بنات بغيت اسالكم انه اسحبو مني 14 بويضة ماتلقحت الا وحده اللهم لك الحمد يصير يجمدون البويضات الباقية حتى لو ماتلقحت والا لا؟؟
بنات بغيت اسالكم انه اسحبو مني 14 بويضة ماتلقحت الا وحده اللهم لك الحمد يصير يجمدون البويضات...
رحت من الشغل على طول لهم وللاسف حسيت اني وصلت متاخر ... زحمة وبهدلة اخر درجة ..
سالت وحدة من اللي لابسين رمادين شاسوي كلمتني بخياس نفس وشوي وتهاوشني تضايقت منها بصراحة وجاتني الصيحة بنفسي متوترة وهي زادتني المهم الله لا يحوجني لها ولا لغيرها .. حتى يوم قاسوا الضغط لقيته نازل
ماعلينا تميت ساعة تقريبا وعقب جاء وقتي والدكتور حليو كان معاي ماشاء الله ..:)
سمعني وانا اشرح له وضعي وتحليله لمشكلتي اني يوم حملت اول مرة كان وزني اخف من اللحين ..:(
فكان الحمل اسهل وطلب تحليل الانسولين والهرمونات والغدة .. لاني من زمان اسوي رجيم واكلي قليل اصلا بس ما انزل الا شي بسيط ويرجع
وقال لانج ما تسوين رياضة ..
وسالته عن العملية قال الحقن المجهري هو نفسه التلقيح .. انا كنت احسب غير ..
وقال لازم تعطيني مدة شوي لان جسمج لين اللحين ما ارتاح من المنشطات وحاولي تضعفين في هل الفترة لانج حتى لو سويتي التنشيط بيصير نفس اللي صار قبل ..
وبس خذت موعد عقب 3 شهور ..
وطلعت مصممة اشترك في نادي رياضة .. بس كنت مواعدة رفيجتي نروح معرض المجوهرات وتاخرنا ..
عاد اخر شي شفت الشيخ حمد والشيخة موزة والشيخة هند ...:)
يهبل الشيخ حمد الله يحفظه لنا