اختى عذبه >>>>ترا آآآنا ضايعه بالطووووشه بعرف المستوى الاول المواد اجباريه ؟؟ والمستوي الثاني احنا نختار وهل المواد محدده مثلا لازم ناخذ 7 مواد او لا نقدر لو ناخذ 3 ؟؟ وهل في كورس صيفي يعني بدال ماندرس 4 سنوات ننقصها لاقل 3 سنين ونص ؟.... وشنو اصعب ماده بالمستوى الاو ل ,,,,,,,,,,ومنواحسن دكتور متعاون معكم ؟؟<<<عندي اساله وايد بس خلصي من هذيلا وابشري بالباجي هههههههههههه

ايه المواد اول مستوى اجباريه ,, 7 مواد
بس المستويات الباقيه يحددون لنا مواد نختار منها ,, او ناخذها كلها (( بس ماتحذفينها ,, هي معك ان شاء الله لو تاخذينها اخر ترم )) ,, وهذا يعتمد ع المعدل ,, كل مازاد معدلك قدرتي تاخذين مواد زياده
اقل شي تقدرين تاخذين 6 مواد ,, واكثر شي 9 مواد

والجامعه موقفه الكورس الصيفي لنا وللانتظام لمدة 5 او 4 سنوات قدام ,, بس ماتدرين يمكن يغيرون رايهم
والمواد كلهم سهلات ان شاء الله (((( للي يذاكر )))) ,, حتى بتلاحظين دراستنا اسهل من دراسة الجامعات الثانيه ان شاء الله

اما الدكاتره انا ماقد تواصلت مع دكتور ,, بس لاتخافين ان شاء الله بترتاحين بالذات اذا تعرفين ناس بالجامعات الثانيه ,, قارني بين دراستهم ودراستنا

واي استفسار ان شاء الله بفيدكم باللي اقدر عليه ,, بس اعذروني لو تأخرت :26:

مشكوره بس انتى ماحضرتي محاضرات عن طريق النت ابي اعرف الدكاتره حلو شرحهم ولالا؟؟ والامتحانات كانت صعبه والا سهله واحسن نتابع مع الدكاتره او من الكتب افضل ؟؟ والكتب من وين نشتريها والا اهم يعطونها وووووووووووووين نحصل الكتب وفي ملازم ؟؟

وبالنسبه لنقطه قلتيها <<كل مازاد معدلك تاخذين مواد <<اشلون مو فاهمه يعني لو اكون كسلانه مايعطونى اكثر ؟؟

ولو هذا اقل شي اقدر اقدمه لكم ,, وان شاء الله بفيدكم بكل المعلومات اللي عندي ,, بس ابي منكم دعوات حلوه بظهر الغيب <<< ما ابي كتابه وبس :)

وبالنسبه للدكاتره ,, فكرتك تقصدين من اكثر شي كان يرد على استفساراتنا وكذا
بالنسبه لي حسيت كلهم ماقصروا في الشرح (( ربي يعطيهم العافيه ))


والامتحانات اللي مدري وش اقول :)
لاني لما صار وقت الاختبار توترت وحسيت اني احل وبس وحتى مدري اذا حلي صح او خطأ

مادة مقدمة التربية الخاصه ,, كانت المذاكره من الكتاب وجاب من كلللللللللللللل شي

ومبادئ في التربية ,, أكثر البنات كانوا يقولون ان الاسئله سهله ,, اما انا توقعت احملها لأني كنت اتلخبط فيها شوي ,, والمذاكره كانت من ملزمه نزلها لنا
(( هالماده امسكوها من بداية الترم وحاولوا تفرقون بين كل درس والثاني ))

الانجلش ,, كلها دروس متوسط و ماشفت محاضراته ,, كنت اتابع ملخصات مس نونا ,, وبيشو في منتدى النقاش والاختبار ماكان صعب

علم النفس ,, الماده هذي مرررره حبيتها بس بالاختبار حسيته جاب اشياء اول مره اقراها ,, مدري اذا من مذاكرتي والا الدكتور جاب من الاشياء اللي حذفها ,, والمذاكره كانت من المحتوى

ومادة التحرير العربي أكثرها اشياء اخذناها بالنحو من ايام الدراسه ,, انا كنت احسها صعبه بس الحمدلله بالاختبار جت الاسئله مرره حلوه وماتوقعتها ابد ,, والمذاكره كانت من المحتوى

و دكتور الاحصا ماكنت افهم عليه ,, كان في بمنتدى النقاش طالب اسمه مجهر نزل شرح لكل المحاضرات ,, اذا محاضراتكم نفس محاضراتنا انصحكم تشوفون شرحه ,, والاختبار جاب من كل شي ,, يعني جاب اسئله للشطار في الماده ,, وجاب من الجزء النظري ,, وجاب من الجزء العملي

الصحة واللياقه ,, الماده حلوه وكلها من الحياة ,, وكانت المذاكره من ملزمه مثل الكتاب مطبوع ,, ومن المحتوى


ملاحظه : المحتوى = شرايح بوربوينت ينزلونهم الدكاتره مع كل محاضره ,, طبعا المذاكره تكون من المحتوى والكلام اللي يقوله الدكتور في المحاضره


واللي كتبته كله من وجهة نظري ,, لأن كل وحده لها قدرات غير عن الثانيه ,, وكل وحده لها وجهة نظر في المواد


وعن المعدل ,, هم محددين ,, بس ما اذكر وين شفتها

يعني مثلا اقل شي تاخذين 12 ساعه << هذي للي معدلها نازل
واكثر شي 18 ساعه للي معدلها مرتفع << اتوقع مايقل عن 3,5

والكتب هم يقولون لكم من وين تشترونها ,, انا شريت كتاب مقدمة التربية الخاصه من مكتبة جرير
ومادة الاحصاء قال لنا عن 5 مراجع بس مو اجباري نشتريهم ,, لانه كان يشرح منهم ,, وانا ماشريتهم


وان شاء الله أكون جاوبت على كل الاسئله :26:

بعد عمري مااااااااااقصرتي وراح افهم كلامج عدل لمن ابتدي الدراسه الفعليه باذن الله ,,,,,,,,,,واذا في شيء بسالج اله يجعله في ميزان حسناتج ,,,,,,,,,,