هلا بالغاليه ..ياعمري عليك لايضيق صدرك أبد..اكتبي بالقوقل رباعيه فايلوت وبتلقين كل شيء عنها ..

والله ياغاليه ماادري وش قصته بالضبط لني ماطولت معها بس عنده هالرباعيه وعايش الله يخليه لها يارب

ياغاليه والله لو اكتب تجربتي ماخلصت ..ولدي سوا العمليه وعمره 10 ايام

اول مره يكون بالعائله مرض قلب

ولكن لما رحت المركز شفت انهم تعودوا

وثقي انه مثل ماقال الدكتور خالد الجبير

ان المريض يسهل علاجه وعمليته بنفسه

لما يكون قريب من ربي تسهل العمليه بيدينا سبحان الله

يعني هم اسباب وربي هو الشافي لو كان فيه ايش

شوفي في قسم اراده تتحدى المرض قصه المولد بورم سرطاني وربي شافاه ولد عضوه عندنا قصته عجيبه وتعطيك الامل والثق بالله ..


الدعاء والاستغفار والقراءه عليه والصدقات وحسن الظن بالله بتشفي وليدك بإذن رب العالمين

ولدي حالته ..تبادل شريان وسووا العمليه

الان يحتاج توسعه لانه ضيق حيل

وبعد شهرين احتمال عمليته ان شاء الله

ومتوكلين على الحي القيوم

السلام عليكم كيف حالكم إن شاء الله بخير أم عبدالعزيز في أي مستشفى تتبابعين ومن سوى عمليته متى موعدكم بالضبط يمكن معنى

وعليكم السلام هلا بك ياغاليه


في مركز الامير سلطان في العسكري..بالرياض ..

اللي سواها الدكتور عبدالرؤوف الحربي

والعمليه الجايه ماادري بالضبط

لكن الموعد بعد شهرين بحول الله بس قبل بنسوي المقطعيه

نفس اللي سوى عملية بنتي وموعدنا بعد الشهرين الله يسمعنا وإياكم كل خير

الله يطمنك مثل ماطمنتيني بس انا ياقلبي قبل ثلاث سنوات حامل واخر يوم لي في التاسع جاني الطلق ورحت حطو علي الاجهزة وقالو متي اخر حركة لانو مافي طلق والبيبي مات الله يعوضك ولدت طبيعي وغمضت عيوني وقلت لدكتورة حطيها علي صدري ضميتها وحسيت فيها بس ماشفتها ويقول زوجي انها كانت مزرقة وكتبو في شهدة الوفاة ان سبب الوفاة ماهي معروفة بس هم قالو اختناق بس سبب الاختناق غير معروف تبون نشرحها قلنا لا وهذا قدرنا وشفعها خير من نفعها بعدها حملت وكان كل شي سليم وجبت الولد ويوم جيت اطلع من المستشفي قال الدكتور نسمع صوت في القلب خذو موعد في عيادة القلب وبعدها شخصو الحالة وقالولنا بس الحين ماحددو شي يقولون لازم الوزن يزيد والحممممممممممممممممممدلله علي كل شي وموعدنا الشهر خمسة الله يصبرني ويكتب الي فية خير