مرحبا لكل من يقراء اللي راح اكتبه قصتي
الله يعلم التجربه اللي مريت فيها من اصعب التجارب في حياتي ومن الصعب اني انساها وصار عندي شك بنفسي وصرت اخاف من اعادة التجربه خوفا من تكرار ما حدث
قصتي اني متزوجه من 10 سنوات ولم يرزقني الله بالذريه الصالحه
عالجت لفتره طووووويله وعملت اطفال انابيب مره واحده وفشلت بعدم ثبات الاجنه
والتجربه الثانيه واللي هي الامر كانت في الاردن قبل اسبوعين فقط عند الدكتور ( عصمت القضاه)
كنت اتواصل معه بخصوص حالتي ونصحني باستخدام حامض الفوليك وفيتامين E وزوجي وصف له بعض الفيتامينات و اكون متواجده في الاردن بثاني ايام الدوره وهذا ماحدث فعلا .قابلت الطبيب وكان جدا خلوق وشرح لي اللي راح يصير ف برنامج علاجي القصير
بدات العلاج بالابر المنشطه من ثاني يوم للدوره كنت اخذ ابرة ديببكتل 1 تحت الجلد و 5 ابر من ال H M G بالعضل استخدمت هذي الكميه من الابر لمدة 12 يوم صار عدد الابر اللي اخذتها ب 12 يوم 72 ابره
والحمد لله انبسطت من النتائج كان حجم البويضات 19 و 20 والله ثم والله الطبيب كان كل مره يفحص البويضات بالسونار يقول النتائج ممتازه و يقولي انتي
95% بيكون عندك حمل باذن الله وانا من شدة الفرحه احس كان قلبي بيوقف تقريبا 5 مرات يردد لي نسبة احتمالية الحمل
وزوجي عقله طاير من الفرح . باليوم ال 12 من الدوره عطاني ابرتين تفجير يصادف مساء السبت س 11 مساء . وصباح الاثنين بيكون يوم العمليه ( عملية السحب )رحت صباح الاثنين مستشفى ابن الهيثم وتمت عملية السحب و بنفس اليوم كان معاي امراتين من الاردن عندهم سحب البويضات وكنا نتعالج بنفس الفتره مع( عصمت القضاه) انا ووحده من الثنتين اللي كانو معي تمت عملية السحب و الثالثه بعد مادخلت غرفة العمليات وحضرت حالها وبعد ما اخذت ابر التفجير و دفعت 950 دينار قال لها مايصير نعمل لك العمليه لان البويضات صغيره دارت فيها الدنيا وطلعت من غرفة العمليات بلبس العمليه وراحت تبكي و الله انها قطعت قلبي من البكي بعد التعب اللي تعبته والابر اللي اخذتها والمبالغ اللي دفعتها كان الله في عونها والله يرزقها الحمل الطبيعي باذن الواحد الاحد.
انا بعد ماخلصت العمليه صحيت من التخدير وجا الطبيب يبشرني ان البويضات جدا جدا ممتازه وقال انا اتوقع ان الاجنه راح تكون من الدرجه الاولى فرحت وشكرت ربي الحمد لله
بدلت ملابسي ورجعت البيت ودخلت الحمام الله يكرمكم وانصدمت من المنظر اللي شفته اللي صار ان الطبيب نسى يشيل من المهبل بوقت التخدير قطعة شاش كبيره طرفها خارج المهبل والباقي بالداخل رفعت التلفون واتصلت فيه وقال لي الظاهر ان البنات نسو يشيلوها من عندك عادي انتي بكل بساطه دخلي الحمام وشيليها
والله اني تالمت الم فضيع وانا اسحب قطعة الشاش مايكفي طالعه من الم العمليه وزوجي اقسم بالله ماقدر يشوف المنظر والله انه راح يبكي خوفا علي طلعت قطعة الشاش بعد المعاناة والالم .
مر اليوم الاول من السحب والثاني والثالث و ماقدرت انتظر اتصلت فيه كان يوم الاربعاء اساله عن البويضات اذا صار انقسام اولا قال لي الاخبار جدا سيئه انصدمت قلت له خير يادكتور قال الانقسام ماصار
اذا عندك فرصه مري عندي المكتب بعد ساعه بشرح لك اللي صار
دارت بي الدنيا وحسيت بضيق وبحراره ف جسمي وخبرت زوجي قال وش اللي صار والنتائج كانت ممتازه
رحنا لعيادة ( عصمت القضاه) وهناك جانا الخبر ان البويضات لم يحدث فيها انقسام مره قال السبب ممكن يكون خلل ف الدم
ومره قال البويضات كان معضمها فاضي من الداخل
رديت عليه وقلت له اذا البنات ف يوم السحب نسو يشيلو قطعة الشاش بيتذكرو يحفضو البويضات بالطريقه المناسبه بعد السحب؟
قال المستشفى مالهم اي علاقه باللي صار بكيت من اللي صار في مكتب الدكتور وزوجي من الصدمه ماعرف شو يقول فوض امره لله
قال لي ننتظر لحد بكره يصادف الخميس ووعدني انه راح يتصل فيني اذا صار انقسام ويصادف يوم الخميس يوم سفري وكنت ف المطار راجعه لوطني والله التلفون ف يدي وكنت حاطه بصيص من الامل انه يتصل وليومكم هذا لا اتصل وبالنسبه لي انا اعتبر هذا عدم مصداقيه الطبيب مع المريض
عطاني ورقه اعمل فيها تحليل دم . رديت عليه وقلت له اذا نتيجة تحليل الدم طلعت طبيعيه .قال جدا ممتاز حاولي مره ثانيه والله بيرزقك تعالو عندي بالصيف وباذن الله ماراح اقصر ابدا معاكم
من خلال اللي كتبته من تجربتي والله شاهد اني مازدت ولانقصت

ماكان من المفروض من الدكتور يعمل فحص للحيوانات المنويه لزوجي قبل البدء بالعلاج كله علما بان اخر فحص لزوجي كان اكثر من سنه والطبيب عنده علم
تحليل الدم اللي طلب ان اعمله ماكان من المفروض يعمله قبل كل شي تفادي لاي صعوبات ؟
يمكن يكون السبب مثل ماقال الطبيب خلل ف الدم عندي
ويمكن يكون السبب من الحيوانات المنويه للزوج ان ضعيفه او معدومه من الاساس
ويمكن يكون السبب صار اي خطاء ف المستشفى
هذا كل اللي صار لي
وانا قلت الله يعوضني خير وانسى اللي مريت فيه
واذا انا غلطانه ف الله بيحاسبني
واذا الخطاء من الطبيب ف حسبي الله ونعم الوكيل .
اللي دفعته من غير السفر التحاليل والاقامة لمدة 20 يوم هو
950 دينار للسحب
والادويه قال لي الطبيب انها ماتتجاوز ال 400 دينار ابدا وصلت لل 463 دينار + ادوية قبل السحب ب 55 دينار + ادوية بعد العمليه 20 دينار .
هذي كل اللي مريت فيه وماكل التجارب راح تنجح ولا كل التجارب راح تفشل
كلن وله حظ في الدنيا هذا نصيبي مع الدكتور وفي كثر تجارب تكلل بالنجاح مع الدكتور ( عصمت القضاه )
اللي مرت بنفس تجربتي في اي مكان , صار عندها اي التهابات او اي مضاعفات من ابر التنشيط اللي تستخدمهم وهل اثر عل دورتها ؟

والله يرزق كل محروم ف الدنيا بحمل طبيعي وطفل معافى باذن الله الواحد الاحد

ارجو ان تتقبلو مشاركتي الاولى بكل رحابة صدر

لا حول ولا قوة الله بالله

اللهم اجرهم في مصيبتهم
واربط على قلوبهم

اللــــــــــــــــــــــــــــــه يرحمها
ويسكنها في فسيح جناته

عظم الله اجركم

اختي مشاااعر



الله يعيتك ويعوضك يااارب




انا كنت ناويه اعملها عند عصمت القضاه وخليتنيني اتردد


اخر مره عند زيد الكيلاني ومانجحت مع اني مرتاااحه من طريقته في العلاج بس ماادري اعيده عندو او لا

استخيري ربك اختي

عسى ربي يرزقك الحمل الطبيعي باذن الله

الله يعطيكي العافيه