عزيزتي احسان:
انا عضوة جديدة لكن متابعة لهالملف من اوله لاني كنت بعمل انابيب معك بنفس الفترة , و في اشي فيكي شدني و تعاطفت معك, لاني تقريبا حالتي مثل حالتك, انا راح احكيلك قصتي و انتي احكمي.( قصتي طويلة كثير استعدي)
انا متزوجة من ست سنوات و حملت على طول بعد الزواج و جبت بنوتة متل القمر, و انا حامل فيها بالشهر التاسع ارتفع ضغطي و دخلوني مستشفى خوفا من تسمم الحمل و من ضمن التحاليل اللي عملوها طلع عندي اجسام مضادة بتسبب تخثر الدم و كان كل دكتور يدخل يسألني كم مرة اجهضتي, و كنت احكيلهم ولا مرة هذا اول حمل الي, المهم تمت الولادة على خير و هم الله يسامحم ما نبهوني انه اذا حصل حمل ثاني اني احكي عن الاجسام المضادة, اصلا انا ما كنت فاهمة بالضبط شو القصة و التهيت ببنتي و نسيت الموضوع كليا. و لما صار عمرها ثلاث سنوات فكرنا نجيبلها اخ او اخت لكن مر شهر شهرين... عشرة و ما كان يصير حمل طبعا انا هاي الفترة كنت اراجع بعيادات خاصة و طبعا ما قصروا من الكلوميد و الابر و لا صار حمل, بعدها طلبت من زوجي يحلل مع اني كنت مستبعدة يكون عنده اشي لانه سبق و حملت طبيعي, المهم حلل و طلع عنده بطء في الحركة و تشوهات و وقتها قررنا نروح عند عمر ابو زينب و وصفله فيتامينات و انا صار يعطيني حبوب منع حمل مع انه حالتي ما تستدعي و اقنعي بالتلقيح الصناعي و عملتها مرتين و فشلت اخر شي اقنعني بالانابيب و تشاورت مع زوجي و نوينا نعملها عنده بعيادة الدوحة, الا انه قال هذا الشهر العدد مكتمل و راح يخليني للشهر اللي بعده, و انا كنت طبعا مثلك مستعجلة و محروقة عالعملية و صرت ابكي فاقترح يحولني عند الدكتور شحاته و فعلا اتصل فيه و انا عنده و قالي روحي من بكرة مع اني كنت متخوفة من مستشفى حمد و مواعيده خصوصا اني موظفة و مش سهل اضل اطلع, لكن تيسرت الامور و دخلت عند الدكتور و على طول كتب انابيب و بديت نفس الشهر . ب النسبة لسؤالك كم يوم تحتاج بعد التنشيط انا اذكر مابين تنشيط و ابرة تفجيرية و سحب و ترجيع تاخذلها تقريبا شهر او اقل شوي, المهم مشيت الامور و كنت اخذ الابر بالمركز الصحي و تم السحب و كان عندي ثمان بويضات ستة منهم صالحات و اذكر الدكتور شحاتة انه خيرني قبل السحب اني استمر او اكنسل العملية لانه عدد البويضات مش كتير لكن انا توكلت على الله و كملت, المهم تلقح اربع و ثلاثة منهم من الدرجة الاولى و الدكتور قرر يرجع اثنين فقط لاني سبق و حملت, المهم اخذت اجازة من شغلي اسبوع و بعد اسبوع صرت اروح و اجي عادي, بوم التحليل رحت الصبح قبل الدوام و على اساس تطلع النتيجة بعد الضهر, المهم انا بعد ما سحبت الدم مريت على المركز و شفت الممرضة سارة و حكيتلها اني انتظر النتيجة فاخذت رقمي و قالت بكلمك. و فعلا الساعة 11 كلمتني و على طول قالت مبروك حامل, طبعا ما صدقت و صرت انط و كلمت زوجي طلبت منه ياخذني عالمستشفى لانه مش قادرة اسوق ( طبعا ما حكيتله النتيجة) اوهمته اني خايفة و منهارة عشان هيك طلبت منه يجي ياخذني و دخلت السيارة و علامات الحزن على وجهي و طلبت منه اضمه ( طبعا هو استغرب لانه احنا في الشارع) قال خير شو في قلتله حبيبي مبروك علينا انا حامل, طبعا ما صدق لكن قلته انو الممرضة اتصلت في و قالت النتيجة كثير عالية و احتمال توأم. و مرت الايام ببطء حتى عملت اول التراساوند عالاسبوع السابع و بان كيسين حمل و سمعت النبض. و كانت فرحة لا توصف. في تلك الفترة كنت احس بالم برجلي و كل ما احكي للدكتور و يقلي عادي من الثقل مع اني كنت في الاشهر الاولى ووزني مش زايد, حتى اصبح الالم غير محتمل رحت عيادة الدوحة و عملت دوبلر و طلع عندي جلطة في الرجل و دخلت مستشفى و صرت اخذ ابرتين مميع في اليوم. و الدكاترة صاروا يلوموني ليش ما خبرتهم عن الاجسام المضادة, لانها بترتفع في الحمل و انا اصلا عندي مرتفعه و مع حبوب منع الحمل و المنشطات اللي اخذتها فكل هذي الامور مجتمعة سببت زيادة كثافة الدم وحصول الجلطة. انا كنت في الشهر الثالث و كان كل همي اطمن عالحمل ووقتها طمنوني انه تمام بس لازم استمر على الابر لبعد الولادة. و بعد كم يوم اكتشفت انه نبض واحد من الاجنة توقف و زعلت كثير لكن قلت يمكن يكون خير و يصير نمو البيبي احسن و كانت اشهر الحمل تمر ببطء ووصلت للسادس و كنت اراجع باستمرار في وحدة الام و الطفل عند الدكتور بدر لان وضعي كان حرج, و كان الدكتور يطمني انه كل شي تمام بس الوزن اقل من الطبيعي كونه كان توأم و عرفت انه ولد و طرنا من الفرح و جهزت كل شي ازرق في ازرق. و كان كل ما يمر اسبوع يتراجع النمو و يصير الفرق بين ووزن البيبي و الوزن الطبيعي اكبر, الى ان انصدمت باسوأ خبر بانه المشيمه فيها تخثر و الدم مش عم يوصل بشكل كافي لكن راح ننتظر لاكبر فترة ممكنة حتى يوصل للوزن اللي يقدر يعيش و كان وزنه في هذاك الوقت 400غم, و كانت تمر الايام ببطء شديد و انا ادعي و اصلي ربنا يسلملي هالحمل, لكن كان اوضع يصير اسوأ, النمو بطيء جدا و الحمل مستمر و ما كان ممكن يولدوني لانه ما راح يعيش بهالوزن . و تصوروا حالتي حامل و احس بالحركة لكن ما في امل, الى ان توقف النبض على الاسبوع الثلاثين وولدت ولادة طبيعية, و بعدني اذكر النسوان تصيح في غرف الولادة لكن بعدها يجي صوت بيبي يبكي الا انا اصيح لحالي.
و بعد الولادة قررت اني اخذ استراحة و ما افكر بالحمل حتى جسمي يرتاح بس طلبت من زوجي يراجع عند دكتور مسالك في حمد ووافق, طبعا عمل اكثر من تحليل و اعطاه فيتامينات و طبعا كل كورس بده ثلاث اشهر و بعدها يحلل و يطلع النتيجة مثل ما هي بعدين اعطاه كورس هرمونات كمان لمدة ثلاث اشهر لكن انا قرأت عنه في الانترنت انه اله اثار جانبة فخفت منه فاخذ منه اسبوع ووقفه وو قتها اخذت موعد حتى اعمل انابيب مرة ثانية و كان اقرب موعد بعد 5 اشهر, قلت فرصة اريح نفسي اكبر فترة ممكنة لكن ساعات كنت احس بالضيق خصوصا لما تسألني بنتي متى بدك تجيبلنا بيبي و ليش كل صاحباتي عندهم اخوان الا انا, و كنت اقلها الله كريم ضلي صلي.
المهم مرت الخمس شهور و جتني الدورة في 2/9 و رحت شفت الدكتور شحاتة ووصفلي الابر التحضيرية تحت الجلد على اليوم ال 21 و خبرني اذا بحب ااجل العملية حتى يرجع لانه مسافر ل 23/10, بس قلتله ما راح ااجل قال اذا رجعت على وقت الترجيع انا بعملك اياها و اذا لا بتعملها الدكتورة مريم, المهم بديت اخذ الابر و اتمنى الدورة تتاخر اكثر فترة ممكنه حتى يكون الدكتور شحاته رجع مع انه دورتي منتظمة و فعلا تأخرت 3 ايام , و كنت مروحين الساعة 12.30 في الليل و قلت لزوجي ترى الدورة متأخرة 3 ايام, قال نمر نشتري تحليل, قلتله لا مافي داعي يمكن تيجي بكرة, قال خلينا نجرب و جبت تحليل ابو 15 ريال عملته و طلع خطين, طلعت و انا ما عندي اي مشاعر و متأكدة انو في شي غلط, قلت يمكن من الابر التحضيرية لان فيها هرمونات, رجعت على الصيدلية و سألت قال طبعا الهرمونات بتأثر, عدت التحليل ب كلير بلو ما طلع شي فنمت و قلت اكيد التحليل غلط, صحيت الفجر و عدته رجع طلع خطين, و ما قدرت اصدق, قلت اكيد الابر, اتصلت بالممرضة سارة, قالت ضروري تعملي تحليل هرموني, رحت و عملت و انتظرت ساعة على نار, مع اني مش متوقعة يكون حمل و الدكتور اكد انه في حالة زوجي صعب كثير يصير حمل طبيعي, المهم مرت الساعة و اتصلت بالمختبر و كانت النتيجة ....حامل و نسبة الهرمون 376 طبعا وقتها انهرت, لاني انا فعلا بديت بالانابيب و انه يصير حمل طبيعي بهالشهر بالذات يعتبر معجزة, و الله قادر على كل شي, انا اسفة اني طولت عليكم و يمكن ما تقراو ردي للنهاية لكن انا حبيت احكي قصتي لانه فيها كثير عبر و بالاخير ارادة ربنا فوق كل شي و ما تزعلوا من اي شي لانه ربنا يختار الافضل النا. ادعولي اسمع النبض يوم الاحد و ربنا يتمملي حملي على خير و اذا بدكم اي سؤال انا جاهزة.
عزيزتي احسان:
انا عضوة جديدة لكن متابعة لهالملف من اوله لاني كنت بعمل انابيب معك بنفس الفترة , و...
ايش اخباركم سامحوني انا اسفه تاخرت عليكم بس للاسف كنت كتير مضايقه ومش قادره احكي مع اي حدا
المشكله انه ما في حدا بيفهمني ولا بيحس فيني
اختي واو.. احب ترابك.. ام الولد.. شكرا لمشاعرك والله انا عارفه انه الخير فيما اختاره الله ومش مضايقه لانه تاجل الموضوع اللي مضايقني اني انا كنت كتير مزعوجه من زوجي وكان املي في الدكتوره انها تسمعني وتقدر تفهمني وتسمعني بس للاسف ما قبلت تسمعني يعني لدرجه اني كنت رح ابكي عندها يعني انا استغربت انها ما سمعتني وبعدين اللمرضه اللي معها لما سالتني متى اخر دوره ولما قلتلها بدات تحسبلي زي ما انا حسبت ولما الدكتوره قالت لبعد العيد غيرت كل الللي كتبته :( الحمد لله على كل شيء
يا بنات اللي مضايقني اكثر شيء هو زوجي لانه مش قادر يفهمني ولا يحس فيني والمشكله اني ما بقدر ازعله يعني انا بنجن لما يزعل بس بنفس الوقت ما بقدر اني اتخلى عن موضوع الانابيب هذا حلمي اني اكون ام انا ما رح اياس و***** الله ربنا يرزقني اذريه الصالحه