شحالكم بنات ان شاءالله طيبين

عن حالي انا بكره موعدي تلفزيون وبيحدد لي الدكتور العمليه

التبيويض عندي ضعيف مدري ليش؟؟ يمكن من التكيس؟؟

أول مره كتب لي الابر اسبوع البيوضات كانت كلها صغار 150كل يوم

لما سويت التلفزيون والبيوضات صغار واجد اكبرهم 8 فقال لي د شحاته بما انك خذتي قبل منشط وصار تبيوض اوكي اسألي كم الجرعه الي خذتيها عشان نعطيك الجرعه نفسها وماتضظترين تاخذين ابر واجد او اقل بتقصرين المشوار المهم قالي ارتاحي برا وحولي تكلمين العياده دقيت على عدنان مارضا قال لازم اجيه العياده وادفع الاستشاره وعقب اعطيك عصبت ورحت قلت للدكتور وتذكرت اني كنت كاتبه بالنت الجرعه الي خذتها حاولت اشبك النت على الجوال مايطلع لي شي بجوجل قلت للدكتوره عندي بالنت قال خلاص بفتح لك النت من كمبيوتري فتح لي ودخلت المنتدى الي كنت كاتبه فيه مالقيت الموضوع انقهرت وقال لي دوري مكان ثاني مالقيت قلت له اكيد عندي في ملاحظتي في البيت عطاني جرعه 300 ثلاث ايام وقال لي دقي على رقمي وقولي كم الجرعه عشان اقولج تزيدين او لا المهم رديت البيت لقيت اني ماخذه 1500الجرعه وشحاته كان معطيني 1050 المره الاولى والمره الثانيه 900 يعني المجموع 1950 يعني اكثر من عدنان عقب ماخلصتهم رحت قابلت ثريا قالت الهرمان 298واحنا نبيه بالالاف والبويضات اكبرهم 11 قالت بعطيك اخر كورس اذا مانفع بنكسل العمليه ونسويها مره ثانيه المهم زادت الجرعه 375 لمدة 3ايام صدق صادني احباط بس الله كريم
بعد 3 ايام رحت سويت تحليل الدم والتلفزيون طلع الهرمون 900وشي والبيوضات اكبرهم 15اضن قابلني شحاته وقال الهرمون تمام وكل شي تمام بس بزيد لج الجرعه 3 ايام ثانيه وعقب بحدد العمليه ريح قلبي الله يجزيه خير بكره موعدي وادعولي يابنات

على فكرة انا قمت اكل عسل مخلوط بالقاح وغذاء الملكات مرتين باليوم واشرب البرقدوش من ثالث مره عطتني الكتوره الجرع واحس منهم صار استجابه حلوه يارب يارب ان احمل هالشهر ادعولي يابنات محتاجة دعاوتكم

السلام عليكم بنات .. انا متابعتكم يوميا ..بقوولكم قصتي حاليا .. انا متزوجه من سنتين ونص وماحملت الا مره وسقطت ..جربت اتعالج بالابر مافي فايده المهم اني ماخليت شي مافي فايده حتى التلقيح الصناعي جربته مره وحده مانجح الحمدلله ..المهم انا مابي السالفه اطوول والايام تمر قررت اسوي اطفال انابيب ..ووافق الدكتور ..واتعالجت بالابر جرعه 375 كل يوم لمدة اسبوع ورحت الموعد والحمدلله استجابت المبايض وكانت احجامهم زينه حللت الهرمون طلع 3الاف وشي .. بعدين قالي بعطيج جرعه وحده وبعدين تعالي ..وخذت الجرعه الاخيره ورحت بعد يومين طلع مشالله الهرمون 12 الف الحمدلله بعدين قالي خلاص مافي ابر زياده قالي تعالي بعد يومين عشان السونار والتحليل رحت وكانت البويضات حجمها مشالله ممتاز وكانو وايد فوق العشره بعدين حللت وطلع الهرمون 17 الف ..وتعبت وايد يابنات والله ان بطني انتفخ ولا اقدر امشي واحس بثقل في بطني .. رحت موعدي عندي الدكتور عشان يحدد الابره التفجيريه قالي مابعطيج اياها لين ينزل الهرمون علاقل لين 13 الف او 10 الاف ..وصرت اروحله يوميا عشان يحلل وماكان ينزل وايد وقبل يومين دعيت ربي ان ينزل للحد المناسب واني اخذ الابره التفجيريه لاني وايد تعبت صدق .. والحمدلله رحت حللت طلع الهرمون 13 الف وقال اخذ الابره التفجيريه ..خذتها يوم الاحد هذا .. وكان يوم السحب اليوووووووووم .. اااااااااااه والله ماتصورت انه متعب يابنات هاي اوووول مره اعملها ياااربي الله يعين كل من سوتها ويرزقها ويرزقني ياارب ..طبعا رحت الصبح صايمه ولبسوني اللبس ودخلوني الغرفه سولي سونار ..خفت حسيت ان الموضوع صار جد مافكرت بالهلحظه قعدت اصيح ويقولي الدكتور لاتخافين مابتحسين بشي حطولي الاكسجين وعلى طوول حسيت راسي داار ..واختفيت .. المهم مالقيت نفسي الا زوجي والنيرس يصحوني اول ماصحيت حسيت بالم فضيع قعدت ابكي واقوول خلصت ولا لا قالو خلاص انتي فالغرفه اااااااه كم مؤلم ياااربي لحد الحين احس بالالم يابنات ..وبعدين جا الدكتور وقالي سحبنا 4 بويضات يااالله بس 4 ليش انا كانت عندي وايد .. قالي كلهم فاضين وبس هذيلا الي اوكيه .. قلت الحمدلله يارب الله يطرح فيهم البركه ويتلقحون كلهم ..وقالي ****لله يتلقحوون ..والترجيع بعد بكره يابنات وبيخبروني في نفس اليوم اذا تلقحوا وكم وحده تلقحت ..امانه ادعووووووووولي ان كلهم يتلقحووون ..يابنات انا في حاله لايعلم بها الا الله تعب فظيع ولوووعه وماقدر امشي وبطني يوجعني ...الدكتور قال اشرب يوميا 3 لتر ماي ولتر واحد لبن عشان مايصير جفاف ..وعطاني حبوب هرمون الحليب لمدة اسبوع مع ان مافحصني ؟؟ ماعرف .. المهم يابنات انا جد خايفه .. في حد حصله نفسي عدد البويضات المسحوبه قليله وتلقحوو؟؟يارب صبرني وفرحني ..اسفه طولت عليكم بنات اتمنى تردون علي ..

..(( مَا يَلْفِظُ مِنْ قَوْلٍ إِلَّا لَدَيْهِ رَقِيبٌ عَتِيدٌ))

السلام عليكم

يارب ياكريم يرزقج بالذريه الصالحه ..وتفرحين فيها يااارب



هلا اختي ..

الله يرزقج بالذريه ياارب ..
ومشكوووره جدا انج شرحتي الطريقه لنا ..
وايد اسمع انه يألم ..بس كله يهوون لجل شوفت البيبي ..

الله يطرح فيهم البركه وتحملين ياربي ..ومادري والله ماعندي خلفيه عن السؤال ..بس انتي تفائلي ..
استغفري ربج يومياا ..واقري صورة البقره ..الله يرزقج ياكريم ..