بنات ولدي بيكمل ثلاث سنوات ولا ينطق الا 15 كلمه تقريبا حاولت من اسبوع اجيب صور واحفظه بس للاسف ماحفظ الا كلمة حمام
هو يستجيب لكل الاوامر ويفهم بس موقادر يكرر وينطق
كشفت ع السمع كل شئ اوكي
ياليت احد يفهمني هل هو طبيعي وهل بيتكلم زي الاولاد وهل تاخر النطق بياثرعليه

رفع لعلي اجد اجابه

حبيت افيدكم بتجربتي مع ولدي كان عندة تاخر نطق تعب كثير وتعبنا معاه نفسيته كانت تتعب يبي يعبر لي عن شي وماافهم له وديته شموع الامل بس للاسف مااستفاد اي شي استغلال واستنزاف اموال فقط. بعد كذا لما صار عمرة ٤ونص دخلته مركز سعد الصانع في الخبر لمدة سنتين روضه ثاني وتمهيدي ماشاء الله عنايه واهتمام رااااااااائعين مخلللللصين الله يجزاهم بالجنه كان يعطيه اخصائي نطق جلسه انفراديه نص ساعه ثلاث مرات بالاسبوع وبالفصل اخصائيه نطق جماعي الان رايح صف ثاني ماشاء الله اللهم بارك واموره كويسه يارب لك الحمد اللي ابي انصحكم فيه واللي استفدته من مركز سعد:
التلفزيوووووووون هو سبب اكثر مشاكل عيالنا يمنع تواصلهم معنا والاعتماد عليه في اغلب وقت الطفل ٠
عدم التحاور مع الطفل يجب ان تحاوريه بكل شي يشوفه بالشارع بالسوق حتى لو هو قاعد عالتلفزيون اقعدي معه واساليه وش صار في الحلقه اللي شافها .
حثي ابوة ياخذة مشاوير قصيره مثل مسجد السوبرماركت يخليه يحاسب عالاغراض ترى هالفئه يفتقدون الثقه بنفسهم باعتقاد عندهم نقص عن اقرانهم يجب علينا الاهتمام بالناحيه النفسيه يكون من اولوياتنا بالتشجيع والتحفيز الداااااائم حتى لو اخطى بالكلمه لاتحسسينه بفشله ابدا
كذلك كانو يسوون له المركز تمارين للسان والفكين لتقويتها وفيه بعض الاهالي يخطون لما يدخلون ولدهم روضه عاديه مو متخصصه بعلاج التاخر اللي عنده لانه يشوف اطفال مستواهم اعلى منه منطلقين بالكلام فيتحطمممم انا كذا صار مع ولدي حبيبي قالو دخليه وبيختلط بالاطفال وبيتحسن نطقه دخلته وكان ثلاث سنوات مايدخل الروضه الا يبكي يوميا ومايبيها ابدددد """"" اسفه عالاطاله ودي افيدكم لان هالموضوع كان مايخليني انام الليل من كثر الهم يارب لك الحممممممد حتى ترضى

واسال الله ان يقر عين كل ام واب باطفالهم معافين صالحين يارب العالمين

اي استفسار عالخاص لاني ماارجع للمواضيع

مرحبا
انا نفس حالتكم ولدي يوم كان عمره سنتين ماكان يتكلم خير شر واذا بغى شي ماكان ينطق بس ياشر على الشي اللي يبغاه وهو ولدي الاول
وطبعا ما احد كان يعلق والا يسال ليه ما اتكلم ما كان احد يطفشني الازوجي هو الوحيد اللي كان يتكلم ويقول لي اصلا ولدك ما راح يتكلم شوفي الاطفال اللي بسنه يتكلمون و ولدك مايتكلم بصررراحه تعقدت من زوجي لانه هو الوحيد اللي كان يددقق عليه وقالي بعدين خلينا نوديه المستشفى ورجنا المستشفى و وقالوا بنسوي له 3 خطوات الخطوه الاولى تحاليل وطلع سليم الخطوه الثانيه السمع وطلع سليم الخطوه الثالثه تخطيط واشاعه لمركز النطق في الدماااغ ؛<<عاااد يوم وصلت لهينا ما قدرت اسكت وقلت له لهينا وبس مو للدرجه هاذي ولد عمره سنتين بتسون له اشاعه للدماغ يا اخي خاف الله في نفسك وفي عالولد حراااام عليك واقعد اصرخ ولدي ما فيه ششي اهم شي هو بصحه وعافيه انا ما ابغى شي واذاما اتكلم خير ياطير وشش يصير يعني > المهم الدكتور قال له اذا دخل الثلاث سنين ما اتكلم هينا المشكله وكمل ولدي السنتين ونص واول كلمه نطقها حلاوه وبعدها صار ينطق ماما وبابا وكاكاو <وهذا اهمشي عنده الكاكاو وطبعا الفتره هاذي دخلته روضه علشان يستفيد مع ان عمره صغير قبل الروضه كان يتخوف من الاطفال وما يحتك في احد منهم بس بعد الروضه صار عادي يختلط مع الاطفال ويلعب معهم بس هيهات ماسلمنا من زوجي على الكلمات البسيطه اللي يقولها ويرجع يقول لي ولدك ما يتكلم قلت له هذا الولد ينطق يقول لي تسمين هذا نطق الاطفال اللي بعمر يتكلمون .......الخ
والحين عمر ولدي ثلاث سنين وعدد الكلمات اللي ينطقها 36 كلمه بس بس الفهم الحمد الله يفهم بس احيانا يعند ويتنح معك

والحمد الله على كل حال اهم شي الصحه والعافيه

لا حول ولا قوة الا بالله من زمان ما دخلت ولما قرأت مشاركاتكم قلبتوا علي المواجع
يارب أنت القادر على كل شئ وانت بيدك الشفاء أشفي ولدي وأولاد المسلمين أجمعين