موج ْ :

الله يحقق لك اللي تبغيه جمييع إللي تبغييه ياروحي ووأولها تقبلك المدرسه يارب بس يالينو ياحبيبتي مافي زي دعاك لنفسك هو أحرى بالإجاابه

الله يحقق لك اللي تبغيه جمييع إللي تبغييه ياروحي ووأولها تقبلك المدرسه يارب بس يالينو...

LENOOOOOOO :

بنات بخربط لكم كلام ونصائح كده كـيف أجيـب 99 ؟ كيـف أجيب 100 ؟ و أنا ما عمـري جبتهم ؟ أول شـيء .. مـا فيه شيء اسمه مستـحيل نهائيًا بغض النظر عن نــوع مدرستك تدف ما تـدف تخطط ما تخـطط الدوافـير و اللي دايـم يجيبون %100 كل سنـة ما هم أحسـن منك صح ؟ فيـه فرق بينك و بينهم بالخلقة و التكـوين ؟ نهائيًا لأ . العقل عندك عقل ! الذاكـرة عندك ذاكرة ! الذكــاء عندك ذكــاء ! و ممكن تكونـين أحسـن من هاللي يجيبونها كل سنة ! طيب وين المشـكلة ؟ المشـكلة إنك ما حطيتي النسـبة اللي تبينها ببالك ، ولو حطيتيها ببـالك ما أخذتيها أنهـا طموح لك بشكـل جدي ! و المهتوي يقطع المستوي طيــب حطيتـي ببالك أبي أجيب هالنسـبة ، خـلاص وعدتي خليتيها طموح و هدف واضـح تبين توصليــن له ! اعملي لـه ألحين . خلصـنا من الخطوة الأولـى اللي هـي أنك تخلين الهدف قدام عينك. الخطـوة الثانيـة .. " سهلـي طريقك للهدف " و الطريـق هو بالمدرسـة و أثنـاء الدوام مشاكلك و معوقـاتك تخلصي منها .. غياب قللي غيـاب الغياب جديًا مو من مصلحـتك أبدًا يدهور المستــوى بشــكل ! تأخيـر لا تتأخرين و توصلين بنص الحصـة ! مـادة معينة ضعيـفة فيها .. حاولـي تشوفين لك حل معها يا يكون الحـل مع المعلمة نفسها ، ولا تجيبين لك استـاذة خصوصية ولا تحاوليـن مع نفسك تبسطينها ولا تخلين زميلاتـك يساعدونك ، الحلول كثيرة أنت اختاريها . أهــم عـامل عندي هو التركيز ثم التركيز ثم التركيز التركيـــز أثنـاء الحصة هذا أهم شيء للنجاح .. شخصيًا لا ركزت بشرح الاستاذة ما أحتاج أرجع أذاكر بالبيت ، ولا جاء الاختبار أقرا الدراسة قراءة بس عشان أذكر نفسي بأهم المعلومات . فعشان كذا لازم تهيئين نفسك للتركيز طيب كيف ؟ النوم مبكر و القومة مبكر مب تجين للمدرسـة نايمة بالسيارة ! الفطـور ، القهوة أشياء حلوة و تنشط و تروق النفسيـة الحلـوة .. احتسبــي الأجر أنك تطلبين العلـم مب تجين كل يوم وجهك كذا ( من سلـك طريقًا يلتمس فيه علمًا سهل الله له به طريقـًا إلى الجنـة ) سبحان الله استشعري كل يـوم تداومين فيه أنه طريـق للجنة ما ودك يكون طريقـك للجنة بنفسيـة زفت و شكل دمار صح ؟ طيـب وغير التركيـز ؟ العـامل الثـاني المهم و اللي كثير يستخفون فيه : الاختبارات الدوريــة لا صار عليك اختبار ذاكري ذاكري ذاكري صدقيني مذاكرتك للاختبار الدوري تسهل عليك و تختصر عليك وقت وجهد وكل شيء للنهائي ! مب تجين مذاكرة بالمدرسة ولا الساعة 6 الصباح ! ولا مطلعــة لي كتابـك بأحد الحصص و الاستاذة تشرح خلي هالاختبارات تحدي لك .. تحدي نفسك تجيبين 10 ! أبدًا لا تستخفون فيها .. دائمًا لا ذاكرت للنهائي أصير حافظة المنهج من الدوري و تصير مذاكرتي سهلة و بسيطة جدًا حتى الأسئلة خلاص عقلي تعود عليها قد حليت مثله قد ذاكرته وفهمـته أحيانًا تنصدمين أنك تتذكرين الحل بالنهائـي من اختبـار دوري وأنت ما ركزتي زين على السؤال وأنت تذاكرين للنهائي ! طيب خلصـت السنة .. ذاكرنا الدوري وجبنـا زين ، ركزنا بالحصص جت أيـام المراجعة لا تغيبون كل أيـام المراجعة و كلن على حسب نظام مدرسته .. بس حاولوا تحضرون لأن المراجعة مهمة مرة و يمكن بدري أني أتكلم فيها الحين تونا ما بدينا السنة بس عشان يكون كلامـي شامل يعني حطوا ببالـكم الاستاذات كتبوا أسئلة النهائي توها مكتوبة طازة و شرحـوا المناهج و خلصوها يعني إلا ما يفلت لها كلمة سؤال جايبته بالنهائـي بأيام المراجعة ركزوا بالأشياء اللي تعيد شرحها و توقـف عليها لأنها بالعقل ماراح تتعب نفسها بشرح شيء مرة ثانـية ما جابت منه وتشـرح لكم اللي ما جابته إلا بعضهم يسوون حركات نذالة و تمويه ركزوا تركيز أس اثنين بأيام المراجـعة و فرصة للي ما فهمت سؤال معين و درس معين تروح تسأل الاستاذة و تخليها تشرح لــها من أول و جديد ! و اسألوا الاستاذات ما في أكثر من أسئلتي أنا استـاذة كيف يجي هذا السؤال ؟ استاذة تجيبين اشرحي ؟ استاذة وش أستفــيد من هالجزئـية ؟ وهكذا أسئلة تفيد وبنفـس الوقت مب فاضحـة شيء من الاختبار لو جاوبتني وبأيام المراجعـة امسكي كتبك من أولها لآخرها ، كمليها لو نـاقص شيء وهذي نقطة مهمة نسيت أتكلم عنها .. كملوا كتبكم أول بأول لا تراكمين و تبلشين غيرك معك كل يوم ماخذة كتبهم ترى والله ملينــا كملـوا أول بأول بعد ما تكملــين لو ناقصـك شيء يعني ، ابدي ذاكري بالشيء الصعب و الطويل واللي شايلة همه و هكذا خلصـي كل المواد ، أو أقلها سوي طريقتي لو ما يمديك امسكي ( قوانين - تعاريف - تعالـيل - أدلة - أبيات وشرح - رسومـات ... إلخ ) المادة و اكتبيها بورقة تعاوني أنت وصديقاتك ووزعيها ع الفصل واحتسبي الأجر ربي يبارك لك بالمادة ويسهلــها لك من تجربة والطريقـة مرة مريحة وتساعدك بالحفظ مرة و تختصرين الوقت و يكون أحسن لو تسوينها من بداية السنة الخرايط الذهنية شيء مرة حلو ، بعد يختصر الوقت ويسهل الحفظ الرسم و أنت تكتبين ، ارسمي اسم الشيء أو المعلومة لو كنتي تقدرين ما تخليك تنسين أبد اربطي الحروف ببعض مثلًا لو في شيء بتحفظينه بالترتيب و هو كلمتين مثلًا الكلمة الأولى تبدأ بحرف الباء والثانية تبدأ بحرف السين وأنت مو قادرة تحفظين مين الأول حطي ببالك الباء قبل السين و تحفظينها تذكري مقولة " ادرس بذكاء و ليــس بجهد " اعرفي أسلوب الاستـاذة بالأسئلة و هذا الشيء يوضح من الشرح والاختبارات الدورية كثير أتوقـع أسئلة و تجي بالنهائي وترى هـذا الشيء مهم مرة توقعي وش بتجيب ما وراك شيء ! بس لا تهملين شيء وما تذاكرينه من توقعاتك الكتابة شيء مهم و أنت تدرسين لازم تكتبين الجملة كذا مرة عشان تحفظينها صح متعبة وتخلصين و أنت متكسرة يدك بس مجدية الرياضيات : احفظي القانون طبعًا و افهمي خطوات الحل كل مسألة توقفين عندها بدفترك ، غطي السؤال وحليها بورقة خاريجة وقارني بين حلك و الدفتر وصححي لنفسك وعيدي الحل الطريقة 100% تضمن لك الدرجة الكاملة بإذن الله و بـس خلاص تعبت م ادعوا لي أجـيب نسبه حلوه 100 % ي رب لي وللجميع وأدخل قسم اللي يناسبني بالجامعة

بنات بخربط لكم كلام ونصائح كده كـيف أجيـب 99 ؟ كيـف أجيب 100 ؟ و أنا ما عمـري جبتهم ؟ أول...