للعرائس الرياض الحلوين

كل وحده تقول لنا اي مشغل حجزت للشعر والميك اب ؟؟ والمصوره ؟؟؟؟

الله يسعدتس قلبوااا

بس انا كتبت لتس رد بالتجمع القديم..

وشكلتس ماشفتيه راح التجمع الله يذكره بالخير ويكون خير علينا يارب..

ابسالتس عن الشامبوا اللي استخدمتيه للقشره واختفى من شعرتس..

ياليت تقولين اسمه هذي ثالث مررره اسال هع <<علقت ع ذا السؤااال ..

ابي الحق ع عمري قبل يجي اليوم الموعود ان شااااءالله يارب ع خير ..:27:

هلاااا و غلاااااا حورااااء

يابعدي موجوده بس اقرااا الصفحاات اللي طافتني ..


حبيبتي ..انا متاكده انوه انتي اللي كنتي مقصره بحقه والمسكين ظلمتيه وهو مظلوم منتس ..وانتي اعترفتي بالشي ذاا..

قلبوا تعوذي من الشيطاان واحمديه واشكريه ان ربي رزقتس برجال يسترتس ويخاف عليتس ويسال عنتس ..

احمدي ربتس انتس بتصيرين عروووسه ..

لاااتقولين ماتقبلتيه .. يعني كلااامتس الحين راح يفيدتس ..اهم شي انتي استخرتي قبل ..

اتاكدي انوه ان شاااءالله مايصير الا كل خير ..

غيرتس يبغى الزواج غيرتس يدعي ربتس انوه يرزقها بس بالستر وبالرجال اللي يسعدها بغض البصبر شنو حالته الاجتماعيه

اهم شي يكون يصلي وما يهتمون بالاشيااء الثانيه..

لان الحين ياقلبي ماعاد بقى شباب سنعين قلوا شباب المسؤوليه ..

يابنت استغفري ربتس وروحي توضي وصلي لتس ركعتين ادعي ربتس فيهم..

وابدي اختمي القرآن معنا ابشرتس اليوم وصلتس الجزء السادس..

وان شاااءالله كل شي كنتي تفكرين فيه راح يزول وتقعدين بعد تضحكين ع عمرتس..

وابدي اهتمي بروحتس وبخلطاتس وبجهازتس وتشري بروح معنويه حااليه ونفس منشرحه,,

وتصدقي من مهرتس ..واستغفري بكل وقت ,,وادعي ربتس تلبسين مشترياتس وتعيشين مع زوجتس بسعاااده وبخير وعافيه يارب..

وارسلي له وكلميه ..بس لاااتكثرين ,,واسالي عنه ..وتعذري له ..وقولي كانت النفسيه تعباانه والحمدلله انا الحين تمااام,,

قوليها بروح عااليه فيه من المداعبه والمزح ..خلي روحتس مرحه كي تكسبين عشقه ..

حبيبتي لاااتخربين حياااتس بيدينتس ..

وابدي صفحه جديده.. وتذكري انتس تبين السعااده بالدنياا برضاااء الخااالق فاعطي زوجتس حقه ..

وتذكري انتس كيف تحبين ان الناس يعاااملونتس وكيف تحبين ان زوجتس يعاملتس ..

وعامليه بمثل ماتحبين ان يعااملتس..

وياقلبي ترى اللي تمرين فيه شي عاايدي تسذا البناات بالبداايه مايتقبلوون وشوي وشوي ليمايتعودون عليهم

ويقدمون بعض التنازلااات والتضحيه..لان ذا الشي جديد عليهم فشي طبيعي يصير بعض الجفاا بالمشااعر ..

بالتوفيق قلبوااا..

الثوب الاحمر وه بس وين الغيبه ماتشوفين شر يابعدي ..لااوالله فاقدتس ..

وفاااقده وحشتس ورددودتس ع البناات وكذالك كنت فاقده المحتاااره واقول وين ذا البنت غااابت ..

اثااريها رايحه تتمشى وتتقهوى شاي منعنش ..مااشااءالله ومعتمره ..الله يتقبل منها ياااارب..

وفاقده كنت اظن هي مختفيه بس الحمدلله شفت لها رد وان شااءالله انها تيبه ..وبخير ..

والله لكم وحشه ..حبوباااااااااات..

تفاااصيل وعنوده حبيباااتي الله يسعدكم اخباااركم ان شاااءالله تزقحووووون وتشطحون الجدران<<تبي تخربكم هع

الله يوفق الجميع..

رغم الالم حيااتس ياقلبي ..

اخبااارتس ان شااءالله طيبه ..الله يسعدتس ياااشيخه اسعدتينا بتواجدتس بينا..

دالي الحلوه اي والله اهم هي التصوير والميك اب والشعر هو اللي يبقى بزواجك انا بتزوج بشرقية في الخبر ماعرف عن الرياض شيء بس ياليت الكل يعلق على هالموضوع

ياحليلي شكلي اكلم روحي والله