تجمع كروشات دولة قطر ( استفسارتكم : عن الحمل والدكاتره وتجهيزكم للاولادة والاستقبال )

الحمل والإنجاب




السلام عليكم ورحمة الله وبركاته

اخذت الاذن بفتح ملف والحمدلله جات الموافقة :26:
فياليت بنات قطر تدخلون وتفيدونا
التجمع ياكروشات نبغيه للي عندها
استفسار عن الحمل او الاولاده
واستفسار عن المستشفيات والدكاتره في دولة قطر
وعند من تتابعين ومن جربتي من الاطباء والمستشفيات ؟؟
واستفسار في التجهيز للاولاده والبيبي والاستقبال
هل بديتي ووين وصلتي في التجهيز؟؟؟
نبغي الافاده والاستفاده حياكم الله
160
48K

يلزم عليك تسجيل الدخول أولًا لكتابة تعليق.

تسجيل دخول

greengrass80
greengrass80
مرحباً ترانيم
أنا حاليا بالشهر الثاني والله يتمم علي واربي وهاي بيكون اول بيبي،، أنا اتابع عند دكتورة سحر العاني ومريم فلامرزي وحاليا حولوني ع عيادة الحوامل
ودي الايام تركض واخلص الرابع وأبدا اجهز
ترانيم قطر
ترانيم قطر
مرحباً ترانيم أنا حاليا بالشهر الثاني والله يتمم علي واربي وهاي بيكون اول بيبي،، أنا اتابع عند دكتورة سحر العاني ومريم فلامرزي وحاليا حولوني ع عيادة الحوامل ودي الايام تركض واخلص الرابع وأبدا اجهز
مرحباً ترانيم أنا حاليا بالشهر الثاني والله يتمم علي واربي وهاي بيكون اول بيبي،، أنا اتابع عند...



الله يتمم عليج ويثبت حملج والله يعينج على الوحام الشهور الاولى طويله
:27:
انا ودي الايام تركض او ارقد واقوم وادش السابع عشان اجهز انا ما ابغي اجهز الا لما اوصل السابع

بالنسبه للدكاتره والمستشفيات

انا اتابع بحمد عند بدر الدين بس دكتور يرفع الضغط مدري على ايش معطينا رئيس الاطباء بارد ودمه ثقيل

عياده الام والجنين وعنده بالعياده الخارجيه لانه عندي ولاده مبكره واسقاطات كثيره


وفي العمادي كنت مريض سخونه والم في جسمي كنت بالطواري لقوا ماي في جسمي بالاترساوند وقال يمكن حامل ويمكن من الضغط لازم تحليل حمل حولني الولاده فوق الدكتوره المنقبه العراقيه رحت للدكتوره قالت لي متى موعد الدوره كان باقي اسبوع مارضت تسوي التحليل ووعقب قاله زوجي سويه حنا الي بندفع وسوته وطلع حمل وتررقدت عندهم بس مايعرفون شي
الحمدلله من قبل رمضان وانا اكل حبوب منع الحمل عشان الرحم يرتاح من الاسقاطات تركتها حملت الحمدلله بس انترس جسمي ماي والسكر ارتفع وانا ماكان فيني سكر


وبعدها ترقدت بالاهلي تحت الملاحظه دكتورتي روزفي وسحبوا مني الماي وسولي سونار وقالولي مافي ولا كيس من قالج حامل سولي تحليل حمل اول مادخلت وعقب يومين زادت النسبه مدت اقامتي الاولى مع اسبوع لانه صادني تخثر الدم مع الماي اختلطتوا الفحوصات مع الاقامة 8900ريال

طلعت من الاهلي بعدها باسبوع رحت لعمرو بوزينب ياخذ 500 الترساوند + 250 للدكتور شاف الكيس والنبض وطمني الحمدلله وبعدها صرت اتابع عنده لين احداث سوريا تصكرت عيادته

ومستسفى حمد معطيني اجازة شبك + والاهلي بعد ممنوعه من الحركه

رحت عن عدنان وقالي اعتبري حالج ممنوعه من الخروج برا البيت كنك مسجونه وماتتحركين من السرير وشاف البيبي وقالي موعد بعد اسبوعين ياخذ 500 ريال على كل زيارة بس مامنه فايده

وترقدت 4 مرات بالاهلي وكل مره اسبوع الى عشر ايام سويت عملية ربط عنق الرحم بالاهلي طبعا مستشفى حمد مايسونها الا اذا الرحم خلاص تبطل عندج وهذا اكبر غلط

والحين ماشيه مع دكتوره هادن عياده الجزيرة طيبه وخلوقه وماعندها زحمه والالترساوند رباعي واضح


وبكره موعدي مع بدر الدين ان شالله يكتب لي ادويتي :44: ومايتفلسف ويكتب لي التقرير للدوام بدل الاجازات

يعني الدكاتره الي اتابع عندهم
حمد بدر الدين
الاهلي رزوفي
الجزيرة هادن
عياده عدنان
عياده عمرو بوزينب




ترانيم قطر
ترانيم قطر
التجهيز للاولاده بالمستشفى والبيت

اخترت لون ذهبي المفارش والورد احمر يكسر اللون

وماراح اسوي الطقام الكامل الي كل شي طقم الام والبيبي موضه قديمه

الموضه الحين المفرش ناعم وباقي الاشياء اضافات الغرفه بحط الاشياء الي اخترتها عقب
مجبوس لحم
مجبوس لحم
حلاتين عليج ياترانيم .. فتحتي تجمع مره وحده .. من عقب الخوف والوسواس (؛
أحسن لهّي عمرج عن التفكير وتراها فكره حلوه أتمني من حواملنا المشاركه وانا باشارك معاكم وجدانياً ( انا مب حامل ) بس عندي خبره في هذا المجال 
انا ياستي دكاترتي اللي أتعامل معاهم : حبيبة قلبي ام ابراهيم د / مريم فلامرزي ( انا احمل بالأنابيب ) ودكتوري العسل الاسود بروفسور : بدر الدين ومعاه محمد زكريا ودكتوري الخاص فواز امين (؛
وبالنسبه للتجهيز انا انصح تبتدئ من السابع ( مب انتي ، انتي رابطه وعشقي السعه وخلي خواتج يحهزون لج ) وأماكن التجهيز بصراحه وايد لين مشى التجمع باقول 
جميل المحيا2
جميل المحيا2
هلا فيكم بنات بلادي،،
انا حامل بالثامن والله يتمم لي على خير ،،
عندي الماي ناقص والبيبي وايد صغير وموعدي مع الاستشاري محمد مطر واخاف يولدوني ،،
ادعوا لي اكمل التاسع