سلام كروشات الله ييسر أموركم وتولدوا وانتو بأحسن حال

جيت أفيدكم

أنا ولدت قبل اسبوعين تقريبا في فقيه

طبعا ذي أول ولادة أحس فيها

أول شي كنت أراجع عند عفاف النوري ولما جاتني الولادة دقيت عليها وكلمتها
ولكن للأسف ساعة الولادة ماشفت ظلها حتى تعبت نفسيا وجلست أدق عليها وهيا ماترد
لكن ربي سخرلي أسماء شحرور الله يوفقها عسوله وقلبها كبير
يارب تكون خياطتها كويسه مثلها
الدكتورة أسماء قالت لزوجي انه عفاف دقت عليها وقالتها ولدي مريضاتي لأنها هيا تعبانه وماتقدر تجي بس الي قهرني كان قالتلي لما كلمتها المهم

المستشفى تعاملهم حلو من الاستقبال في الطوارئ الى خروجي عدا وحده سعوديه واشتكيناها والمدير اتجاوب معانا
الممرضات عسولات
لكن مررررره مزحومه المستشفى حتى اننا طلبنا غرفه خاصه وماكان فيه وخلوني في مشتركة طبعا اتأزمت وزوجي ماقدر يجلس معايا واليوم الثاني بعد اخذ وشد معاهم وفروا لنا خاصه
البنج كمامه أحس حقت الأطباء المتحدون أفضل منها بكثير
مارضي دكتور البنج يعطيني بنج لأني أخذت نص ملعقه عسل قبل الولادة بساعة ايهئ ايهئ
حطولي مهدئ مع المغذي اشويه يريح بس حسيت بطلوع الراس والخياطة
وفقت بعدها على طول

لو تبغوني أرشحلكم بين اي مستشفى فقيه او المتحدون
أقولكم المتحدون أفضل

الحمدالله على سلامتك اختي
حبيت اسالك كم كلفتك الولاده عند الدكتوره عفاف

بنات مين جربت دكتورة دلال بوقس في فقيه ..

يؤؤ نسمة كلامك مايطمن وحيغير كل حساباتي
أنا اتابع عند سحر وآخر مراجعه قلت لها دكتورة أباك إنتي اللي تولديني قالت لي نقول إن شاء الله
حسيت إني ما أخذت منها كلمة
بنات إش تنصحوني ماني عارفه انا بكرية ومن مكة بس كذا كذا بنزل جدة وما اعرف غير فقية والمتحدون

بنت عمي والده عندو طبيعي 3 مرات بس الكلام دا زمان