السلام عليكم رفيقاتي كيفكم يا حلوات عساكم بخير يارب واهلا بكل الجدد اللي انضموا الينا وتحياتي للجميع

بنات 0000

كيفكم وكيف بيبياتكم الحلوين

اعذروني انشغلت مع هالعيال الله يصلحهم ما غير اصارخ عليهم

يا ولد ذاكر ويا بنت ذاكري وعلى ها الحال >>>>ما ادري وش بستفيد من دراستهم

بكره ان شاء الله بيتخرجون وبيتزوجون وبيخلوني >>> هذا اللي قاطع قلبس هههه

صدق والله احيانا افكر وش بينوبني منهم غير الظغط والسكر

تخيلو بنتي الصغيره معلمتها اذا جت تنام تدعي لي ولبوها

اول امس قالت لي بنام بحضنك قمت هاوشتها قلت لها روحي لفراشك بس

قالت :

انا زلعانه منك خخخ

مانيب قايله يارب تخلي ماما بس يخلي بابا خخخخ تمن بعد


ما يخالف اعذروني شوية فضفضه من هم الاختبارات



باونتي 0000

فوفي يسلم على تروكي يا لبى قليبهم

مع ان نفسه بخشمه من الزكام والكحه تخيلي يكح كحة شايب

واذا قضى قال آههههههه



عزيزة 0000000

وشلون فهودي يا قلبي عليه والله اني احاتيه حسبي الله على هالعنقز جعله ينقرض

تخيلي الاسبوع اللي فات وديت نواف المستشفى يوم دخلت غرفة الانتظار والقى

ذيك البنت اللي معنقزة والله واحط رجلي واطلع اوقف برى وقلبي يرقع من الروعه خخخ

بعدين قلت لا بطلع برى المستشفى لأنه ينتقل بالنفس بس المشكله وشلون بسمعهم

اذا نادوني خخخخ بعدين توكلت على الله ووقفت بعيد عن غرفة الانتظار

بس على طول ذكرتك وقلت الله يعينها ويشفي فهودي يارب


كحل وروج وباقي البنات 0000 طلو علينا وطمنونا عليكم

ام فارس دي سنة الحياة حبيبتي احنا كمان لاقينا ازواجنا جاهزين بعد ما اهاليهم تعبوا فيهم وادينا ماشيين نفس المشوار بنتعب ونجهز وتيجي واحدة او واحد ويلاقي اولادنا عالجاهز وربنا بس يصلحهم ويحفظهم ويدينا العمر عشان نشوفهم في اعلى المراكز واكيد لما يكونوا سعداء حانسعد احنا كمان حتى ولو بعاد عننا المهم يكونوا كويسين وصالحين وكفاية ان الجنة تحت اقدام الامهات وربنا ما يحرم اي ست من نعمة الامومة يارب ويا ستي دعوة مني من كل قلبي بدل دعوة بنتك اللي اكيد تناستها من غير قصد ربنا يخليكي ويخلي زوجك يارب وتحياتي لك ولاولادك

نمله متكبره 00000


يا قلبي على عبودي وه بس عقبال ما يمسك كتاب الله ويقرى ويكتب



مسلمه 0000

وعليكم السلام ورحمة الله وبركاته

كيفك يا قمر وكيف الكتكوته ان شاء الله بخير



ازارير 0000

الله يخليلك بنتك وتفرحين فيها ان شاء الله

وبالنسبه للبس عادي اللي يعجبك اشتريه زي ما تشترين لاولادك بالظبط

بس بسن بنتك حلو تاخذين لها شيالات والفساتين اللي معها كلوت طقم

ولشعرها ربطات من اكسسواريز او كليرز

والجزم اللي تجي باليرينا زي عند مون سون وزارا ونيو لوك

وعندك اتش ام روووعه للاطفال <<<< الا انتي من ووين بدت اللقافه خخخخ


~DmOo3~


ترى الامساك طبيعي ما يخوف لا سيما انك ترضعينه صناعي

اعطيه رضعة ماء وسكر نبات



نيم ليس 0000

الحمد لله على السلامه



حبيبت عادل


ومنال 00000


تروحون ترجعون بالسلامه

وعقبال اثير ان شاء الله بس لا تنسون الكليجا

بس تراي ابي كليجا هولنديه خخخخخ

وعليكم السلام ورحمة الله وبركاته

كيف حالكم؟

منال .. تروحون وترجعون بالسلامة وسلمي على الأهل وعلى الكليجه :)

حبيبت عادل .. درب السلامه ان شاء الله ..

مسلمه .. منوره حبيبتي .. بشريني عنك وعن نعومه ؟

اثير الدنيا .. شلونك ؟ ان شاءالله نام نايف أمس ؟ فهودي الحمد لله نومني شوي مثل العالم :) يارب لك الحمد والشكر ..

~DmOo3~ .. اصبري شوي ولا تغيرين الحليب لانه يومين ما يعتبر امساك شديد ولدي كان يجلس 4 ايام والدكتور قال طبيعي ولا نصحني أغير الحليب وماشاء الله الحين ماصار يجيه امساك ..بس أنا أرضع طبيعي والصناعي حليب مكمل ..

ام فارس .. هلا وغلا .. شلون نواف الحين ان شاءالله أحسن ؟
أبشرك فهودي الحمد لله طيب وبخير وجاه على خفيف ولا ارتفعت حرارته ولله الفضل والمنه .. قلت خيره انه جاه الحين دامه خفيف .. ويحليلك :42: تخيلت شكلك وانتِ تهربين من غرفة الانتظار هههههههههههه
والعيال اغسلي يدك منهم .. أنا من يومين أقول لرجلي اني غاسله يدي منه وان شاءالله إذا عيالي كبروا هم الي يمشوني ويسفروني والتفت على عبدالرحمن واقوله صح حبيبي ... إلا يقول انتِ وبابا
أقوله أبوك يروح ويجي وانا الي مقابلتكم :44: يقول طيب انتِ وبابا وكل ماقلت كلمة قال انتِ وبابا :)
شوي إلا وفهد يقوله ابوه تعال ويرمي نفسه عليه واقوله انا تعال ويصد وجهه وهو يضحك !!!!
شفتي شلون ؟؟
أجرنا عند ربنا ان شاءالله ..