الله يشفيهم شفاء لا يغادرا سقما ``
طمنوني عليكم وأنا ان شاءلله بطمنكم على ولدي

السلام عليكم ..رحت اليوم مراجعه لبنتي وأخذوا لها أشعه والفتحه نفسها كل من شافها من الاستشاريين قال لارج يعني كبيره وقالوا لي ان العمليه قلب مفتوح يربطون الشريان الرئوي ويسكرون الفتحه والدكتورة تقول ليش مازاد وزنها فعلا ألاحظ وزنها ثابت مدري وش اسوي يارب تسهل علينا واهم شي ما يأجلون العمليه
 

هلا حبايبي يارب يشفى عيالكم وولدي يارب ويتم عليهم الصحه والعافيه حبيبتى منوشي انا من الكويت فما ادرى شلون النظام عندكم بس ماقالنا الدكتور شي عن التبرع بس اتذكر ابوي لما كان بيسوي عمليه قبل فتره طلبوا منا احد يتبرع ببنك الدم عشان يسووله العملية وتبرعت انا فيها والحمد لله سوا العمليه بس بالنسبة لولدي مدرى بصراحه الله يستر لايطلبون ماعندي احد يتبرع الا ابوه لانى حامل ماقدر ام الحلوين اى حبيبتى انا جربت الحلبة من عمر شهرين الا ست شهور مانفعت وياي لان يعتمد على مكان الفتحه فى اماكن بالقلب الفتحه تتصكر عادي وفى اماكن تكون صعب تتصكر حسب كلام الدكتور وشنو الاماكن ماعندي خبر والله بس بحاله ولدي لانه الفتحه تحت الصمام الرئوي وماخذة شوى من الصمام فلازم تدخل الله يستر عملية ولدي عقب اربع ايام وفديته اليوم تعب علينا وارتفعت حرارته وصلت 40 الله يستر لاياجلون عمليتة بس ماقول الا الحمد لله وان شاءالله فيها خيرة لنا وعسى ان تكرهوا شيئا وهو خيرا لكم يارب يكون خير لى ولولدي

منوشي اول مره ادري عن سالفة الوزن وهل لها علاقة كبيرة بتسكير الفتحه ؟؟؟؟؟؟؟
والله يخليها لك يارب ويشفيها وتفرحين فيها عروسة يارب

فديت شوشو الله يكتب له الخيره وييسر له كل اموره وتفرحين فيه يارب
و اسأل الله ان يشفيه وطمنينا اول باول

انا موعد ولدي بعد اسبوعين والنفسية الله لايوريكم نفاس وفيني ضيقة صدر وخوف عليه بس الحمدلله على كل حال


الله يشفي احبابنا ولا يورينا فيهم مكروه

السلام عليكم

هلا بكم يالطيبات


فرناز اسعدك ربي ولاحرمني ربي دعواتك يالغاليه

منوشي هلا بك ياغاليه متى حددوالك العمليه ؟ومن تراجعين عنده اي طبيب..

بالنسبه للمتبرعين تقول صديقتي انه 4 يكفي ويمكن اذا شافوكم برا الرياض مايدققون..

اما الوزن لاحظت الكل مرضى القلب مايزيد وزنهم وشهيتهم مو مره

انا جبت لولدي فيتامينات واحسن معها شوي ..

فديت شوشو..هلا بك ياغاليه الله يعينك يارب ويشفي وليدك وتدخلون العمليه وترتاحين من همها

وصلي استخاره ان كان فيها خير والا لا..والله ييسر عليكم يارب


ام الحلوين اسعدك ربي..انت بالنفاس وطفلك التعبان هو اللي توه مولود؟

انا دخلت الثامن وموعدنا بعد 3 اسابيع ..اما النفسيه حيل تعبانه بس يارب لك الحمد..مثل ماربي يسر اللي قبل ببيسر الجاي ان شاء الله ..