رانزي هلا بك يالحبيبه

الله يشفيه ويخليه لك والحمدلله على سلامته يارب

سبحان الله اغلب مشاكل القلب للرضع ..ابحث كل يوم عن الاسباب ويعجزون عن ذلك الاطباء


انا ولدي كان الشريان الرئوي المفروض يروح للرئة لكنه يرجع للقلب مره ثانيه فسوى العمليه وعمره 10 ايام بالضبط مثل ولدك قلب مفتوح ..سبحان الله

والحمدلله نجاه ربي والان عمره 10 شهور طهرته وعمره 6 شهور

لايضيق صدرك من التطهير ابد لاحقه عليه انا كنت مثلك شايله هم بس عادي بنج كامل ونفس اليوم يطلع عادي

الشيء الثاني الشريان الرئوي ضيق حيل..ويمكن العمليه ان شاء الله بعد شهرين بإذن الله

ياغاليه الاطباء اسباب فقط

العلاج بيدينا وتيسير الامر بيدينا بالصدقات والدعاء والاستغفار

وبتشوفين اللي يسرك بولدك

كان الدكتور خالد الجبير نسوي العمليه نفسها لشخصين واحد متدين وتصير بساعتين ونسويها لواحد بعيد عن ربي ونجلس فيها 8 ساعات

لاتقلقين وتوكلي على الله واحسني الظن به

اللهم لك الحمد حتى ترضى ولك الحمد اذا رضيت ولك الحمد بعد الرضى

اخواتي الغاليات شكرا لكن على هذا التجمع

انا ولدي عمره سبع شهور

ادخل المستشفى بعمر ست شهور على اساس كان تعبان صدره وبلغم وكان معه نسبة رخاوه يتحرك لكن مو مثل اللي بعمره

انا طلبت من الدكتور تنويمه لاجراء فحوصات كامله وتم ذلك

عملو له تحاليل واشعة صدر الترا ساوند للقلب انا ماخذت الموضوع بأهميه قلت عادي شي روتيني

جاني دكتور القلب من بكره الصباح وقالي لازم تحويل لمستشفى الملك فيصل بالرياض

جانا التحويل بعد اسبوع وقابلنا الدكتور وقالنا الصدمه اللي لايمكن انسى شعوري في ذيك اللحظه

ابني اول فرحتي مصاب بمرض نادر بقلبه اسمه مرض بومبي

يسبب تضخم بعضلة القلب اليسرى ورخاوه في العضلات

وماااااااااله علاج على مستوى العالم كله

فيه ابر موجوده لكن ماثبتت فعاليتها لسى

والدكتور نصحنا انا ماناخذها لانه ماحد استفاد منها وبالعكس بيتعب الطفل اكثر واحتمال يصير تحت التنفس الصناعي

لانها تتعب الرئه هو قال بكيفكم لكن نصيحتي لاتاخذونها

يعني المرض يسبب رخاوه لطفلي كل يوم اكثر من قبل اول كان يمسك بيده عادي الان مايقدر كل شي فيه رخو

حتى اعضائه الداخليه الهضم ظعيف الاخراج ظعيف عيونه مايقدر يسكرها

القصبه الهوائيه عنده من الرخاوه ماتسكر اذا شرب الحليب على طول يشرق الان اعطيه بالسينقل الابره شوي شوي

يعني اذا ماله علاج اقعد اتفرج على وليدي وهو يروح مني

اللي سمعت عن هالمرض تفيدني وساعدوني لو بدعوه صادقه

الحمد لله على كل حال والثقه بالله كبييره ولله الحمد

بيادر نجد ..اهلا بك ياحبيبه ..كان الله في عونك وثبتك وصبرك يارب


محبة الله لك اكبر وابتلاءه لك اعظم ..


http://www.werathah.com/phpbb/showthread.php?t=7999

هذا لقيته

http://www.sayadla.com/vb/showthread.php?t=5508


الله يعظم اجرك

وثقي الخيرة فيما اختاره الله ..والحمدلله ان كل شيء باجره دائما أقول الكافر وش يصبره على البلاء والمرض

اللي يصبرنا الجنه والاجر وماوعدنا ربي


دائما ادعي ان ربي يكتب اللي فيه الخير سواء عاش او لا

بس ثقتنا برب العالمين كبيره وبيعيشون وبنشوفهم قدام عيونا

الله يشفي عيالكم يا اخت بيادر واخت رانزي ماعندي اي معلومة بس حبيت اشارك انا اول مثلكم مهمومة بس الحمد لله بعد ماشاركة حسيت اني مو لحالي كل وحدة من الامهات تخفف علي الثانية لان محد حاس فيك الا الي يمر مثل حالتك وشكرا لك ياام عبدالعزيز علي كل شي الله يريح قلبك الله يشفي عيالنا ويكتب الي فية خير اميييييييييييييييييييييييييييييييين

اللهم آميييين ياام لتو ..لايردك الا الكي بورد ياغاليه ..اكتي اللي يريحك

بسألك انت وين تتابعين متى موعدكم الجاي ؟