كوبونات الراقية تسجيل الدخول

مقبله تمشي
مقبله تمشي •
بنااااااااااااات انا من اليوم معكم ويااااااااارب ترزقني بالزوج الصالح والذرية الصالحة ويرزق كل محرومة قووولو امين

انا من شهر كنت اقوم الليل بسورة البقرة ولكن فترة ووقفت ماادري ليش واموري كل مالها تتعسر وحاسة بحباط ياليت يابنات نشجع بعض على الاستمرارية


وعليكم السلام


ليش وقفتيها ارجعي بنية خالصه لله نيتج التقرب لله والبركه والرقيه لاتكون لغرض في نفسج عشان ماتكونين من اللي يدعو الله على حرف
اكثري دعاء في السجود قبل الدعاء سبحي الله كثير واحمديه واشكريه واستغفري لذنوبج وبعدها بيني ضعفج وذلج وحاجتج
والحي بالدعاء

اسال الله ان يبشرج بالزوج اللي يسوى قبيله ويعوضج عن كل شي يارب عاجلا غير اجل يارب

سبحان الله وبحمده سبحان الله العظيم
مقبله تمشي
مقبله تمشي •
fofo88

لاتوقفين هالمره لان الله عسر امورج لان الفرج قريب يبا يختبرج تواصلين وتستاهلين هالشي او لا
هالمره لاتوقفين نبا نفرح فيج
مقبله تمشي
مقبله تمشي •
انها نمله

عادي الشيخ الجبير يقول قسمي قراءة سورة البقرة على ركعتين او 4 ركعات او 6 ركعات.


واعتقد عادي حتى لو نقسمها على 12 ركعة.


الله يسعدج يارب

مقبله تمشي
مقبله تمشي •
بنات بقولكم على شي
كل وحده تدعي بشغله معينه صح
الشي المهم اللي لازم تعرفه الله بيختبرها تستاهل هالشي وتصبر او لا
بتتعسر الامور وبتتسهل ويمكن ترجع تتعسر وتضييييييييييق جدا جدا لاضاقت جدا جدا ابتسمي
لان الله في هالوقت بالذات يبتسم لفعل عبده لان الفرج بعد هالضيق كله
يعني لاضاقت تشققي من الفرح لانج بتنالين اللي تتمنين

اسال الله ان يحقق امنياتنا ويسعدنا يارب

سبحان الله وبحمده سبحان الله العظيم
مقبله تمشي
مقبله تمشي •
بنات شرايكم نطبق خطوات الشيخ المشيقح طبعا نقوم الليل بالبقره

بس نطبق خطواته في حياتنا مع الحمد والشكر نحمد الله ونشكره شرايكم ؟؟
وخلال اسبوع نكتب شو صار معنا يعني نفس حملة الخراز للحمد والشكر وخلال اسبوع كلهم كتبو قصصهم اللي صارت لهم
يعني تحمدين الله وتشكرينه وتتذكرين نعمه عليج وافضل نعمه عطاج اياها وتشكرينه عليها شرايكم ؟؟؟