.. تجمع عرايس الامــــارت العربية المتحدة 2006 والمعرســـات قبل للأ فــادة ..

el3rooos • 20 سنة

همس الطبيعة :

ما شاء الله عليج يالعروس :) شادة الهمة مب شرااتنا!!!الله يسامحنا بس ودي أبدا معاج بس ما ادري ليش ما لي نفس أبدا:( يمكن من الكسل أو الدراسة ومشاغلها أبي حد يشجعني أكثر لأني لااااازم أبدا ولي فات الفوووت ما ينفع الصوووووووت :) لي عودة إن شاء الله وأوعدج بعد أييّب معاي خلطات حلوة إن شاء الله تعجبببكم يا عرايسنا :)

ما شاء الله عليج يالعروس :) شادة الهمة مب شرااتنا!!!الله يسامحنا بس ودي أبدا معاج بس ما ادري...

حبيبتي أنا بعد مالي نفس كل يوم اسوي جدول ولااسوي شي
نفسيتي تعبانه وزادت يوم جدموو العرس :icon33:
وكله ارقاد ماعرف شويه اتقولون ماخذه منوم المشكله الايام اطوف ابسرعه
وانا حظرتي ماسويت شي اهمال درجة اولى قبل كنت اسوي حمام مغربي كل اسبوع
احينه لاااااا
خلونا انشجع بعض :(

el3rooos • 20 سنة

عروس المطر :

السلام عليكم شحالكم وشخباركم عرايس مشكوره العروسه على الدعوه لو لاج ماشفت الموضوع على العموم انا مخطوبه من 6 اشهر وماعرف خطيبي زين ...ما شفته ولا اعرف شي عن شغله ولا شكله يعني عمياني,هو خطبني من خالي الي يسكن في منطقه ثانيه وخالي رمسني وسألني ,ماعرفت شو اقول في كل الحالات انا ماعرفه قلت اسؤلوا ابوي, ابوي وافق ....بتقولون ليش ما سئلت عنه ...سئلت نفس الجواب واااااااااااااااااااااااااايد زين كيف شكله واااااااااايد زين ....اي سؤال ها هو الجواب متى بملج ؟؟؟امم يقولون شهر واحد ...انا ماعرف شي كل المشاورات تكون خارج نطاقي يعني انا اخر من يعلم... الخطوبه اسوأ مرحله في حياتي شعور فضيعععععع امه وحرمت اخوه شافوني في بيت خالي مره قبل ما يخطبوني ومن هاك اليوم ماشفتهم ...يوم العيد يوم زرنا خالي شفت اخته ولا عبرتني بكلمه انا والكرسي واحد واخر شي تقول انها ماشفتني عدل ....كنت بنفجر ...اكره اي موضوع عنه احس اني برجع ,مخليني في دوامه الله يسامحه ...احس اني اكرهه

السلام عليكم شحالكم وشخباركم عرايس مشكوره العروسه على الدعوه لو لاج ماشفت الموضوع على...

وعليكم السلام ورحمه الله وبركاته
نحمدالله على كل حال اشحالج أختي عروس المطر
العفو حبيبتي لاتشكريني على واجب .. :)
انتي شرات قصتي في بعض الاشياء ومن هالاشياء اني اخر وحده اعرف
عن تطورات موضوعي
وبملج شهر واحد وياج ههههههه :D الحمدالله حد ويايه ارتفعت معنوياتي شويه
انا بعد الخطوبه كانت غير شكل ماخبروني انهم بيونا قبل ساعه بس والله تعب
كنت يايه من الجامعه وانا من النوع الي لازم ارقد واريح لاني اكون واعيه من الفجر
وكان فيه صداع غير عن التوتر والخوف ونرفزه مب طبيعية وحتى يوم كنت نازله من الدري كنت بطيح على ويهي وبتكسر
يوم العيد يونا بس ماقالولنا قبل !!
حبيبتي تصرف اخته عادي لا ادققين وايد
المهم الريال يباج ولاجان ماكلم خالج وماطرش اهله
ووايد من الحريم والبنات يقولون ماشفنا البنت عدل مشيها وطنشي
انتي كاره الوضع ماتنلامين لانه مافي شي واضح عندج
بس ان شاءالله بعد ماتملجين خلاص انتي وريلج كيفكم وبتحسين انج بتعرسين وبترتبين كل شي بكيفج
عندي لج سؤال بسيط انتيصليتي استخارة ؟؟

el3rooos • 20 سنة

Rose in the desert :

العرووووووووووووووووس شو هالحركاات هاااه شهر ثلاث هههههههههههههه مبروووووووووووووووووووووووك ألف مبروووك و شدي حيلج جان بتخورين ولا بتسوين مغربي من الحين ترا .. ولا بعد العيد بس الحين الموديلات جاهزه و عشان تطمنين كل شي خلص من وقت ... أنا حاطه في بالي قبل عرسي بشهر إن شاء الله بكون مخلصه كل شي عشاان أرتاح نفسيا ... الغاليه بالنسبه للحلول ترا مب زين .... الحبيب دكتور ترا هههه قالي واااايد يضر البطن الحلول بس الناس يتحرونه ينظف و هو أصلن يحرق البطن من داخل ...

العرووووووووووووووووس شو هالحركاات هاااه شهر ثلاث هههههههههههههه مبروووووووووووووووووووووووك ألف...

والله بطني يعورني ماودي ماوديييييييييييييييي اعرس شهر ثلاثه متى بخلص زهابي ومتى برتاح :icon33: :icon33:
حبيتي عن الحلول مادري والله بس الي اعرفه ان الرسول صلى الله عليه وسلم
وصى عليه :)

el3rooos • 20 سنة

Rose in the desert :

العرووووس يلا نبدا البرنامج إنتي عااد حطيلنا إياه

العرووووس يلا نبدا البرنامج إنتي عااد حطيلنا إياه

:icon33: ياويل حالي على هذا الكسل الشنيع الي صايبني عطوني حل :icon33:

اخاف ملامح ويهي تختفي من كثر الرقااااااااااااااد

el3rooos • 20 سنة

عروس المطر :

الخلطه عباره عن 2 م ك طحينيه 2 م ك حليب بودره 2 م ك صنفره للجسم عصير لوميه وحده تاخين دش ويكون الجسم مبلول تحطينها على كامل الجسم طبقه رقيقه بعد فتره تبدين الدلك بعد ماتكون جفت شوي يعني 15 دقيقه وتشربتها البشره ....يتطلع بلاوي تعرفين لما تسوين عجينه وتجف فايديك لما تفركين ايدج ...بيكون نفس الشي

الخلطه عباره عن 2 م ك طحينيه 2 م ك حليب بودره 2 م ك صنفره للجسم عصير لوميه وحده تاخين دش...

مشكورة الغالية على الووووووصفه :)