جــــنــــى :

بنات لازم احكيكم ايش سار معانا اليوم كنا خارجين رايحين السوق زي ما قلتلكم و لمن وصلنا عند الاصنصير دق جرس الانذار حق الحرايق و احنا محنا عارفين ايش نعمل ننزل و لا نقعد و لا ايش بالزبط خرج جارنا و نزل بالدرج دخلنا بيتنا اخدت اشياء جنو و جوازاتنا و الشيالة و نزلنا بالدرج من الدور 29 تخيلو 29 بعدين لمن وصلنا الدور 9 جاتنا حرمة قالتلنا مافي شي بس واحد كان بيطبخ و نسي الاكل و انحرق و طلع دخان كتير طبعا احنا كملنا نزول و لمن وصلنا تحت رجلنا ترجف و محنا عارفين نوقف و لا نمشي لمن نزلنا لقينا السكان كلهم تحت و ارتحنا شوية و اطمنا عالوضع و رحنا السوق و طبعا نمشي بشويش و دايخين و الين دحين بعد 6 ساعات لسه رجولنا ترجف و محنا قادرين نوقف و نمشي كويس الحمدلله على كل حال نصييييييييحة لاحد يسكن في ادوار عالية بركة انو اخويا ساكن في الدور التامن

بنات لازم احكيكم ايش سار معانا اليوم كنا خارجين رايحين السوق زي ما قلتلكم و لمن وصلنا عند...