مرحبا،،يالله حصلنا حد يشاركنا في المهمة الصعبة..
الله يوفقكن يا بنات بلادي وكل وحدة فيكن تطلع في ليلتها قمر يرمسون عن جمالها الناس سنين وسنين..

انا وياكم عرسي بعد شهرين تقريبا يعني على بداية شهر 2..احس كل ما يا يوم وقتي يروح على الفاضي ولا اعرف شو اسوي،،كيف ارتب وقتي بين الدوام والسوق والاهتمام بجسمي واللي قاهرني اكثر اني متينه يعني حتى اللي اجهزه يمكن ما يناسبني بعد شهرين..بس الحين ماشي في بالي غير اني اخلص عمري،،وان شاء الله وياكن بخلص خطوة خطوة..

عن نفسي بديت في المخاوير،،وفصلت لعمري 8،،وانا بسوي مثلكن تقريبا 15 وحدة ويمكن اكثر بس اتري اشياء يديدة..القطع اللي فصلت عليهن قطن بس انواع مختلفة،،والحين حطيت في بالي ادور لي حرير..

بنات يا ليت تعطني نصايح بالنسبة للكوافير والمكياج،،بس السعر معقول يعني ما اريد ادفع اكثر من 3000 ولو اقل بعد احسن،،ولو ما حصلت يمكن احجز عند وحدة في دبي اخليها اتيني العين ب4000..

اما قمصان النوم والبجامات،،خذت لي كم واحد طويل بس وايد حلوات بصراحة..وخذت لي بجامات،،وشفت في خياط القصيمه قمصان نوم تفصيل وايد عيبني فشكلي بشتري كم قطعه وبفصلهن..يالله احس همهن انزاح عني،،المهم بكمل الباجي بعدين،،بس كم واحد لازم اخذ وشو الانواع اقتراحاتكن..

فستان العرس لين هاليوم ما سويت فيه شي،،والله احس همه ثقيل ما اعرف شو بسوي لازم اخلص عمري،،خبروني وين اروح،،عاد احس انه ورطة لاني متينه..ساعدووووووووووووووووني

باقي الاشياء امرهن هين..وان شاء الله كل ما اخذ شي بخبركن،،وبقرا الموضوع كامل من اول الصفحات،،يمكن القى شي يفيدني

السلام عليكم
هلااا بعرايسنا

العروس...ثعلبة...حناين...وردة في الصحراء...القلم الصريح...FtaaN alGLooB...Time Over ... وكللل البنات
شخبااركم إن شاء الله طيبين

حبيت أسلم عليكم واطمن عليكم

حبيبتي ثعلبة انتي اتصلي بالمحلات اللي ناوية تشترين منها واسأليهم عن أوقات التنزيلات
وحددي ذيج الفترة لهالمشتروات وربي يسههل :)
هونيها وتهوووون

العروس شخبارج الحين إن شاء الله تماااام :)

وباقي البنات كلكم والله نصايحكم وخططكم واايد حللوة ومفية
يزاكم الله خير

وي اذان المغرب اقول الله يوفقنا ويسهل علينا ويستر على بنات المسلمين دنيا واخره

اللهم امين

السلام عليكم :

خواتي انا انصحكم تنظمون اموركم يعني سوا لكم لستة تكتبون فيها الاشياء الضرورية و كل ما خذتي شي اشطبي عليه و ان شاء الله بهاي الطريقة تترتب امورج

و اهم شي ابدي بالاشياء الاساسية حق ليلة العرس : حجز الصالون / مكياج ، شعر/ الزفات / الفستان (( من رايي اذا تأجروا أحسن)) و اذا تبون اسماء محلا ت تاجر فساتين حاضرين:)

ما ابغي اطول عليكم بس حبيت ارفع معنوياتكم و اساعدكم باللي اقدر عليه و ما لي غير اني ادعي لكل وحدة في ظهر الغيب ........

صباح الخير لكل عروسة..

صباح الفل والياسمين..للكل..

وين العرايس الحلوات،،تعالوا اجتماع..

بنات ليش ما نحط جدول كل اسبوع،،ونحط شو خلصنا بالضبط،،خاصة للي عرسها قريب زي حالاتي..