reematalia :

سلام صبايا انا راح اكتب تجربتي انا سكان السعوديه بس اصلي من الاردن الي متزوجه سنتين وشهرين تقريبا المشكله في عدم الانجاب بشل طبيعي زوجي عنده العدد في الحيوانات المنويه قليل طبعا قبل ان اذهب اللى الاردن ذهبت الى دكتور عارف الخالدي في مستشفى سعد في الخبر وقد نصحني في ان استعجل في اجراء العمليه لانه كل ما كان العمر صغير بتكون الاستجابه احسن ونصحني لعلو التكاليف في مستشفى سعد ان اذهب الى الاردن انا عمري 29 سنه كنت محتاره بين 3 مستشفيات فرح عند الكيلاني الاردن عند دكتور معين نستشفى الخالدي عند دكتور سليمان ضبيط طبعا اخر شي استقريت على المستشفى الخالدي لاني عرفت انه عندهم احسن مختبرات ومستفى فرح ما رحت عليه لانه صاحبتي عملت عندو قبل ما انا اروح على الاردن وعمليتها فشلت فخلص قلبي ما ارتاح للمستشفى مع انه معروف سمعه هالمستشفى انها قويه المهم رحت لدكتور سليمان اول كشفيه دفعت 40 دينار اردني رحت قبل دورتي في اسبوع انا حكيتلو اجازتي 35 يوم فحالي بدي ابتدي معك البرنامج الطويل وعطاني ابره الديكاببتيل وهيه ابره وحده سعرها 150 دينار بس لانه الدكتور كاتبها الي الي خصم اخدتها 136 ونص طبعا اول ما رحت اشتريها لل ابره انصدمت من سعرها سالتها ليه هاي العلبه فيها كم ابره :) حكتلي بس وحده اخدت الابره واجتني الدوره بعد 9 ايام من الابره هاي طبعا كنت قلقانه لانه الدوره تاخرت علي وانا الوقت معي معدود المهم من تاني يوم دوره رحت لدكتور الكشفيه صارت عند كل زياره ب 20 دينار وبديت اخد ابر انا ما اخدت ابر تحت الجلد كله في العضل اول 3 ايام كان يعطني 4 ابر وبعدها خفف العدد ل 3 ابر لمده يومين بعدين صرت اخد ابرتين لمده يومين اخر شي ابره وبعد هاد كله الابره التفجيريه اخدتها في العضل يوم الاثنين في الليل وعمليتي كانت الاربعاء عملت عمليه السحب وانا تعبت كتيييييييييييييييير بعمليه السحب حسيت جسمي كله معدود ومكسر والله وكان عندي وجع في الخواصر واستمر معي حتى لوقت ارجاع الاجنه لبعد 3 ايام وخف الوجع طبعت سحب البويضات كان يوم اربعاء وعمليه الارجاع كانت يوم احد الارجاع ما بوجع الا لما يحطو الجهاز اشي زي الملقط بفتح فتحته المهبل هاي انا وجعتي صراحه بس عمليه ارجاع الاجنه كانت بدون اي الم سبحان الله كنت مبسوطه وشعور غريب فيني حط الاجنه الدكتور انا رجعت 2 بس ما نصحوني احط اكتر مع انه طلع عندي اجنه اكتر من هيك بس مشيت على حكي الدكتور انه عمري صغير لو حطيت 3 اجنه يمكن كلهم يزبطو وهالشي بكون صعب علي وبخافو لما يكتر العدد من ال التصاق فصليت استخاره وتوكلت على ربنا ورجعت تنين طبعا التكاليف كلفتني مع ادويه وكشفيات وسحب وارجاع 2500 دينار وان شاء الله بكره المسا او يوم الاحد راح احلل وبحكيلكم النتيجه ادعولي بنات

سلام صبايا انا راح اكتب تجربتي انا سكان السعوديه بس اصلي من الاردن الي متزوجه سنتين وشهرين...