السلام عليكم ورحمة الله وبركاته اخواتي الكريمات
ان شاء الله بسافر للاردن الاسبوع الجاي لاني بسوي انابيب عند الدكتور نعيم ابو شيخه
بصراحه الدكتور مااعرفه لكن قريب لي بعد 35سنه من الانتظار ربي اكرمه ببنات توم ولكن توفوا بعد الولاده
وبعدها سبحان الله ربي اكرمه بولدين مو توؤم لا بينهم سنه طبيعي من غير اي شئ

وانا متفائله كثير بالدكتور ان شاء الله ربي يكتب لي الحمل

لكن سؤالي

هل الدكتور هو دائما الي يكشف ويتابع لاني استحي اكشف عند رجل يعني بالموت وافقت عليه
وانا سبق وسيوتها مرتين عند دكتوره بالسعوديه وفشلت

او انه الدكتور بس يتابع اما الكشف بالسونار وغيره عن طريق دكتوره امراءه

اختي زحلتي لوحدي

استخير الله وتوكلي على الله انا وضعت قصه ام عمر ممكن تستفيدو منها قبل العلاج برنامجها جدا رائع
انا كمان ناويه اروح الاردن بس موالان ممكن شهر وانا محتاره بين الدكتور سليمان الظبيط او عصمت القضاه او احسان مبيظين الله يوفقنا لما يحبه ويرضيه وفيه الصلاح لنا ان شاءالله

سلاااااااااااااااااااااااام بناااااااااااااااااااات الاردن وضيفات الاردن جميعا
بعتذر اول الشي انو الي زمان ما دخلت لكن المنتدى جنني صراحة :35:
كل ما بفوت يا بعلق يا ما بيرضى يبعت الردود
والله جد سببلي اكتئاب
المهم
اول الشي ببارك لل lonley و نزوكة الف الف الف الف مبروك
ويا رب يتمملكم على خير ونلحقكم جميعا
ويا رب تجيبولنا احلى توام
بالنسبه لاخباري
عملت تنظير رحم وطلع معي التهاب بالرحم وهلا عم اخد الدواء ادعولي بالشفاء






نزوكة ضحكتيني حبيبتي والله
بس انا اخر عملية الي كانت بشهر 6
والتنظير عملتو بمستشفى التخصصي
كان ودي كون من هدول الحرمتين هههههههههههههه





حبيبتي والله العلاج بدك تعرفي انو متقارب كتير
لكن في شوية اختلافات من ناحية طريقة الترجيع او الادوية المستخدمة
انا بقول على مبدا غيرو عتباتكم ترزقون تعالي على الاردن وحاولي تعمليها بركي الله كتبلك لرزق هون
واعلمي انو فقط هي اسباب ونجاحها وفشلها بايد الله
بالنسبة للدكتور عصمت القضاة هو انسان كتير مريح وكتير بيشرح وبيعطيكي من وقتو
وانا من خلال مناقشتي معو حسيتو انو بحاول يعمل كل الاسباب لنجاح العملية بعد الله
وانسان عندو اخلاق ودين
لكن انا صراحة ما عملت عندو العملية
انا جربت مستشفى فرح عند الدكتور زيد 3 مرات
نجحت وحدة وسقطت
ثم غيرت المستشفى لطبيبة اخرى اللي هي وفاء محسن
عملت عندها عملية وفشلت وثم عملت تنظير اكتشفت انو عندي التهاب بالرحم
وناوية ان شاء الله عيدها بس لسا مو مقررة متى وعند مين
لكن غالبا عند هي الدكتورة
اي معلومات بتحبي فيدك فيها اساليني ومافي مشكله



بالنسبه لمستشفى فرح الدكتور زيد فقططططططط مسؤول عن كتابة اي نوع برنامج رح تمشي عليه
وفقط عن ترجيع الاجنه
اما باقي الاشياء فهي مع طاقم من الاطباء المختلفين






نصيحة مني لوجه الله تعالى اعملي تنظير رحم
انا بعد فشل 4 عمليات الي وحدة منهم حمل وتسقيط عملت تنظير وطلع معي التهاب بالرحم
علما انو ما عندي اي اعراض
بنصح كل من تاخر حملها بدون سبب او فشلت عملياتها لاكثر من مرة انو تعمل تنظير




بيختلف حبيبتي حسب لشو بترتاحي
تعاملك مع مستشفى فرح بكون مع اكثر من طبيب
يعني متابعة التبويض طبيبة
والسحب طبيب او طبيبه اخرين
والترجيع مع دكتور زيد
والاسئلة اللي بتحتاجيها مع اطبة اخرين
لكن لما تتعاملي مع دكتور عصمت او غيرو من الاطباء بكون التعامل مع طبيب واحد بكل شي
شوفي حسب انتي شو بتحسي بترتاحي اكثر
انا مستشفى فرح كنت مرتاحة معهم لانو تعاملهم كتير راقي ونضافة وبتحسيهم على مستوى
لكن سبحان الله الله ما كتبلي احمل عندهم
وغيرت لاني مليت من اعادة الخطوات عندهم ولاسباب نفسية اخرى
تكلفة العملية تقريبا عند مستشفى فرح 1800 مع الادوية والفحوصات اول مرة
وممكن توصل ل 2000 حسب احتياجك للادوية
وتاني مرة لما عدتها كلفتني تقريبا عندهم 1400 دينار لانو في فحوصات ما عادولي ياها
تكلفة العملية عند عصمت القضاة بسمع انو ارخص لكن ما بعرف بالضبط كم
بالنسبه لنجيب ليوس
صراحة ما بفكر روحلو لانو مسيحي
وبسسسسس اي معلومة بتحبي فيدك فيها انا جاهزة




والله كل هالاطباء نازلين تفائل معنا وبالاخر فشل سبحان الله :44:
هاد شي مكتوب من عند الله وما دخل الطبيبب فيه
لكن انا بنصحك انو تعملي جميع الفحوصات اللي ممكن تكشف سبب فشلهم
ومنها بتطمني على نفسك
منها تنظير الرحم
وفحوصات تلجط الدك




حبيبتي يا رب موفقة وترجعيلنا بخبر حملك يا رب





مستشفى فرح كتير منيح وكتير مريحين لكن التعامل معهم بكون مع عدة اطباء مو مع الدكتور زيد بس
لكن الدكتور زيد مسؤول فقط عن وضع البرنامج وترجيع الاجنه وباقي الخطوات مع عدة اطباء
الدكتور عصمت كتير منيح وكتير مريح لكن ما جربت عندو عملية
احسان مبيضين كمان كتير مريح لكن ما جربت عندو عملية
استخيري والله يكتبلك اللي فيه الخير


بالقران نحيا


حبيبتي يا رب موفقة وان شاء الله تخبرينا بحملك عن قريب

بناااااات للجميع اللي بسال عن الدكتور زيد ومستشفى فرح رح حطلكم كل المعلومات اللي ممكن تسالو عنها وتفيدكم
مشان تكونو على علم بكل شي
اولا لما تجي على اول موعد
رح تلتقي مع الدكتور محمد درويش اللي رح يناقش معكم كل الاسئلة وكل المعلومات اللي بتفيدكم
وبعدها بينزل الدكتور زيد وبناقش معكم شو البرنامج للي رح يمشي معكم فيه

المستشفى فيه مكان خاص لاعطاء الابر واسعارهم متل الاسعار اللي برا وبالعكس في منها ارخص
وممرضات لاعطاء الابر

بس لتخلصي موعد الابر المحدد وبداية متابعة التبويض
في طبيبتين بتختاري بينهم
هم مسؤولين فقط عن امتابعة التبويض
اللي هم الدكتورة سداد عراقية
والدكتور امل دقاق
التنتين مناح ولطيفين
بتابعو معكم التبويض لحد ما يحددو العملية وبيعطوكم كل المعلومات اللازمة للعملية ومتى السحب والابرة وكل شي
علما انو فيكي تطلبي طاقم نسائي بالسحب
يعني تطلبي دكتورة وممرضات فقط للسحب
وممكن كمان الترجيع تطلبي نسائية
مع الدكتورة لمياء
اللي هي مساعدة الدكتور زيد بحالة سفرو هي اللي بترجع لااجنه
وانا الترجيع هي كانت تعملي ياه باخر مرتين وصار حمل سبحان الله لكن سقطت

المهم
بالنسبه للترجيع بكون مثانة فاضية وهم بقررو حسب وضع رحمك التنويم على بطنك ولا على ضهرك
والترجيع عند الدكتور زيد
او كما ذكرت لو اخترتي نسائية بتكون الدكتورة لمياء


السحب والترجيع باحدث غرف عمليات
وهذا اللي افتقدتو بمستشفيات تانية بعمان
وبعد الترجيع بتنامي حوالي ساعه


تكلفة العملية لحالها بدون اي شي 1100 دينار ( 5 الاف و 500 ريال )
تكلفة الادوية تتراوح حسب حالتك من 200 ل 500 دينار ( من الف ريال ل 2500)
في تحاليل خلال التبويض بتكلف حوالي 100 دينار ( الف ريال )
ولو كانت اول مرة في تحاليل الايدز والامراض وغيرها
بتكلف حوالي 200 او 300 والله ما اذكر


الادوية الموصوفة لجميع المريضات
الا طبعا لو في حالة استثنائية
تحاميل سايكلوجيست وحبوب دوفاستون وبيبي اسبرين


طبعا خلال متابعة التبويض رح تاخد الطبيبة على كل متابعة تبويض 5 دنانير (25 ريال )

حوالي يعني ال 3 ل 4 مرات متابعة تبويض



هلا بالنسبه للايجابيات :
1: يعتبر المختبر من المختبرات المتطورة جدا صراحة والطبيب دكتور زيد كيلاني من اكثر الناس خبرة عمرو حوالي 75 سنة وما شاء الله عنو كتير فهمان
2: التعامل كتير راقي والكل بيحترمك
3 : وجود مكان خاص لاعطاء الابر مجانا ووتوافر الابر
4 : بوفر عليكي لبحث عن الابر بالصيدليات والبحث عن مكان لاعطاءها
5 : لو طلبتي طاقم نسائي بيحترموكي وبحافظو على خصوصيتك
6: اي سؤال باي وقت تتصلي على المستشفى وبحولوكي على اي طبيب مناوب يجاوب على اسئلتك
والدكتور محمد درويش موجود لاي سؤال حابه تعدي معو وتناقشي فيه



السلبيات
السلبية الوحيدة وهي ليست سلبية بالنسبه الي لكن البعض ما بفضلها
اللي هي التعامل مع اكثر من طبيب



مو عارفة ازا نسيت شي ما ذكرتو لكن اي حدا بحب يسال اي سؤال انا حاضرة
والله يا رب يرزقني ويرزقكم بالتوام عاجل غير اجل

بنات بتعبكم معاي :(


ياليت تكتبون لي طريقة الدكتور عصمت القضاه في العمليه من طقطق لسلام عليكم

لاني حاسه ان في اختلاف كبير بين العمليه في السعوديه وللي في الاردن

الابره التحضيريه متى تاخذونها؟ بالدوره اللي تسبق العمليه؟