الله يوفقكم يابنات
شوفوا توقيعي وان شاء الله مانختلف على السعر
والتواصل على الخاص رجاء
ولاتراسلني الا الجاده تعبت احمل وارسل وبالاخير يسحبون البنات الله يهديهم

بنات بكرة صوموا الاثنين ودعواتكم تتم امورنا على خير

صباح الخير عرايس
كيفكم
هلا ياسوكره انا مسويه ليزر لاغلب مناطق الجسم
تفضلي وش حابه تسألين

بنات بقول لكم ع الخلطات والكريمات اللي استخدمتهم وجابو نتيجه
انا جسمي سويت له ازالة شعر بالليزر يعني هذي المشكله تخلصت منها الحمد لله
نجي للخلطات
...............................
جربت خلطة عابرة سبيل للقدم لان كان عندي زي خط بني على رجلي من الجزم الله يكرمكم
وصراحه من ثاني مره شفت نتيجه روعه خف حيل وفتحت رجلي مرا الحمد لله
انا ماستخدمة صابونة دوف لان مو عندي استخدمة بدالها صابونة اولاي المبيضه اللي بـ 28 ريال
........................
للمنطقه الحساسه استخدمت كريم فيرنال من شركة ليفيان بعد 3 اسابيع بانت النتيجه
لان كريم طبيعي ومافيه مواد محفزه ومبيضه زي الزئبق والكرتيزون
طبعاً النتيجه بطيئه بس مرضيه الحمد لله وبستمر عليه لحد مااحس ان توحد اللون
هذا مع الاهتمام واستخدام الاسكينول مرتين بالليوم والتقشير بزيت زيتون وسكر
............................
بداية الشتاء جتني حساسيه في الابط بسبب اني شربت زنجبيل الحساسيه صار مكانها اسود
تخيلو قبل ماعندي اي مشاكل بها المنطقه وسبحان الله قبل خطوبتي بأسبوع جتني حساسيه
الحمد لله على كل حال
استخدمة ديتول معقم لحد ماراحت الحساسيه بس بقى اثرها زي بقع بنيه
بعد ماسويت الليزر بديت استخدم الليمون لها المنطقه مع حمام السونا والصابون المغربي
وصابون ليفايان المبيض .. الحمد لله هالاسبوع اشوفها خفت كثير وبدا اللون الطبيعي يرجع

...............
اثار حب الشباب اللي تجي بسبب الدوره استخدمة لها منقوع المره وصابونة اكني اد
وخفت من وجهي كثير لان هم بس كذا حبه الحمد لله
وصرت استخدم لوجهي ورقبتي الكريم المبيض فيرنال نفسه هو لكل الجسم وينفع لركب والاكواع بعد

..................
الهالات السوداء من السهر استخدمت كريم الهالات من ليفيان < مقاوله هالشركه انا هههههههه
احس خفت بشكل بسيط بعد 3 اسابيع من الاستخدام وبستمر واشوف وش يطلع معي
...................
الخطوط البيضاء ياويلي منها بس هههههههههه
استخدمة خلطه عابرة سبيل + ميبو للحروق + بالمرز بزبدة الكاكاو +راح اضيف بعد خل التفاح
لي تقريباً شهرين والنتيجه جداً بطيئه بس بدت تتحسن بعد ماضفت ميبو
لانه يجدد الانسجه بشكل فضيع وانصحكم فيه لاثار الحروق والجروح والعمليات
مفعوله مرا بطل

..................
طبعاً كل 4 الى 7 ايام استخدم حمام الساونا منها تخفيف للوزن ومنها تفتيح للون وتصفيه للبشره
وكل مرا استخدم معه خلطه غير
واوقات بس الصابون المغربي لان يكون مالي مزاج خلطات وحوسه

.......................


لشعر ماستخدمت ولا شي لان برد وانا مااحب الخلطات
قبل شهرين كنت مهتمه وكذا بس وقفت لبعد الشتاء وشكل الزيوت اللي عندي بينتهي تاريخها
وانا ماستخدمتها
اي وحده عندها خلطه ممتازه لشعر تلحقني فيها

..................

ان شاء الله اكون افدتكم ولو بشي بسيط من تجاربي ^^

مششششكوووره حبيبتي

موفقآآآآت عرايس