الله يجزاك خير

طيب ياأختي كم مدة العلاج ؟ وهل استخدموا أجهزة كهربائية لتليين المفصل؟

هلا والله صاحبة الموضوع سلامتك ماتشوفين شر أنا ياطويلة العمر صار عندي كسر بمفصل القدم بس الحمدلله على كل حال عفوا قصدي شعر بالقدم وتعالجت وشفيت تماما

بالنسبة لطريقتي في العلاج وهي اللي أجدت صراحه أكثر من علاج المستشفى

أولا/ لازم حلبه مطحونه على الريق يوميا ولا تقولين ريحة وماريحة اذا تبين العافية لازم حلبه لانها تجبر العظم


ثانيا / عند العطار دواء اسمه موميان تراه بودرة اويجي مثل الحجر وانتي اطحنية تاخذي بعد الحلبه مباشرة كسرة صغيرة مرة مثل عود الثقاب لان كثرته خطر ولكن مفيد جدا جدا جدا في عملية الجبر بس اهم شي كبر الثقاب او اصغر يعني كبر حبة الفلفل الاسود وكولية وراه ماء على طول تراه ماينطاق بس اشربي بدون ماتشمي


ثالثا/ بعد ابودرة الموميان على طول كوب حليب جيك يكون مغلي وأضيفي له بيضه واحدة بلدي نيئه ومجرد خلطها مع الحليب ماراح تحسي بطعمها تراها يابنات مفيدة


رابعا / فطورك لازم لازم لازم يصير قرص تعرفونه اللي هو عجينةبر بعد ماتستوي يفرم بالفرامة او يقطع باليد ويفرك بالسمن البلدي

خامسا / بالنسبة لليل قبل النوم لازم تلهمي حلبة ونسيت يابنات بعد الحلبة ماش لان الماش رائع رائع بس يسمن بس كيفة اهم شي العافية والموميان ناخذ منه شوي كبر هالنقطة #

سادسا / ويفضل بعد ما تاكلي العشاء وتستعدي للجلوس يعني مافية حركه الا بعد ساعتين وش تسوين يالله تعالو وراي


أولا / لازم تروحين لحرمة شعبية معروفة بأدويتها وتاخذي منها صبخه

1- هذي أنا جربتها كاسة شاهي طحين بر وتضيفي علية ملح 3 ملاعق او اكثر علشان يمص الالم وتضيفين ودكة اللي هي شحم الغنم وتضعينهم على النار وتحركينهم لحد مايصير مثل عجينة اللقيمات وطبعا اذا صار دافء تتحمله رجلك اجلسي على سريرك وحطي تحت رجلك سفرة شفافة وحطي تحت السفرة شرشف كبير علشان تلفي رجلك فية المهم اضربي الصبخة على الجزء المكسور وحطي على كل اليد او الرجل وحاولي تضربي الصبخة على المكان ضرب بقوة يقولون كذا فية فايدة ثم لفي على رجلك السفرة زين ثم الشرشف اللي تحت السفرة و ياليت تحطين عندك كمادة فيها ماء مغلي على رجلك علشان تصير الصبخة حارة لمدة ساعتين انا اخلي الصبخه ساعتين ونصف اواو ثلاث بس اكثر من كذا ما اتحملها ثم اغسليها ونظفي المكان ثم ادهني المكان المكسور باي دهن عند العطار يفيد الجبارة لاتخافين تقولين زين ماهو زين ينفع ماينفع انا كنت ارسل خواتي ويجيبون ويسالون العطار ثم نامي وكرري العملية هذي لين تحسين بتحسن

انا بالنسبة لي الكسر كان بالقدمفتأثرت الركبة حيل حيل فأستخدمت خلطة ذاكرتها وحدة من الاخوات في المنتدى الله يجزاها عني خير الجزاء نفعتني مرة مرة ياليت اللي تعرف الرابط تحطة لنا لانها ممتازة للي عندهم مشاكل بالركبه تراي يمكن ناسية بعظ المقادير بس راح اقول اللي بذاكرتي هالحين

تجيبين زنجبيل اخضر مبشور وتحطيه بالخلاط وتضيفي عصير ليمونه وملعقة سمسم طبعا زيت وملعقة زيت زيتون وبالخلاط ضيفي شوي ماء لان الخلاط يوقف شوي عند الخلط المهم سوي كمادة ماء مهم وروحي لفراشك ومعك الخلطة والكمادة ثم حطي سفرة وشرشف مثل ماذكرت وافركي الركبه يعني دلكي الرجل بالخلطة عشر دقايق واذا خلصتي لفي رجلك وحطي الكمادة فوق الشرشف تعالي شوفي حرارة الزنجبيل وش تسوي بالركبة ولازم ساعتين على الاقل اصلا من روعة الخلطة ماودك تغسلينها انا كنت اطول لاني احس بمتعه بسبب حرارة الزنجبيل بس تشوفين نتيجة مجرد ماتغسلين رجلك

وهذي تجربتي واتمنى يا اخوات تدعون لعيالي بان ربي يوفقهم ويصخرهم لي ولدراستهم ودمتم واي سؤال أنا حاضرة

ترى كلام الاخت اشتكي لوسادتي سليم مئه بالمئه لاتتهاونون بالعلاج الطبيعي انا ثلاث اسابيع اروح لهم ثلاث مرات بالاسبوع وياربي لك الحمد يعني اذا قال جلسات طبيعية لاتهملي الموضوع

لي رجعه

هلا بعباتي تاج راسي مساك الله بالخير حبيت امسي عليك