إنا لله وإنا إليه راجعون اللهم اجر اختي هيوفه في مصيبتها واخلف لها بخير
عظم الله اجرك ورزقك الصبر والسلوان
لعله خير لك وله ولا تدرين ولا ندري اين الخير لعلها رحمة له من المعاناة والمرض وراحة لك من الهم والحزن
اسأل الله ان يعوضك خير منه ويجعله شافعاً لك يوم القيامة

جزاك الله خير اختي ام ايوان
جزاك الله خير اختي ام عمر وشفى ابناءكم انه على كل شي قدير

الحمدالله علي كل حال وعضم الله اجرك وشفعة خير من نفعة والله يعوضك ****لله بلولد الصالح ياعمري انتي مو قصدي بس مين الي سوي العملية وش سبب الوفاة وكم عمرة وماتدرين يختي انها رحمة لة ولا يتعذب طول حياتة بس بغيت اقولك عن وحدة كانت معنا اسمها ام نايف قسم بالله ماشفت زيها في الصبر تخيلي من جابت ولدها وهي في المستشفي من عملية في عملية وكانت حامل وهي لحالها في الرياض وجابت ولد وكانت حاطة سريرة جمب اخوة في الغرفة يعني ترعي اصغير واخوة الكبير ماادري كان عمرة ثلاث سنوات وتخيلي مبتسمة وصابرة ومتفاءلة بعدين طلع ولدها من المستشفي وفرحنا كلنا وراحت للجنوب بس مرة جت للرياض علشان موعد وهي في شقة جمب المستشفي توفي قدامها وابوة سبحان الله مو من القلب ماادري وش السبب ولي نقلتلي الكلام يوم شافتني جلست اصيح وضاق صدري قالت والله لو تشوفين ام نايف ذاكرة الله وتقول الحمدالله ارتاح من الدنيا من جبتة وهو متعذب ماابي اطول عليك بس حبيت اذكرلك قصتها وكلنا حاسين ماادري وش اقولك بس الله يخليلك عيالك اذا كان عندك غيرة ويرزقك الله ويفرح قلبك ****لله

حبيبتي ام لتو جزاك الله خير
سوينا العملية بالقصيم سواها الدكتور تاج الدين سوداني
وسبب الوفاة القلب عنده مررره متضخم ولااستجاب للعلاج وكان عنده التهاب شديد بالدم
لدرجة يقول عطيناه اربع مضادات قويه ولانفع والحمد لله على كل حال
وعمره تقريبا 11 شهر بس قبل يسوي العمليه الحمدلله يعني صحته زينه ورضاعته ووزنه تقريبا8
يعني بس نقص الاكسجين عنده وحساسيه بالصدر
قدر الله وماشاء فعل والحمدلله صابرة ومحتسبه الله لايحرمنا الاجر
بالعكس الحمدلله صابرة ومحتسبه يعني اكثر من ابوه اللي اتاثر مررره ويالله قدر يعدي صدمة وفاته
والحمدلله عندي 3 غيره الله يهديهم ويصلحهم ويخليهم لي
وجزاك الله خير

أنا لله وأنا أليه راجعون عظم الله أجرك أختي هيوفه وجعله الله شفيعا لكي يوم القيامة