كوبونات الراقية تسجيل الدخول

!بنت ابوظبي!

## تجمع طاعــــــاتي بها تســــمو حيــــــــــــاتي ##راجعى دستور ملتقى الفتيات

الأسرة والمجتمع •

السلام عليكم ورحمة الله وبركاته


خواتي في الله حبيت افتح هذا التجمع لكل بنت فاضيه مثلي

نريد نستغل وقت فراغنا في فعل الطاعات في الاهتمام بانفسنا

والهدف الاساسي من هذا كله


هو تقربنا من الله عز وجل

من فينا ماتحلم بالجنه

من فينا ماتحلم انها تموت وفي قبرها ترتاح

من فينا ماتحلم ان تكون خاتمتها حسنه

من فينا ما تحلم انها تمر عالسراط كلمح البصر

هذا كله يابنات كيف بنسويه

اذا ما تقربنا من الله عز وجل في الدنيا

وتسابقنا لاعمال الخير طمع في مرضاته عز وجل


اكيد عندنا احلام بالدنا خاطرنا نحققها

بس تعالو نفكر شوي !!

الاحلام هذي كيف راح تتحقق ونحن مققصرين ويا رب العالمين !!

كيف راح تتحقق ونحن نغضبه ونعصيه :44:


كثر موت الغفله والواحد مايدري متى يومه

نريد حماس واجتهاد وتقرب من الله بالطاعات

وكل وحده تفيد خوياتها بالمعلومات اللي عندها



ومن ناحية الاهتمام بالنفس :27:

كلنا صبايا نبا نكون حلوات امورات مب عشان الزوج لااااا :arb: خل هالزوج على جنب خخخ

عشانا احنا كبنات

عشان كل وحده فينا تحس بكيانها

بانوثتها
برشاقتها

الين متى بنقول باجر بنهتم

باجر بنهتم

وبعدين مانهتم ولا شي والايام تمر ونشوف اشكالنا تخوف :icon33:


انا سويت لي دفتر متابعه سنوي

وحطيت في اهدافي لكل شهر شو ابا اكون وكيف

وصرت كل يوم احط شو عملت وشو خليت

واقسم الصفحه الوحده لقسمين

قسم اكتب عليه العباده

وقسم العنايه

اللي عجبتها فكرتي تسويها

بس المهم المهم المهم الاستمرااااااااااااااااااااااااار حبايبي


واللي تتيسر امورها بحياتها تبشرنا


طبعا بكتب لكم الخطوات اللي لازم نتبعها واللي حابه تزيد بافكار تخبرنا عشان كل وحده تزيد وبيكون بميزان حسناتها باذن الله ^^


1- الصلاه المفروضه والسنن لن للاسف البعض مقصر فيها

2- قرائة القران بنحاول نختم بنات باذن الله

3- سورة البقره - اخذها بركه وتركها حسره وتحميج من الشيطان الرجيم

4- سورة يس الواقعه والدخان والملك قبل النوم

5- الاستغفار في اليوم الواحد الف مره واللي حابه تزيد تزيد

6- اذكار الصباح والمساء

7- التسبيح والتهليل وغيره من الاذكار المستحبه

8- صلاة القيام

9- صلاة الضحى

10- الدعاء بعد كل صلاه ولكل بنات القروب




نجي للعنايه بالنفس


1- ماسك للبشره مرتين او 3 مرات بالاسبوع

2- حمام زيت للشعر مره بالاسبوع

3- خلطه للشعر او لو حابه تزيتينه مرتين بالاسبوع

4- حمام مغربي مره بالاسبوع

5- خلطه للجسم مرتين بالاسبوع

6- اذا كنتي تختوخه خخ رياضة مشي يوميا لمدة ساعه

7- اتباع نظام غذائي محدد وكل وحده تحط لنا نظامها للفائده

8- ترطيب الجسم يوميا

والللي تبا تفيدنا بافكار وخلطات عندها تخبرنا:27:


وبنزيد عليهم

1- تعلم حرفه فنيه خلال الاسبوع

2- تعلم وضع الميك اب

3- تعلم طبخه

4- قرائة كتاب مفيد والانتهاء منه خلال شهر

5- تعلم اللغه الانجليزيه من النت لضعاف فيها :44:





خلصنا :27:

اتمنى التجمع يعجبكم واتمنى منكم اخواتي الاستمرار والتشجيع وروح الحماس :27:
0
400

هذا الموضوع مغلق.

خليك أول من تشارك برأيها   💁🏻‍♀️