المرأة بإذن الله ماتحتاجها وما ذلك على الله بعزيز

ام مجد الحمدلله على السلامه اللهم لك الحمد

الله يبشرك بالخير

ماشاء الله

مادام شالوا التنفس بإذن الله انها طيبه

ياغاليه اي شيء تشوفينه عادي عمليه ماهي سهله

والحمدلله اللي اخرجها منها هذه نعمه تحتاج منكم حمد وشكر وصدقات ..

اللهم اشفي مرضانا ومرضى المسلمين

حاسه فيكم وفي معانتكم الله يفرجها عليكم يارب

بس الحمد لله انا اعرف بنات من جماعتنا كثاار معهم ثقب بالقلب وسوو عملية قسطره ونجحت الحمدلله والحين تزوجو وعندهم عيال بعد

وبنت عمي عمرها 15 معها ثقبين والحمدلله مافيها الا العافيه وللحين ماسو لها قسطره

ان شاءالله ماعليهم الا العافيه يارب

انا اختي مريضه بالقلب ضعف عضلة القلب من كان عمرها 4شهور
وحاليا عمرها 11 سسنه تعبت مرررررررررررره

من عيد الاضحى وهي تعبانه وكل ماودينها مستشفى يماطلون حسبي الله عليهم

كانت تتابع بمستشفى قوى الامن ولما تعبت ودينها الظوراي واعطوها بخاخ حق الربو وبخار وزاد عليها

واخذنها للمدينه الملك فهد الطبيه وقالو عندها مااء ع القلب والرئه واعطوها ابره وطلعونا قالو روحو للمستشفاها اللي تتابع عنده اللي هو قوى الامن وكان الدكتور اللي تتابع عندها مسافر هو اصلا يداوم بالعسكري ويجي بالاسبوع مرره بقوى الامن وتاخر الدكتور مااجا وهذا احنا من مستشفى لمستتشفى وكلهم يقولون مو مريضتنا واذ ودينها لدكتور جديد يقول مااعرف حالتها حسبي الله ونعم الوكيل وفتحنا لها ملف بمركز الامير سلطان ولااحد عطانا وجه ابد مجرد يعطونك اقتراحات واسالته وعذبو البنت زياده تخيلو يابنات من نطلع من البيت لما نوصل المستشفى وهي ترجع وتنكتم ومرمطوها بالممرات وماعندهم الا الهذره الزاايده
لدرجة ان واحد منهم مااتذكر اسمها قال لها وش رايك نسوي لك عملية ونزرع قلب جديد وطلعت من عنده وهي تبكي ومنهاره الله لايسامحه واخر شي قالو لنا نعطيها موعد بعد 20 يوم وهي رايحه فيها المفروض ينوموها وجلست يومين باليت عندنا ثمن انكتمت حيييييييل واخذنها ع مدينة الملك فهد الطبيه بغت تموت لولا رحمة ربي فيها

تخيلو جسمها صار ابييييض واطرافها جمدت ودخلت االانعاااش اااااااااااااااااه يارب رحمتك كل مااتذكر ذا اليوم وامي وابوي واخوي يبكوون بالمستشفى والدكتور يقولنا الا عمار بيد الله بس تحملو احتمال تموت لان القلب ضععف ضخ الدم

والحمدلله ربي لطف فينا ورجعها لنا ياربي لك الحمد وحسبي ع كل دكتور ماتعاون بضميره معها الله لايسامحهم

ونومها 10 ايام بمدينة اللمك فهد ورفعوا الجرعه وقالو لازم تسون لها شي رغم ان مالها الا الزراعه وفتحنا لها ملف بالتخصصي وحجزنا موعد مع الاستشاري منصور الجوفان

وان شاءالله يكون عنده ضمير مو مثل الباقيين حسبي الله ونعم الوكيل
تخيلو يابنات ثلاث مستشفيات على مدى شهرين وحنا نتردد عليهم ولا واحد عنده ضمير ماعدا واحد دكتور سعودي بمركز الامير سلطان الله يوفقه
قمة بالتعامل اسمه خالد دغريري هو الوحيد اللي وقف معنا بس صدق اللي يقول يد وحده ماتصفق لكن سوا اللي عليه الله يكتب له الاجر

والله يشفي اختي يااارب وجميع مرضى المسلمين

الله يكوون في عونكم اختي زينب والله يشفيها يارب نشالله مستشفى التخصصي يفيدونكم طيب ليه ماجربتو الحرس

الله يستر انا بنتي مراجعاتها في مركز سلطان

اختي والله ماعاد ندري كثيير ناس يمدحون مركز الامير سلطان بس اختي ماساعدوها يمكن لانها مو متابعه عندهم لاتخافين ياقلبي والله كل شي بيد الله سبحانه انا اختي اخذت شهرين وحالتها حالها ولا مستشفى ساعدها حتى دكتورها اللي متابعه معه من اصابت بالمرض ماساعدها والحمدلله ربي كتب لها عمر جديد

ويارب اشفي مرضانا ومرضى المسلمين بس انتي بنتك تبع اي دكتور وايش مرضها الله يشفيها


بنات وش رايكم بالتخصصي حجزنا لااختي موعد هناك وان شاءالله بتكون متابعتها عندهم

وارتاح من كابوس طوارئ قوى الامن

يارب يامن بيده كل شي اشفي اختي وجميع مرضى المسلمين يارب

يارب استودعك اختي فااحفظها ياارحم الراحمين

اااااه يابنات وربي حتى النوم مااتهنى فيه اخر مره قالي الدكتور هي معرضه لموت الفجأه

يارب رحمتك يارب
فيه احد منكم تعرف وحده معها نفس مرض اختي؟

الي الاخت زينب مستشفى الحرس الوطني بالرياض ممتاز جدا وفيه جراح اسمه هاني نجم مره ممتاز والتعامل جدا راقي انا بنتي سوت العمليه فيه وعندهم عنايه جدا ممتازه خصوصا العنايه المركزه والدكتور رياض مهدي استشاري قلب ممتاز روحوا وجربوا شوفوا ايش يقولون اعتقدانه افضل مستشفى في المملكه قلب اطفال اما بالنسبه للتخصصي فيه دكتور اخر اسمه الهليس مااعرف اسمه الاول بس يعتبر واحد من افضل عشر اطباء في العالم واذا انتو من جده فيه عياده خاصه اذا تبغون رقمها احاول اجيبه لكم
الاخت ام عبد العزيز الله يشفي لك ولدك بنتي من العمليه بس تبكي ومتضجره واذا ضحكت تبكي احس انها تتالم او عطست برضوه تبكي اي حكه تبكي مادري هو ضجر والا الم ولك جزيل الشكر