ابي اقول لخيتي فراشة الدمام
وليدي فيه متلازمة داون علشان جذي عنده مرض بالقلب
مع العلم انه بجري وعمري بالعشرينات
ابتلاء من رب العالمين والحمدلله على كل حال
majhoola
•
تفاااااااااااائلو يابناااااااات
وابن ادم مراااااح ياخذ غيييييييير نصيبه
يااااااااااااااارب ارحم ضعفنا واشفي مرضانا يحي ياقيو برحمتك استغيث
فلا تكلني الي نفسسي طرفه عييييييين
وخلو ثقتكم بالله كبيرةةةةةةةةةةةة
وابن ادم مراااااح ياخذ غيييييييير نصيبه
يااااااااااااااارب ارحم ضعفنا واشفي مرضانا يحي ياقيو برحمتك استغيث
فلا تكلني الي نفسسي طرفه عييييييين
وخلو ثقتكم بالله كبيرةةةةةةةةةةةة
majhoola :
ابي اقول لخيتي فراشة الدمام وليدي فيه متلازمة داون علشان جذي عنده مرض بالقلب مع العلم انه بجري وعمري بالعشرينات ابتلاء من رب العالمين والحمدلله على كل حالابي اقول لخيتي فراشة الدمام وليدي فيه متلازمة داون علشان جذي عنده مرض بالقلب مع العلم انه...
أسال الله الكريم رب العرش العظيم أنه يشفيه ويعوض صبرك بالجنه
ولايحرمنا الاجر ولا تنسين أن هاذا أختبار من رب العالمين هواللي أعطاهم وهو اللي قادر يرفع عنهم
ولايحرمنا الاجر ولا تنسين أن هاذا أختبار من رب العالمين هواللي أعطاهم وهو اللي قادر يرفع عنهم
majhoola
•
أسال الله الكريم رب العرش العظيم أنه يشفيه ويعوض صبرك بالجنه ولايحرمنا الاجر ولا تنسين أن هاذا أختبار من رب العالمين هواللي أعطاهم وهو اللي قادر يرفع عنهمأسال الله الكريم رب العرش العظيم أنه يشفيه ويعوض صبرك بالجنه ولايحرمنا الاجر ولا تنسين أن هاذا...
مشكورة حبيبتي وتسلمين على دعواتج
الصفحة الأخيرة
سامحوني وعدتكم برجع ونسيت الله يخزي الشيطان
بالاول بجاوب على اسئلة اختي قطرة من فضة
1- نوع مرض القلب : تشوة ( مع تحديد الجزء ) .. أم ثقب .. إلخ
ثقب بين البطينين والاذينين وثقب بين الاذينين وثقوب صغيرة
وتسرب بالصمامات والقناة الشريانية السالكة اللي تكون بين
الشريان الاورطي والرئوي
2- عمر الطفل
حاليا سنتين وثلاثة شهور ربي يطول لي بعمره ولا يحرمني منه
3- الوزن و الطول
طوله في السبيعينات بس جم ما اتذكر ووزنه ما شاء الله صار من
بعد العملية 11 وكان تسعة قبل العملية
4- الأعراض
كان يتعب بسرعة ويعرق وايد وايد وايد
وانتوا بكرامة كان لما يتبرز يموت ويعيش الف مرة فديت روحه
خصوصا وان عنده القولون
5- كيفيه التعامل معه
عادي مثل باقي الاطفال لكن معزته خااااااااااااااصة ( اعرف مو
هذا قصدج )
6- كيفية تغذيته
قبل العملية كان ما ياكل ولا شي ما عدا الخبز خالي ويكمية قليلة
وطبعا يشرب حليب رضاعة صناعية
7- التطعيمات المتعلقة بهم غير التطعيمات المقرره للأطفال العاديين
ما في شي خاص فيه ما عدا الادوية مثل اللزكس والديجوكسين
8- ما يجب تجنبه في حالاتهم
من بعد العملية قالوا لي لازم ما ينط مسكين حبيبي للحين يتخطى
ما يمشي وين ينط؟
9- كيفية التغذية مع تحديد نوع الغذاء والحليب
حليب نيدو 1 وطبعا من اكلنا واكثر له خضروات وفواكه
اعطيه من خرابيط الاطفال بس بكمية بسيطة وعادة تكون يوم
الجمعة علشان جمعتنا ببيت ابوي
وممنوع الحلويات اللي فيها الوان والمشروبات الغازية
10 - العمليات التي تم اجراؤها
سووا له عملية وحدة صلحوا القناة وسكروا الفتحات واصلحوا
الصمامات وبقى له تسرب بسيط باحد الصمامات قال
الطبيب ما له داعي يسوون له عملية ثانية
11- القسطرة وما تلاحظينه على طفل بعدها
ما جربناها الحمدلله بس بعد العملية لاحظت ان خفت نوبات الربو
اللي عنده وااااايد لكن صارت تجيه اقوى من قبل يعني
احس صدره متسكر ما يقدر يتنفس بالمرة
12- مظاهر التطور في النمو الجسماني من جلوس او حبو .. إلخ
وما لديكن..
طبعا حجمه صغير ناس ما يصدقون ان عمره سنتين عادة يعطونه
بين تسع شهور وسنة
للحين يتخطى ما يمشي ( طبعا الداون يتأخرون )
من بعد الاجابات ابي اقول لكم يا امهات
انا كنت اتابع مع ولدي عند دكتور مهمل جدا ما درى عن ولدي
سوا له ايكو مرتين مرة كان عمره شهرين والثانية سنة تقريبا
بالضبط ما اتذكر
بالاولى قال الثقب يحتاج لعملية لكن ما يأثر عليه لو ما حبينا
نسويها
وبالثانية قال الثقب خلاص بيتقفل @@
طبعا فرحت واايد
المهم كنت اراجع وانا حامل وحملي كان ثقيل وكان عندي نزيف
وهالدكتور كان مو موجد وشاف ولدي دكتور ثاني ومباشرة
عطاني موعد حق ايكو بعد يومين تقريبا وسوا له تخطيط واشعة
بنفس اليوم وقال لي حالة الولد خطيرة شلون ما سويتوا له العملية
من الولادة؟
بصراحة خفت وايد وتعبت نفسيا بس ربي عطاني الصبر وكنت
حامل بالثامن وحولني على مستشفى العسكري وقال اذا ما يقدرون
يسوون العملية بيسفرونا على دولة ثانية
وفحصوه بالعسكري وحددوا له موعد للعملية بعد ولادتي
وسووها بتاريخ مولده يعني بيوم اللي كمل فيه سنتين
كنت خايفة اخسره
الحمدلله ربي خلاه لي
ودي اكتب لكم تجربتي مع عمليته بس عيالي يشغلوني وايد
باقرب فرصة راح اكتبها لكم
ابي اقول لكل الامهات توكلوا على رب العالمين
هو القادر على كل شي
الحمدلله رب العالمين ربي يشفي عيالنا وعيال المسلمين
يااااااااااااارب