اجمل ايامي18 :

السلام عليكم اخواتى جميعا حبيت اشاركم انا بس حبيت اطمنكم عن هذي المرحه رح تعدي ان شاء الله ورح تشوفين تقبل وميل منهم بعد سنتين ثلاثه بس لو انتى ساعدتى ولدك على اجتياز هذي الازمه لازم تعرفين ان هذي المرحله صعبه جدا حتى عليه تفكيره ملخبط وهو نفسه يحس بتعب نفسي رهيب بس فى الغالب مايعرف يعبر عنه غير بالعناد والشقاوه لازم تكسبينه فى هذي المرحله وتتقربين منه اولا بالحنان الولد فى هذا السن محتاج للحنان اكثر من توقعك مع انه يبدي عدم اهتمامه واحيانا سخريته من حنانك عليه بس صدقينى هو فى داخله مرتاح عليه الشي الثاني امدحيه بالاشياء الزينه الى فيه وخلى المدح يوصله عن طريق اخواله او ابوه هذا يعزز عنده حب الخير والاهتمام برضاك اذا كان جنبك ربتى عليه او المسي شعره وبتلاقينه بعد فتره هو بنفسه بيرتاح على حضنك استشيريه فى بعض الامور وحاولي دائما تفتحين معه مواضيع غير الاوامر خليه يحس انه رجال وينوخذ من كلامه ومشورته لان اكثر شي يتعب الولد انه يثبت لاهله انه كبر وصار عنده راي لا تكثرين الشكوى منه لا عند اهلك او اصدقائه او حتى ابوه لانه يعتبرها اهانه بل العكس امدحيه قدامهم كل فتره اساليه اذا يحب يعزم اصحابه وانك تبي تجهزين له سفره تبيض الوجه هذي ترفع من روحه المعنويه وتعزز ثقته فى نفسه امدحى شكله ولبسه وحتى ذوقه فى اختيار اي شي تشوفينه معه الولد المراهق فعلا فى حاجه للمدح خاصه انه فى هذا السن تقل ثقته فى شكله لان هذي الفتره الكثير منهم تتغير ملامحه للاسوء مثل كبر الخشم او حبوب الشباب اهتمي فى اكله وحاولى يكون صحي قد ماتقدرين مثلا حاولى مايطلع من البيت الا يكون ماكل حتى لا يكون اكله اغلبه من المطاعم مافيه مانع انك تعلمينه عن بعض الدهانات او طرق العنايه بالجسم او اليدين او حبوب البشره لان هذا السن يبتدي يهتم ويحب يعرف وفرصه يكون عندكم اهتمامات مشتركه وسواليف عن شي مختلف لا تخجلين من انك ترددين بين فتره والثانيه بانك تحبينه وانه اغلى شي عندك حتى لو قابلك بعدم الاهتمام قللي قدر المستطاع من الامر والنهي والانتقاد وممكن فيه اشياء سوى روحك مادريتى عنها علشان مايكسر حاجز الاحترام والهيبه الى بينك وبينه ارجو انى اكون افدتكم ولو بالقليل دعواتكم لى ولكم بصلاح الاولاد

السلام عليكم اخواتى جميعا حبيت اشاركم انا بس حبيت اطمنكم عن هذي المرحه رح تعدي ان شاء الله ورح...

ღزيـ أم ـادღ :

طيب أنا عندي سؤال خارج عن نطاق التعامل مع المراهق الحين البنت لمن تبلغ تبدأ الأم تهتم فيها وتشتري لها مجموعة للنظافة الشخصية زي مقشرات الجسم وكريمات وشور جل طيب الولد لمن يبلغ ايش ممكن نجيب له حتى نشجعه يهتم بنظافته الشخصية ومظهره هل في مجموعات تنباع في أماكن معينة خاصة بالأولاد البالغين ووين ؟؟ ما أبغى مجموعات رجالية أبغى للأولاد في بداية مرحلة البلوغ يعني شيء خفيف وحلو .

طيب أنا عندي سؤال خارج عن نطاق التعامل مع المراهق الحين البنت لمن تبلغ تبدأ الأم تهتم فيها...