هلا حبيبتي طيف الحمدلله الموضوع مفيد واااايد ..

بس يا عرايس وينكم

عرايس الصيف شو التجهيزات وياكم ؟؟

السلام عليكم ورحمة الله وبركاته...

شخباركم يا عرايس...؟

والله ذكرتوني بالذي مضى

أيام الملجة والزهبة،، والله ذكرياااااااااااات حلوة

ياليت كنت اقدر افيدكم، بس انا بالنسبة لكم الحين عروس جديمة، ان شاء الله عقب شهرين بكمل ثلاث سنين من عرست "عساه العمر كله ان شاء الله"،، بس تصدقون احس كأنه البارحة،، سبحان الله كيف تمر الأيام بسرعة..

بناات نصيحة مني لكم،، عيشوا أيام الملجة بكل لحظاتها،، لا تفوتون ولا لحظة..

ترااااها حلوة ورومانسية وفيها براءة

وأيام العرس وشهر العسل ترا أحلى وأحلى وأحلى،، وعقبال ما نشوفكم في قسم الحمل والولادة مثلنا


الله يهنيكم ان شاء الله


حبيت بس أباركلكم وأدعيلكم من كل قلبي بالتوفيق والسعادة ويا أزواج المستقبل...

ودعواتكم لي ان الله يحفظ لي زوجي وبنتي و يسهل عليه ولادتي..قولوا آآآمين

تحيــــــــــاتي،،
أم شمــــــــا

حبيباتي العرايس نفس حالي

ممكن تدلوني عالمخاوير الي فالبوظبي مكان راقي وشغلاته راقه يعني بس الشيخات يسوون هناك هههههههههههههههه

ام شما الله يوفقج فالولاده وتكون سهله ان شاءالله

هلا ومرحبا خواتيه العرايس

شحالكن؟؟ عساكن بخير


خواتي

أنا دوم متابعة الموضوع وياكن

وأحياناً أطرش رسايل خاصة لكل وحدة أشوفها محتاية شي معين


بالنسبة لي

فعرسي تأجل كذا مرة

وهالشي عطاني فرصة أتشرا أكثر وأييب أشياء حلوة والحمدلله

والحلو أنيه ما أسير السوق آخذ كل شي مرة وحدة

لا .. كل مرة أسير وآخذ أشياء معينة


المهم خواتي

اللي حابة أنيه أساعدها بالنسبة للزهبة وتجهيزاتها

تراسلنيه ع الخاص وفالها طيب إن شاء الله


بالنسبة لي فأنا وأعوذ بالله من كلمة أنا

عرسيه قررت أنيه أييب كل شي من المحلات الفخمة

والسبب أنه بيحضرونه شيوخ وكبارية

وبالتالي بغيت كل شي يكون فخم وراقي إن شاء الله


بس بعد هالشي ما يمنع أستفيد من خبراتكن إن شاء الله

وعلى فكرة .. أنا من العين لكن عرسي بيكون في دبي إن شاء الله

وبعد أزيدكن من الشعر بيت .. خطيبي من النوع الذوييييق وما يبا دفاشة وغيره

لا في الحنا ولا في الميك أب ولا الفستان ولا غيره .. الله يستر

أول شي بالنسبة للمكياج .. فأنا ما أحب الميك أب اللي يغير شكل الوحدة

ولا أحب رسمات العيون اللي واااايد ألوان وبطريقة مش متناسقة

يعني في خاطريه مكياج لبناني هاااادي في يوم العرس

شرات شغل فادي قطايا

والمهم سمعت عن صالون Pace E Luce في دبي أنه شغلهم واااايد راقي وهادي

وناوية إن شاء الله أحجز عندهم

بس بغيت أعرف إذا حد جرب شغلهم


ثاني شي بالنسبة للحنا .. يا ريت لو تعرفون حناية في دبي شغلها شغل راقي وحناها مب غليظ

حالياً وحدة من دبي عطتنيه رقم حناية .. وتقول أنها ما تحني غير الشيوخ

وشغلها يتحدى أي صالون في دبي

بس إذا وحدة فيكن تعرف حناية ترسم رسم دقيق وفخم تساعدنيه


ثالث شي بالنسبة للفستان

فأنا فصلت فستان كله شغل كريستال شواروفسكي من فوق لتحت في دبي

بمبلغ وقدر (..... درهم) .. وراعيت فيه البساطة والفخامة في نفس الوقت

وبعدنيه أسير كل مرة عشان البروفة


رابع شي بالنسبة للمسكة .. مقررة أسير ألوها

أو شي محل ورد وكوش يقولون يعدل للشيوخ والكبارية

بسير عندهم

بس لاحد يسألنيه عن الاسم لأنيه بعدنيه ما أعرف وااايد أماكن في دبي


المهم خواتي

أي عروس حبت أنيه أساعدها في زهابها فالها طيب

ولو سمحتن انتن بعد ساعدنيه

لأنيه أكبر وحدة ومتدبرة أموري بنفسي


ربي يوفقكن ويوفقنيه وياكن