ياعيوني يالسعودية :

موضوع احب اقراه كثير لان جدآ مفيد وللمره الثانييه انقله لتجمع نبدأ جايبه لكم موضوع من بنات افكاري لك ولزوجك ولبيتك ومابي منكم الا الدعاء لي وانا مو متزوجه ع فكره بس حبيت افيدكم لي الاجر ان شاء الله هذا البرنامج للبنات اللي مثلي ازواجهم يداومون دوام صباحي وما يجون الا العصر والبرنامج قابل للتعديل على حسب نظامك انتي وزوجك بسم الله نبداء 1- لما تصحين صلاه الفجر قلنا الفجر مو الساعه 7 بعد ماتخلصين الصلاه وانتي على سجادتك وتقولين الاذكار ترفعين ايدينك وتقولين ( اللهم اني استودعتك قلب زوجي ولسانه وبصره وفرجه في ودائعك فاحفظهالي يامن لا تضيع ودائعه ) 3 مرات 2- وانتي تجهزين الفطور حاولي انك تستغفرين وتكررين سبحان الله والحمد لله ولااله الا الله والله اكبر 3- جهزتي فطورك وصحيتي زوجك وفطرتيه ولبستيه ودعيه عند الباب مثلا الله معك الله يرعاك الله يوفقك ترجع لي بالسلامه بالنسبه للفطور تقدين تجهزينه قبل بليله مثلا البيض اسلقيه وحطيه في الثلاجه ما يخرب ترا القهوه اغليها قبل بيوم بدون اضافات وغطي فتحه الابريق بقصدير وحطيها في الثلاجه ولما تجي تستخدميها سخنيها وحطي في الدله الاضافات هيل زعفران الخ 4- بعد مايروح زوجك لاتنامين تعالي اهتمي شوي بنفسك وبيتك حطي زيت على شعرك وخلطه على الجسم مكونه من كريم جلسوليد كريم سودو [عصير ليمونه اخلطيها وحطيها لوجهك خلطه مكونه من 2 م ك دقيق ماء ورد م ك عصير ليمونه اخلطيها لين تصير متماسكه وحطيها على وجهك = بياض صفاء حيويه اشراقه 5- خصصي لك ملابس خاصه وفضفاضه للشغل وللخلطات ابدي نظفي البيت وخلي الكنس ااااااااااخر شي نظفي ورتبي وامسحي الغبار بعدين لما تكنسي افتحي المكنسه وحطي فيها من عطر المفارش عشان لما تكنسي تطلع ريحه العطر في البيت بعد ماتكنسي نجي نمسح البلاط كبك من الفلاش والداك والخرابيط هذي اللي بس تتعب الصدر وتجيب الكحه واخلطي كلوركس صابون فيري ملح الليمون كمفورت وكبيها في البيت واحمامات وامسحي وشوفي تشوفين صورتك في البلاط بالنسبه للمطبخ نفس الخلطه في بخاخ وبخي على الفرن والدروج والطالوله والثلاجه والمجلى كل شي يلق يلق الحمام نفس الحكايه على المرايه المغاسل الكرسي كل شي بعد ما تمسحي ترجعين مره تانيه تكنسين البيت بالنسبه للغسيل مره في الاسبوع غسيل ملابس ومره في الاسبوع كوي فقط البنات اللي عندهم غساله عاديه مثل غسالتي تغسل الملابس بصابون وكلوركس طبعا الملابس البيضاء واغسليها زين زين ولما تخلصين صرفي الماء وشيلي ملابسك وحطيها في النشافه وكبي عليها طشت ماء وشوي كمفورت لا تقولون فيها صابون ما تنظف لا صدقيني تطلع شي وريحتها جنان والملابس الملونه نفس الحكايه بس بدون كلوركس واذا جيتي تكوينها حطي في بخاخ ماء وكمفورت واكوي شوفي كيف كوي سريع وناعم وريحته جنان طيب خلصنا من البيت والملابس نجي للمطبخ حطي مع الصابون حق الصحون شوي خل واغسلي شوفي كيف صحونك تنظف وريحه الزفر تروح وللمجاري المسدوده شوي من بيكنج صودا كبيها في المجاري وتنفتح باذن الله وللحنفيات المصديه افركيها بخل وملح ليمون وبيكنج صوداء ولما تجي تجهزي الغداء سكري باب المطبخ عشان الريحه ما تطلع وبالنسبه للخضار اول ما تشتريها غسليها وحطيها في علب بلاستك الجزر قشريه وشوفي كيف ما يسود البصل افرميه وكيسيه وحطيه في الفريزر الطماط اطحنيه مع شوي ثوم وكيسيه وحطيه في الفريزر النعناع قطعيه وحطيه في علبه بلاستك وفي الثلاجه على طول وما يسود ابد على فكره هذي طريقه جدتي اول تطحن الطماط والبصل وترتاح من الحمسه والقرف بالنسبه لزيت القلي لاتكبيه ف المجاري ترا تنسد لكن كبيه في كيس وطلعيه في الزباله وانتو بكرامه ولا تنسون طول ما انتي تشتغلين على طول استغفر الله واتوب اليه استغفرالله واتوب اليه كرريها بالنسبه للاباريق والقدور افركيها بملح الليمون وبيكنج صوداء تطلع تلق خلصنا من المطبخ واكيد بيكون اذن الظهر وخلاص الغداء على وشك يستوي تتجهزين لزوجك طبعا تستقبلينه عند الباب وانتي مبتسمه وترحبين وتهلين وبعد الغداء وقت فراغك اقري لك سوره من القران واستفيدي من الوقت يابنات ترا مع الترتيب والنظام في كل شي صدقوني بترتاحون والله يترتاحون انا عن نفسي بيتي صغير ولا عندي اطفال ومع ذلك احيانا ما يصير عندي وقت وما يجي الليل الا وانا عين مفتحه وعين مغمضه لكن لما نظمت وقت ارتحت بالنسبه للترتيب يوميا لكن مسح البيت كل يومين والغسيل والكوي قلنا مره بالاسبوع نجي للعطور هذي خلطه يوميه للبيت يعني تحطين منها وانتي في بيتك يوميا بدل ما تخلصين عطرك الغالي وانتي ماعندك احد نجيب علبه من جل مابعد الاستحمام من بيبي جونسون ونخلط معه توله من عطرك المفضل وحطي منها ولا تنسون طول الوقت نكرر استغفر الله واتوب اليه الاشخاص اللي يفزون او يفزعون وقت النوم رشوا على السرير وعلى اجسامكم مسك ابيض الشفاف تراه رخيص ربع توله ب10 ريال خذي المسك الابيض وخففيه بماء وحطيه في بخاخ ورشي على جسمك وفراشك منه لان سبحان الله الجن والشياطين ما يحبون المسك وصدقيني بتنامين بدون ما تفزين او تفزعين وكانك طايحه من مكان مرتفع اي شخص يصدع من ريحه المسك هو شخص مسحور او فيه مس واسالوا المشايخ وتتاكدون من صحه كلامي ولا تنسون اذكار النوم ولاتنسوني من صالح الدعاء ولا تنسون صلاه الليل التهجد تذكروا ركعتين وسجدتين قبل الفجر بساعتين تفعل المستحيل ومع النظام والترتيب صدقيني بيكون عندك وقت للصلاه في الليل مقتطفات 00 اغسلي الشماغ بشامبو ريحته حلوه وبخريها وهي رطبه راح تمسك فيها الريحه عندك بودره معطره ما تبينها كبيها على الوكيت وبعدين اكنسي شوفي الريحه كيف لا ترمين الجرايد المكومه عندك حطيها بطشت وكبي عليها ماء كلونيا ريفدور او معطرك المفارش او مسك ابيض وانتظري لين تنشف وحطيها بالدولاب ورتبي فوقها الملابس تلقين ريحه الدولاب حلوه عندك شمع وما تبينه يذوب بسرعه حطيه في الفريزر عندك قطع صابون لوكس او غيره لا ترمينها ابشريها وحطيها بتل ووزعيها على الملابس الشتويه في كراتين او شنطه السفر اذا بتسافرون واخر شي لا تسمعون اغاني ترا الاغاني تقطع الرزق

موضوع احب اقراه كثير لان جدآ مفيد وللمره الثانييه انقله لتجمع نبدأ جايبه لكم موضوع من بنات...

غنج الشرقية :

اجمعين ان شاء الله والله يا خيتي في شهر 10 ان شاء الله ع خير ريـضووون :p وانتي متى يالغالية ؟؟

اجمعين ان شاء الله والله يا خيتي في شهر 10 ان شاء الله ع خير ريـضووون :p وانتي متى يالغالية ؟؟

Top Flower :

يا هلا ومرحبا بصديقتي كيفك بنت من حي المطار واش مسويه ؟

يا هلا ومرحبا بصديقتي كيفك بنت من حي المطار واش مسويه ؟

سـاره2010 :

جزآآك الله خييييييير

جزآآك الله خييييييير