تجمع لأي ست بيت عندها 5 أطفال وفوق..وبيت دورين كبير وماعندها شغالة...خلونا يد وحده...

بداية حابة أذكر شي مهم ساعدني وهو/

وصية الرسول لأبنته

عندما تضعين رأسك على الوسادة مساءً وتعلن أعضاءك الاستسلام للنوم
وتبدأ عيناك بالاغلاق شيئاً فشيئا ماعليك سوى ترديد :
الحمد لله ( 33 ) مرة
الله أكبر ( 34 ) مرة
سبحان الله ( 33 ) مرة
موقنة بها ,, متدبرة لمعانيها ,, راجية بها من مولاك مساعدتك في أمورك
..
وحتماً ستذهلك النتيجة بعدما تستيقظين صباحاً
وسترين نفسك تعملين بنشاط وهمة عالية ,, وكأنك فراشة تحلقين هنا
وهناك بخفة متناهيه ,, بل وستبحثين عن العمل وستنهينه بلا تأفف ولا ملل ..

يمكن تنطبق علي بعض الشروط خادمتي تم التنازل عنها وبتروح بعد يوم او يومين
عندي 4 اطفال وبيتي دورين ..والله يساعدني استغني عن الخادمه لانها مللتني بقل نظافتها جبتها ابرتاح وشفت قل الراحه


قررت الغي نوم الضحى لان هو الوقت المبارك فلو استغليته راح ارتاح باقي يومي
عندي بنتين اول متوسط وثالث ابتدائي راح اوزع عليهم بعض المهام بعد مايخلصون واجباتهم المدرسيه
الغسيل يومي قبل ما انام والصبح كوي لان مسكلتي قبل الخادمه اذا اجتمع الغسيل وغسلت يصير الكوي متعب جدا لاكن لوصار يومي يتغلب ان شاء الله على المشكله ويااااااارب قدرني استغني عن بلاء الخادمات ياااااكريم

مرحبا يالغلا
انا معك بالنسسبه لي عندي 5 الله يصلحهم وساكنه بشقه والمطاعم والله نادر اطلب الا اذا كنت طالعه ومايمديني اسوي عشاء اشتري معي
الحمد لله ما انام الا انا مسبحه والزم الاستغفار والله مالي جدول معين كل مافضيت استلمت لي غرفه ىتنظيف عميق والملابس عندي غساله اتوماتيكيه مريحتني مره بس اتمنى لو عندي مجفف ذبحتني الملابس ماتنشف واذا جاء بالليل ارتب غرفه عيالي قبل ينامون وكل واحد يشيل اذا تحت سريره شي والا رامي ملابسه يرجعهم والله تعبت معهم وصراخنا مايحتاج
بناتي بالدراسه ما اطلب منهم شي بس بالاجازه وحده عليها تكنس الصاله وترتبها ووحده عليها غسل الحمامات تكرمون والاكل من يخلصون يشيلون بدون ما اقول لهم تعودو والكوي والله اذا جاء يوم الثلاثاء اكوي ملابس الطلعات لان اجتماعنا مع عمامنا كل خميس
امس نظفت المطبخ تنظيف عميق خصوصا ادراج التخزين والبهارات وغسلت الارضيه بفلاش
ودي اليوم ارتب غرفه الجلوس بس المشكله مليانه ملابس مشغله عليهم المكيف الحار لي يومين ومانشفو
هذي يومياتي وانتظر التفاعل يمكن نشجع بعض

معك حق حتى انا افكر وشلون الي مثل وضعنا
مرتبين امورهم
لانه اذ رتبتي البيت ترتيب سريع
وكنس ومسح سيراميك وحمامات راح نص يومك
والمطبخ ياخذ النصف الثاني
طيب متى نرتاح ومتى ننظف تنظيف عميق
غير انه معي فقر دم حاد
ولا احب الشغالات
ماقد طبن بيتي

الله يحييكم بنات

مبسوطة حصلت ناس مثل وضعي

أتمنى أشوف الموضوع له أهمية كبيرة من خلال تعاونا مع بعض

لي عودة إن شاءالله لكل وحده فيكم
لكن زوجي على وصول ومثلكم خابرين الوضع..