انا سويت لبنتي عمليه قلب مفتوح بس ماتاكل شهيتها للاكل ضعيفه ابسالكم اقدر استخدم لها فاتح شهيه هايبول ياليت اي واحده تستخدمه تفيدني ياربي اشفينا واشفي جميع مرضى المسلمين وأقر عيننا بصحتهم يارب

انا استخدمته لولدي كان عمره سنه ونص مااحس فتح شهيته
وولدي كمان نحيف واكله عادي مايبين فيه

ام المستقبل جزاك الله خيرا يعني استخدمها لها مايضر لانها تأخذ ادويه القلب اللهم اشفي اطفالنا من كل سوء يارب

انا استخدمته لولدي بعد ماوقف ادويه القلب بأمر من الدكتور وبعدين اعطيته الفيتامين ..بس ليش ماتسالي دكتوره مدام انه باقي يستعمل ادويه القلب يكون افضل

السلام عليكم
يادوب اشوف هذ التجمع
ولدت من اسبوع بقيصريه ولله الحمد
وطفلتي تعاني من رباعية فالوت
اول مره اسمع عنها بس قريت عنها كثير
والحين وزنها كيلوو وشويه بالعنايه المركزه للاطفال
وعندها صفار قالو نتطمن ع الصفار والوزن
وبعد كذا تراجعينا
بليز بنات اللي عندها احد بنفس ظروفي تبلغني
وادعو ان ربي يقر عيني في ابنتي ويحفظها من كل سوء
اتمنى يكون التشخيص خطأ يارب