Romanove :

هلا ومرحبا خواتيه العرايس شحالكن؟؟ عساكن بخير خواتي أنا دوم متابعة الموضوع وياكن وأحياناً أطرش رسايل خاصة لكل وحدة أشوفها محتاية شي معين بالنسبة لي فعرسي تأجل كذا مرة وهالشي عطاني فرصة أتشرا أكثر وأييب أشياء حلوة والحمدلله والحلو أنيه ما أسير السوق آخذ كل شي مرة وحدة لا .. كل مرة أسير وآخذ أشياء معينة المهم خواتي اللي حابة أنيه أساعدها بالنسبة للزهبة وتجهيزاتها تراسلنيه ع الخاص وفالها طيب إن شاء الله بالنسبة لي فأنا وأعوذ بالله من كلمة أنا عرسيه قررت أنيه أييب كل شي من المحلات الفخمة والسبب أنه بيحضرونه شيوخ وكبارية وبالتالي بغيت كل شي يكون فخم وراقي إن شاء الله بس بعد هالشي ما يمنع أستفيد من خبراتكن إن شاء الله وعلى فكرة .. أنا من العين لكن عرسي بيكون في دبي إن شاء الله وبعد أزيدكن من الشعر بيت .. خطيبي من النوع الذوييييق وما يبا دفاشة وغيره لا في الحنا ولا في الميك أب ولا الفستان ولا غيره .. الله يستر أول شي بالنسبة للمكياج .. فأنا ما أحب الميك أب اللي يغير شكل الوحدة ولا أحب رسمات العيون اللي واااايد ألوان وبطريقة مش متناسقة يعني في خاطريه مكياج لبناني هاااادي في يوم العرس شرات شغل فادي قطايا والمهم سمعت عن صالون Pace E Luce في دبي أنه شغلهم واااايد راقي وهادي وناوية إن شاء الله أحجز عندهم بس بغيت أعرف إذا حد جرب شغلهم ثاني شي بالنسبة للحنا .. يا ريت لو تعرفون حناية في دبي شغلها شغل راقي وحناها مب غليظ حالياً وحدة من دبي عطتنيه رقم حناية .. وتقول أنها ما تحني غير الشيوخ وشغلها يتحدى أي صالون في دبي بس إذا وحدة فيكن تعرف حناية ترسم رسم دقيق وفخم تساعدنيه ثالث شي بالنسبة للفستان فأنا فصلت فستان كله شغل كريستال شواروفسكي من فوق لتحت في دبي بمبلغ وقدر (..... درهم) .. وراعيت فيه البساطة والفخامة في نفس الوقت وبعدنيه أسير كل مرة عشان البروفة رابع شي بالنسبة للمسكة .. مقررة أسير ألوها أو شي محل ورد وكوش يقولون يعدل للشيوخ والكبارية بسير عندهم بس لاحد يسألنيه عن الاسم لأنيه بعدنيه ما أعرف وااايد أماكن في دبي المهم خواتي أي عروس حبت أنيه أساعدها في زهابها فالها طيب ولو سمحتن انتن بعد ساعدنيه لأنيه أكبر وحدة ومتدبرة أموري بنفسي ربي يوفقكن ويوفقنيه وياكن

هلا ومرحبا خواتيه العرايس شحالكن؟؟ عساكن بخير خواتي أنا دوم متابعة الموضوع...

ms._rose :

مبروك عليكم الامطار جعلها الله سقيا خير للجميع

مبروك عليكم الامطار جعلها الله سقيا خير للجميع

_UAE_Moon_ :

على فكرة .... لبنات دبي + الشارقة + عجمان ... عندي طقمين ألماس ... بأجره .. للي تبغي تلبس في عرسها ... الطقم الأول كبير جدا .. من سالم الشعيبي شريته ب60 ألف ... كان طقم يوم عرسي .. الأجار بيكون 5ألاف درهم .. وممكن نتفاوض على السعر ... وطقم ثاني اشوي اصغر من الأول هدية من الوالدة وبأجره ب3500 درهم .. بس حاليا ماعندي الصور لأن الأطقم في بيت أهلي .. بس لو في حد صدق حاب يأجر انا بجيب الأطقم وبصور أو أجي لعندكم أو تجوني البيت وتشوفون الطقم على اللبس .. بس يكون مبلغ التأمين + جواز سفر عندي ضمان على الطقم لين ترجعونه .. اللي صدق حاب يأجر يرسل لي على الخاص

على فكرة .... لبنات دبي + الشارقة + عجمان ... عندي طقمين ألماس ... بأجره .. للي تبغي تلبس...