مقبله تمشي :

سلام شحالكم بنات الله يسلم كل من سالت عني ومن لم تسال امممم كيف الهمه وكيف المعنويات بختصار ماشاء الله لاقوة الا بالله انعرضت علي هاليومين بس 4 وظايف وهذا من فضل ربي علي استخير الله فيها بس ودي اني استغل رمضان بدون وظيفه هو شهر بالسنه بس !! والخيره فيما اختاره الله امممم ابا همتكم كل وحده تحط في بالها شو الدعوات المعينه اللي تباها لرمضان الله يبلغنا رمضان وهو راض عنا يارب مره قريت ان الصحابه رضوان الله عليهم كانو يخصصون بعضهم 5 دعوات يجتهد فيها برمضان ومايخلص رمضان ويجي رمضان السنه اللي بعده الا وتحققت عشان كذا كل وحده هالايام تصفي ذهنها وتجلس مع نفسها وتحدد شو تبا تدعي عشان تجتهد برمضان بالدعاء بهالاشياء ليل نهار وابا كل وحده ترتب نفسها وتنظم وقتها برمضان من الان تعرف شو بتسوي وكيف بتنسق بالنسبه لي باذن الواحد الاحد اني بجتهد بامنياتي وبفرح فيهن قريييييب برمضان واللي مثلي تحط هالحماس بقلبها وتقول هالشهر امنيتي بتتحقق باذن الله بفرح هالشهر ربي بيبشرني فيه بالنسبه لجدولي برمضان كالاتي بعد صلاة الفجر انتظر الشروق واتصدق بهالوقت بالذات لان الملكان يدعوان بهالوقت اللهم اعطي منفقا خلفا اللهم اعطي ممسكا تلفا بختصار خلي معج 30 ريال وكل يوم بهالوقت اقل شي ريال في بوك مخصص للصدقات لن هالساعه ساعة الشروق هي اللي تقسم فيها ارزاق العبد استغلوها وصلي الشروق ونامي وانتي بقلبج امل انج بتفرحين هاليوم وان امنيتج قربتي منها 2_ قبل صلاة الظهر بربع ساعه او خليها 20 دقيقه اصحي صلي الضحى وخليج ع السجاده اقري قران وعقب صلي الظهر 3_قبل المغرب على الاقل بربع ساعه على السجاده تدعين الله من قلبج بامنياتج او على السفره قبل الافطار تمي تدعين رافعه يدج 4_ طبعا اكيد صلاة التراويح 5_ختم القران كل 10 ايام يعني ايام الرحمه مره وايام المغفره مره وايام العتق من النار مره وحاولي اكثر انا اقرى 3 اجزاء يوميا والحمد لله اختم 3 مرات حسب وقتي 6_الاستغفار اقل شي 4000 الف لاتقولين صعب انتي تبين شي صعب على الناس سهل عند الله قدمي لله شي صعب عند الناس وسهل عندج وسبحي الله واحمدي الله وصلي على النبي عليه الصلاة والسلام اكثري من الذكر 7_ بين كل اذان واقامه وفي كل سجده وقبل السلام في الصلاة وبعد السلام وقبل المغرب ومع الفطور وفي الثلث الاخير ووقت الشروق ادعي بامنياتج والحي على الله فيها 8_ شغلي سورة البقره قبل تنامين عشان ناخذ بركتها 9_ لاتنسين اعمال الخير في رمضان وان هدفج من هذا كله ترضين الله اولا ثم تحققين كل ماتبين وحاولي تدخلين فرحه على قلب اي انسان عشان تقولين يارب وانا فرحني 10_ اتتمنى نخص هالتجمع بدعائنا لنفرح جميعا 11_ (ان الله لايضيع عمل عامل منكم من ذكر او انثى) (الا ان نصر الله قريب ) تعالي بشرينا قبل العيد هذا جدولي هو شهر واحد بس في السنه وتاكدي ماشي صعب على الله فلاتصعبين امورج هالشهر هو اللي بتحقق امنياتنا فيه باذن الله تعالى اي وحده تحط جدولها يمكن فيه اشياء تفيدنا اكثر اسال الله ان يعطينا لين يرضينا يارب وان يبشرنا بما يسرنا عاجلا غير اجل سبحان الله وبحمده سبحان الله العظيم

سلام شحالكم بنات الله يسلم كل من سالت عني ومن لم تسال امممم كيف الهمه وكيف المعنويات بختصار...