غيمة الفرح :

كيفكم بنات .. اليوم من الصبح لما شفت التجمع قريته من اول مشاركة لليوم .. تمنيت لو اني تعرفت عليه من زمان .. انا منتظرة نتيجة التحليل يوم الاحد .. عملتها عند الدكتور عصمت القضاة ..هي اول مرة بعملها عنده .. تجربتي الاولى كانت عند زيد الكيلاني من عشر سنين و ربي طعمني ابني حبيبي الله يحميه .. بعدها محاولتين فاشلات عن زيد .. قررت بعدها اغير يمكن ربي يغير شي .. حبيبة قلبي و اختي مس فيفا حكت عن دكتور عصمت و تجربتها معه و انه ربنا رزقها ابنها الله يحميه ففكرت و قررت اني اجرب حظي عنده .. المشكلة من زوجي عنده انسداد بالقناة الناقلة للنطاف بسبب خطأطبيب ..الحمد لله.. بيسحبوا له النطاف من الخصية .. هالمرة رحت لعند الدكتور عصمت ووصفلي قبل العملية باشهر فيتامينات الي و لزوجي ..و الدورة الماضية بدينا المشوار .. بلشلي ابر التنشيط باليوم 5 بودرة و 2 مي ..و تابعت الاباضة عنده بعد اسبوع ..كانت استجابتي بطيئة للابر و صار يزيد لي الابر حتى وصلت اخر 3 ايام ل 8 بودرة و 3 مي ..و صارت جوانبي زرقا لدرجة انه الطبيب صار يضربني الابر بفخدي و اااااااااااخ الوجع مو طبيعي ابدا حسيت بشلل برجليي ...المهم كملت البرنامج و كلي امل بربنا انه يعوضني خير هالعذاب .. قبل السحب بييوميين اجتني حرارة عالية و التهاب بلعوم و تعبت لدرجة اني متغطية بلحافين و انط من البرد و دموعي ما توقف .. اتصلت عالطبيب وصفلي دواء التهاب و قلي لاازم لوقت السحب تكوني صاحة من المرض ..و اخدت الدوا ..و اول ما نزلت الحبة بمعدتي ما في دقايق و انا اتلوى من وجع معدتي و ابكي من الوجع و صرت ا راجع اكرمكم الله مي صفرا ..اتاري معدتي ما تحملت الدوا ..يعني ما بيكفي نفخة بطني من الابر ووجع رجليي من الضرب و سخونةة و التهاب بلعوم ..زاد على وجع المعدة ..و انا مضطرة اكمل الدوا .. يوم الابرة التفجيرية ب 10-2 الساعة 11 بليل رحت اخد الابرة بمستشفى الاستقلال و انا حرارتي عاالية و ارجف من بردي ..الله يسامحها الممرضة ضربتني ابرتين بقلبي مو بجنبي ..و ما خلصت الا و دموعي على خدودي من الوجع ..صدقوني صرت ابكي من الاولاد و اشهق ..حسيت حالي اني اكتفيت اكتفيت و ما عاد فيني احتمال ...يارب يارب ارحمني و قويني .. صار زوجي يواسيني و يخفف عني حرام حس بتانيب الضمير لانه بسببه انا موجوعة .. يوم 12 -2 قرر الدكتور السحب االساعة 9 الصبح رح يدخل زوجي اول للسحب بعدين انا ... رحنا للمشفى بس بيني و بينكم هيهااااات بينها و بين فرح ..فرق كبيييييييييير هنيك بتحسي حالك مش مريضة ..اما هون فالمشفى ما فيه غير قسم صغير للانابيب و غرفة عمليات واحدة للكل و سريرين بس للمرضى ..و ما في اهتمام و لا اعتناء ... كان في قبلنا بنات كتير مستنيين السحب بالدور ..اجا الدكتور عصمت و قرر عملية زوجي هي لازم تصير قبل عمليتي يادوب قدر يسرق نص ساعة من غرفة العمليات ليسحب النطف منه ...بعد ما طلع زوجي خبرني الدكتور انه في قبلي تنتين و بعدها انا هههه شكلهم ما خلوه يدخلني ورا زوجي ... لبست الروب الخاص و جهزت اموري و انا حرارتي عالية ..بعد شوي بيجي دكتور التخدير و بيسالني اسالة لانه عندي مشاكل بالبنج و لما عرف اني ساخنة ..حطلي مغذي و فيه خافض حرارة و مضاد التهاب و حكالي انه بوضعك نلغي العملية لكن ما فينا و رح اعمل كل ما فيني لزبط امورك ..بصراحة هي كانت احسن شي بالعملية اهتمام دكتور التخدير .. انا نمت عالسرير و بلش الدكتور يحط الادوية بالوريد الا و اجتني نوبة بكا مو طبيعية و ابكي و ابكي حسيت حالي مارح قوم منها .صار الطبيب يواسيني و يخفف عني فكر هي اول مرة بسويها و اني خايفة ..خبرته اني خبرة بالموضوع بس انا متوترة من الظروف يلي مريت فيها .. المهم ما هي الا ثواني و رحت باخر نومة .. الحلو بالموضوع انهم قبل ما انام ما حدا حاول يرفع رجليي او يحرجني كنت نايمة و مغطاية و ما حسيت باي احراج ..بعد ما نمت شافو شغلهم ههههههههه و صحيت بعدها على صوت الدكتور عصمت بيحكيلي الحمد لله سحبنا منك 23 بويضة و كلها سليمة ما شاء الله من الدرجة الاولى و عينة زوجك ممتازة .. هون يا بنات نزلت دموعي على جوانب و جهي و بللت شعري ..حسيت برحمة ربي و انه عوضني صبري ووجعي خير ..و ضليت ابكي لحتى صحصحت هههههههههههه. بعد نص ساعة قمت و لبست و قلت الحممد لله كل شي تمام هلا يجيبو الاكل رح اكل من كل قلبي ...و استنيت اتاري مافي اكل ههههههههههههههههه بصراحة انصدمت معقول و لا كاسة عصير اجدد فيها دمي ؟؟؟؟؟؟؟؟؟ و تزكرت بمشفى فرح لما كانوا يجيبو لي صينية مليانة و عصير و شاي ...كنت جوعانة و ناطرة الاكل .. المهم طلعت و انا مكسورة الخاطر و جوعااااااااااااااااااانة .بيني و بين حالي حقدت عليهم يعني يقولو يمكن تكون الوحدة دايخة او تعبانة او نازل معها السكر بعد الصيام قبل بيوم ..يعني ايي شي يقيت الجسم ..مو معقولين ... المهم طلعنا من المشفى كانت حرارتي طبيعية و حسيت حالي احسن من قبل ابدا العملية الحمد لله و فورا قلت لزوجي بدي اتغدا رح اوقع من جوعي .. رحنا تغدينا و كان الطبيب موصيني باكل معين ..بروتين و لحم و دجاج و قلي كتري لبن و شنينة و حليب ووصفلي كورتيزون و تحاميل سايكلوجيست و فوليك طبعا انا كنت اخده قبل اشهر ...و اسبرين و فيتامين ايه و رويال جل ... تاني يوم اتصلنا بالدكتور و خبرنا انه بس لقو 10 حييوانات منوية صالحة للتخصيب ..هون كانت الصدمة ..و انا كنت مفكرة اني هالمرة يمكن جمد اجنة .بس الحمد لله .. خبرنا نتصل فيه تاني يوم لنتاكد ... تاني يوم اتصلنا و خبرنا انه بس خمس بويضات تلقحت ....يا الله و الله خبرية بتزعل ..بس بعدين شكرت ربي و قلت الله يطرح فيهم البركة ..حددلي الترجيع يوم 15 -2 الساعة واحدة الضهر و قلي انا اخرتك عشان تكوني اخر وحدة و تضلي نايمة اكتر وقت ممكن .. و بيوم الثلاثاء كنا بالمشفى و جهزت حالي للارجاع ..دخلت نفس غرفة العمليات تبع السحب ..قلتلكم ما في غيها لكل شي ... المهم حضرتني الممرضة و كل شي و بعدين دخل الدكتور صار يحاكيني عن اجنتي و انها كويسة اتنين درجة اولى و الباقي تانية ..و خبرني ان اموري ممتازة و نسبة النجاح كبيرة ..كله بامر ربنا .. طلبت منه انه يرجعي كل الاجنة و تم الترجيع بالسونار وورجاني ياهم و هو عم يحطهم ..سميت وو كلت امري لربي... طلب الطبيب بعد ما خلص من الممرضات انهم يتركوني نايمة ربع ساعة قبل ما ينقلوني للغرفة يلي بدي ارتاح فيها ...و فعلا سمعو الكلمة ..تركوني ربع ساعة بعدين دخلت ممرضة صغيرة ووزنها ما بتعدى الخمسين كيلو ..قال شو عشان تنقلني عالسرير عشان نروح الغرفة التانية .. انا لما شفتها جاية تشيلني غب على قلبي .. كيف لحالها و بدها تسحببني ....اضظريت اني اشد نفسي و اتحرك كتير عشان اقوم ..و لما صرت عالسري ابو دولاب جرتني للغرفة التانية و هي هات يا خبيط من حيط لحيط ....انا هون طار برج من مخي ..اخر شي قلتلها يا حبيبتي ياروحي يا عمري على مهلك تقبريني على مهلك انا طالعة من ارجاع ياقلبي و هي تفاجات و قالتلي اوه سووري .. رديت عليها وين بصرف السوري يا عمري وين ؟؟؟؟؟؟؟؟ الله يهديكي و يهديهم معقول تاركينك تجري السرير لحالك ...حسيت بعدها اني رح انفجر من القهر و قلت خلاص يلي بيجي من الله خير ...هاد حظي شو اعمل ؟؟؟؟ المهم كانت معي وحدة ناطرة دورها بالارجاع و شافت شو صار معي ووصيتهاانها تنبهها للممرضة ...مع انه الدكتور قلي اني اخر وحدة بالارجاع ... سكتت و هديت شوي و ما مرت ربع ساعة الا تيجي ممرضة تانية و بتقلي انتي لسة هون يللا قومي البسي و روحي!!!!!!!!!!!!!!!! شوووووووووووووو يا بنت الحلال انا ما صار لي لسة تلات ارباع الساعة شو اروح ؟؟؟؟؟؟؟ الطبيب قلي ابقى سااعة ردت علي لا في بعدك بنات عندهم عمليات لازم تروحي بيكفي اصلا هالوقت ؟؟؟؟؟؟؟ انا هون ضربت النار براسي قمت من سريري و انا عم اصرخ عليهم هيك هلا وصاكم الطبيب و الله لاتصل فيه و اقله شو عم يصير ..... هنن ماردوا بس لما طلعت لبرا شافني زوجي و قلي شو مطلعك هلا لسة في نص ساعة ؟؟؟؟ و بلشت قله شو صار معي و كل القاعدين عم يسمعوا ..فورا زوجي رفع التلفون و اتصل عالطبيب و خبره شو صار ...استغرب الطبيب و كلم الممرضات و عاتبهم ..و التموا علي يبرروا شو صار ..و انا نشف الدم بعروقي و صرت ابكي ..و الا بتيجي ممرضة بتقلي ارجعي نامي ؟؟؟؟ شو تصوروا الاسلوب الاعوج بعد ما قمت و لبست تقلي ارجعي ..قلتلها لا ما حزرتي يا قلبي ما ني راجعة بعد ما قمت خلااااااااص اساسا انا التوبة ازا برجع لعندكم بعد هلا ..و طلعنا من المشفى و انا دموعي اربع اربع .. فورا اتصلت ع حبيبتي مس فيفا و خبرتها شو صار ..كتر خيرها طمنتني وواستني و يلي بيجي من الله خير و بركة .. رجعت للبيت و انا شايلة من بالي نجاح العملية بس زوجي على قد ما كان مقهور يمكن اكتر مني صار يواسيني و يخفف عني ..سلمت امري لربي و يلي بيجي منه خير و بركة .... تاني يوم رجعت للشام لبيتي و ابني ..وبلشت اصعب ايام ...اول كم ييوم اجاني وجع صدر قوي متل قبل الدورة ضل ايام بعدين رااااااااااااااح انا هون قلت خلاااااااااااااص رح تجي الدورة لانه هيك ببيصير معي كل شهر ..... و بعد كم يوم بلش المغص يروح و يجي و كل شوي ادخل الحملم اشوف ازا اجت اولا .... و الاحد تحليلي ..ربي يسهل عليي الصدمة و يخفف عني ..هي اخر تجربة بسويها التوووووووووووووووووووووووبة بقا ..الحمد لله على نعمته عندي ولد و رح اكتفي و اترك مشوار الانابيب و ارضى بنصيبي الله ىيخليلي ياه و اشوف منه الذرية ... ادعولي بنات ربي يصبرني على النتيجة ....

كيفكم بنات .. اليوم من الصبح لما شفت التجمع قريته من اول مشاركة لليوم .. تمنيت لو اني تعرفت عليه...