هلا بالعاليه. سمو ألذوق طمنتيني برودودك حسيت براحه كبيره قولي أمين الله يجعل لك بكل حرف كتبتيه وافر من الحسنات الله يوفقك ويخلي لك وليدك ويجعله آخر الأحزان يارب. _- كيف ولدك الحين ***** الله أحسن ! الحمدلله الحمدلله الحمدلله اللهم اين استودعتك ابنتي اللهم فاحفظها

منوشي هالفترة هي الفترة الحرجه عند الأم ونفسيا تتعبين تدرين ليه لاننا ماجربنا قبل ولانعرف احد سوا العمليه

بس هالفترة امتحان من الله لنا الدعاء سلاحك ياغاليه الصدقااات ترفع البلاء فعل الخير

ريحي شوي جسمك وتغذي زين عشان توفرينه لتمريض طفلك بالمستشفى..

.. وثقي بالله انه بيطلعه من الشر ان شاء الله.. والحمدلله فيه مستشفيات ودويه وعمليات قبل ٨سنوات قبل كانوا عاجزين عن بعض العمليات الان

الان تطور يارب لك الحمد خاصه بالسعوديه..تدرون العمليه كم تكلف ١٥٠الف ريال بالنسبة لعملية ولدي لكن الحمدلله تتسوى ببلاش هنا الحمدلله

وحتى اللي برا الرياض تصرف وزارة الصحه التذاكر السفر

يعني يارب لك الحمد ولك الشكر مادام ربي سهل هالامور بيسهل الباقي ويطلعهم من هالعمليات ان شاء الله


عمليه ولدي كان عمره عشر ايام يعني من سنتين و٤شهور والان ودي اكتب لكم كل شيء والدروس الليةتعلمتها في المستشفى

تغيرت كثير بحياتي بعد ولدي ..
يابنات هذه تجربه متعبه نفسيا وجسديا لازم نستفيد منها

كان الله في عونكم يارب وشفى عيالنا جميعا


والله يهون علي وعلى فديت شوشو وام عمرو ونولد اطفال اصحاء يارب

انا شهري رمضان ان شاء الله

حفظكم ربي واستودعت ربي عيالنا

سمو الذوق مشكوره الله يجزاك خير على كلامك المريح الله يريح بالك

انا للان ماعرف عمليتها فتحه بالطول والا من الجنب لاني للان ماجلست مع الدكتور

بس عندي شوية اساله ..انتي ولدك عنده ضيق والا وشو؟ وباي صمام بالضبط انا بنتي ضيق بالصمام الميترالي وعلى كلامهم ماينفع بالقسطره لازم فنح قلب ..انتي مثلي؟ وياليت تقوللي تفاصيل اكثر ودخلتو المستشفى قبل العمليه بيوم والا جلستو كم يوم


لاني بنتي بالعمليه الاولى قعدنا بالمسشتقى اشبوعين قبل العمليه وانا شايله هم مره الحين بنتي تحبي وماتبي تقعد بالسرير

مو مثل اول بيبي ماتفهم.. ياليت تكتبين لي التفاصيل اللي يجزاك خير عشان يكون عندي خلفيه وما اتفاجا



منوشي 11 شكل بنتك نفس بنتي

العمليه الاولى اكنت عندها فتحه بالبطين وقفلوها ولقو ضيق بالصمام ووسعوه وكان عمرها 5 شهور وورنها 4 كيلو وكانت تعرق اثناء الرضاعه وتزرق ويغشى عليها ووزنها مايزيد


يارب اشفي مرضانا ومرضى المسلمين ياكريم

حبيبتى ام رزونه الله يشافى بنتج يارب - يااااارب يااكريم يارحيم اجعل القسطره بردا وسلاما عليها يارب البسها لباس الصحه والعافيه
احنا هنى كل وحدة تساعد الثانية وتهون عليها وتخفف عليها لان بهالوقت الوحدة تبي من يخفف عنها ويوقف وياها والبنات فيهم الخير والبركه

منوشي طمنيني ياقلبي على بنتج - مثل ماقالت ام عبدالعزيز لازم ترتاحين وتنامين عدل لان يبيلج طاقة عشان تعتنين في بنتج ان شاءالله اذا طلعت للجناح وللبيت باذن الله ويارب تقوم بالسلامه

هلا ام عبدالعزيز شلونج حبيبتى- وشلون ولدك الحين ان شاءالله طيب - اى والله ربي يهونها علينا ونولد بالسلامه انا قربت اخلص شهرى هاليومين وللحين ربي يسهلها وعطانى الدكتور موعد اول يوم برمضان اذا ماولدت راح يولدنى طلق صناعى الله يستر يارب واولد طفل متعافى وسليم (مابي افكر ان ممكن يكون فيه مشاكل مثل ولدي الاخير مافيني طاقه )

(مابي افكر ان ممكن يكون فيه مشاكل مثل ولدي الاخير مافيني طاقه )


هالجمله ياغاليه ترادوني كثير بس احاول اطردها قد مااقدر بحسن ظني بالله موعدي بعد 3 اسابيع ان شاء الله قيصري..

ارسلي رساله اذا ولدتي بإذن الله واطلبي اشعه صوتيه للقلب احتياط قبل تطلعين من المستشفى عشان تكونين مطمئنة
الله ييسر امرك وامري وام عمرو ويفرحنا بهم وكل حامل يارب