أول شيء لازم تتعرف على بنت تحببها بالمدرسه
انا بنتي درست تمهيدي ومأساة سوت لي افلام هنديه وبكا ونياح في الروضه والمدرسه
اتفقت مع معلمتها بأن تكثر من تشجيعها امام الطالبات لان الامر يحتاج لتعاون بينك وبين معلمه لغتي
بعد التشجيع نجي للنقطه الهامه اعطيها حلاو او توزيعات بإتفاق بينك وبين معلمتها وخلي بنتك توزعها عليهم بنفسها كذا البنات بيهتمون بها قولي لها روحي تعرفي عليهم من تحبي تكون صديقتك وروحي للبنت وقولي لها بنتي حابه تصير صديقتك ثم شجعي بنتك تمشي معهم امامك شوي شوي بتنطلق
واهم نقطه ذكرتها قبل النظافه والشكل المرتب والرائحه الطيبه غطريها بعطر حلو ريحتخ نفاثه وكل يوم خليها نظيفه وريحتها وشكلها حلو
وفالصباح شجعيها قولي المعلمه تحب الممتازات والبنات يحبون البنت المؤدبه النظيفه اكثري من التشجيع واذا بكت او سوت مناحه لاتخضعين صدي عنها ولو صارخت اطلعي مهدي لها الموضوع قولي بجلس عند الباب ممنوع الام تجلس بالفصل وكوني صادقه معها لاجل تطمئن ثم قولي المديره تقول لازم الام تجلس تحت في الساحه ممنوع اجلس عند الفصول ثم بعد فتره قولي لها بروح البيت واجيك في الطلعه
او تقولين لها اتركي اغراضك هنا وروحي العبي مع البنات او اختاري لها صديقه بحيث انك كل يوم تحضرين وجبه فطور لبنتك والبنت اللي حابه تصادقها واذا جاء وقت الفسحه نادي البنت وقولي لها افطري مع بنتي واعطيها ساندويتش وخلي الفطور شكله ملفت بحيث البنت تتحمس تصادق بنتك وتعرف اليوم الثاني وش بتحضرين لها فطور شوي شوي وبتمشي الامور استخدمت هالطرق مع بنتي وحرصت انها تتميز بين البنات بالنظافه واللبس المرتب والريحه المميزه عززت ثقتها بنفسها وشديت عليها بالمذاكره لاجل تحبها معلمتها وتتفوق وبدأت تتعود وتتحمس كنت اجيها قبل الطلعه بساعه لاجل تتطمن وكنت اوصلها لطابورها تخاف تدخل المدرسه الصباح الحالها وتبكي وتنوح لمده شهر بالاخر قلت لابوها يوديها كانت تترجاني وتبكي صديت عنها وسكرت الباب وجلست تناديني وابوها قام يصارخ عليها فصارت تروح بدموع وترجع تتشكى إلين انتهى الترم الاول بالترم الثاني خليتها تواجه مارحت ولا جيت اخذها صار ابوها ياخذها ويجيبها وتأقلمت غصب عنها وكلما قالت روحي معي اقول ممنوع بيطردوني الين اقتنعت

واضيف على كلامي نقطه هامه وهي التعاون مع الاخصائيه الاجتماعيه كانت تقولي عاطفتك بتفسد بنتك اتركيها وروحي ومهما بكت صدي واطلعي لانها تستغل عاطفتك كأم فماراح تنجح في الاستقلال عنك وبتصير ضعيفه شخصيه لازم تواجه لاجل تعتمد على نفسها وتحس بالاستقلاليه وهذ يقوي شخصيتها

رفع

كيف اولادكم وبناتكم بالمدارس؟؟وكيف اللي بأول سنه أولى ؟؟
احس اللي بأول سنه اولي شوي ضايعين بالكتب وشنطته ثقيله واذا جت *** مثلا لغتي لسه مابيعرفو يطلعو كتب الماده فكيف اطفالكم؟؟

رفع