بنات انا اخذت من شهر من حرمه رحت لها تمرخنى وقالت ماعندى شىء غير ضعف فى التبويض وعطتنى علاج اخذه على طول وقت الدوره او بعده الدوره وانا اخذ منه هل استمر عليه وقت الدوره الابسوى فيها العمليه واخذه معى الاردن او خلاص اتركه وهل ينفع مع الابر المنشطه
وانا لى يومين بطنى يالمنى لان الدوره بتجى وخايفه تجى قبل موعدها لان الشهر الافات جات يوم 25 فمتوقعه هذا الشهر تجى 22 او 23 وخايفه اتورط وتجى قبل لان موعدنا يوم الاحد بسافر والاثنين بروح ان شاء الله للدكتور وان شاء الله ماتجى الايوم الاثنين مافيه شىء ياخرها واخاف اخذ حبوب توهقنى الله يعين بس يارب ارحمنى ويسر امرى
بنات انا اخذت من شهر من حرمه رحت لها تمرخنى وقالت ماعندى شىء غير ضعف فى التبويض وعطتنى علاج...
بس الدكتور كان رائع جدا ومتفهم ويخاف الله ومحترم
المهم رحت للمستشفى تقريبا انتظرنا نصف ساعه ودخلونا قسم العمليات لان زوجي بيسوون له عمليه سحب حيوانات منويه واذا خلص الدكتور منه بدى فيني
طبعا الغرفه تكون مزدوجه يعني سريرها خشب عادي زي اسرتنا وعليه مفرش وحطوه مزدوج لاني بكون فيه مع زوجي
المهم سووا السحب لزوجي وبعدها اخذتني الممرضه لغرفة العمليات وطلبت اكون محجبه مااطلع كذا ابدا طبعا هم وافقوا عادي لبست لبس العمليات وتركت علي الستيانه لانهم يقولون عادي خليهم بس افصخي كل شئ
ورحت مشي طبعا لغرفة العمليات واصلا القسم مره صغير ولافيه الا كادر قليل من التمريض
ويوم دخلت وكان الدكتور موجود وجلست وتواسيت ورفعت الروب لبطني بعد ما غطوني بالشرشف طبعا هذا كله من شغل الممرضات والادكتور مايسوي اي شئ يعني يراعي انك مستحيه وكذا
وطبعا فيهم ميزه مستحيل يخلونك تفحجين رجولك(لانه مره مخجل) او كذا ابدا قبل البنج
والبنج عندهم متطور يعني يعطى عن طريق الوريد مع المغذي مو زينا عن طريق الاكسجين وعطوني ابرة فولتارين بالورك
وبعدها على طول دخلت بالتخدير وغبت عن الوعي ولاحسيت فيهم وهم يعقموني ولايسوون العمليه
مو زينا بالسعوديه يعقمونا وكذا ونبتل نفوحج ويدخلنا هوا والدكتوره مابعد شرفت ولابعد تخدرنا
يعني ماتدرين عن شئ ابدا
وصحيت وانا نصي متخدر شئ اذكره وشئ مااذكره وجلسوني على الكرسي المتحرك وودوني للغرفه اذكر بس وانا فيه ولااذكر يوم انزل وكذا
وريحت بغرفتنا الخاصه وسبحان الله الم بسيط جدا ولافيه شعور بالدوار الشديد ولاشئ
وقسم بغيت احب راس الدكتور ماصدقت ابدا :39:
لان عملياتي الي قبل كنت اظن اني راح اموت من شدة الالم لدرجة انه بطني انتفخ وصار فيه كدمات تخيلي وكله بسبب مستشفى الحبيب:mad:
المهم سحبت يوم السبت ويوم الاثنين رجعوها لي ولله الحمد
وبرضوا الترجيع كنت شايله همه اكثر لاني كون صاحيه وهو يكشف علي ويرجع الاجنه
يعني صعبه رجال يشوف كل شئ:44:
بس يوم دخلت غرفة العلميات طبعا كانت مثانتي شبه مليانه وكذا والاكل ممنوعه منه من منتصف الليل من الليله السابقه
والدكتور عطاني ابره مخدره موضعيه وقسم شفتي الخوف والرهبه كلها راحت جاني تبلد كامل ولاحسيت الا وهو مخلص وبعدها نزلو رجليني وخلوني بالغرفه ثلاث ساعه ماااتحرك وبعدها ودوني لغرفتي وريحت شوي وبعدها لبست ثيابي وطلعت
حتى يوم السحب دخلوا فيني تحميله شرجيه بعد العمليه ووقت وانا متخدره
ولادريت الا عقب
وعطوني علاج تحاميل بالصباح وحده شرجيه وبالليل ثنتين مهبليه
والله ينفع فيها يارب ويثبت اجنتي
حتى سالته هل اقدر اسافر قالي سافري ومارسي حياتك ولو تبين تطلعين روحي وتعالي والسياره ماتضر ابدا
لانه يقول الثبات بأول ثلاث ساعه اما راحتكم بعدين مالها اي معنى لانه لو ثبت الجنين راح يثبت بالاول فقط
ومن بعد كلامه قررت امارس حياتي عادي واروح واجي لان جلسة البيت والفراش طول اليوم تجيب الاكتئاب وتصيرين بس تفكرين وضايق صدرك
واي سؤال انا حاضره ياعسل
اما سالفة انك تاخذين ابر خمسه بودره بواحد ماء احس افضل لك لاني اخذت ثلاثه بودره وواحد ماء وكانت البويضات مو بالعدد المتوقع الي كان هو حاطه بباله فأفضل لك انك تاخذين اكثر عشان ان شاء الله يجمد لك اجنه اذا تلقحت لاني للاسف ماصار فيه اي اجنه مجمده لان الي تلقح بسيط:44: