الايشاربات عملت فيه طريقه الشاورما اللي اقترحتها عضوة بالمنتدى الله يوفقها بس للاسف مش فاكرة اسمها .. والادراج الخاصة بالملابس الداخليه رتبتها وعلقت كرافتات جوزى كلها على شماعة واحدة وبعدين جوا الدولاب وانا مخليه درج خاص بالقمصان المكويه عشان ما تتكرمش وكمان درج الشرابات نفس الشىء كل زوج عاملاهم كورة عشان مافيش فرده تضيع .. ماكياجى بقى والتسريحه انا ماحبش الحوسه .. يعنى لميت الماكياج كله فى شنطه الماكياج ودى جاتلي هديه فى جوازي وبصراحه نفعتنى جدا الم فيها كل الماكياج واحطها عالتسريحه وبعد ما استعمله ارجع ادخله فيها علطول واقفلها وشكلها تحفه ويا دوبك ادراج التسريحه للفرش والامشاط والسيشوار والتوك والبنس حاطاهم فى شنطه بسوسته .. وبعد كده لمعت باقى اثاث الغرفه بالملمع ومسحت الارضيه بالمساحه السحريه وحطيت فى ميه المسح شويه كومفورت وبعدين لمعت الزجاج بتاع الشباك والاوده والمرايا بالجلانس وورقة جورنال وفرشت مفرش نضيف ووووووووووووووو .... عارفه هاتقولو ايه كفايه يا رغايه هاهاهاهااااه

شوفو بقى يا بناتيت .. انا امبارح عملت حمله على غرفة النوم وبديت بالدولاب .. الحقيقة انا بيتى على...