الله يرحم جدك وموتى المسلمين ..

صدق لا تخلى بقلبك شئ صدى فضفضى وريحى عمركــ :)

مشكورة دينى

الله يرحمهم برحمته

:( انا يابنات تربيت عند جدتي من الايام الاولى لولادتي لأن امي ما فيها حليب يقولون اني كنت دايم ابكي من الجوع :icon33: فأختني جدتي ام امي عندها علشان خالاتي وحريم عمامي يرضعوني رضعوني سنه كامله والسنه اللي بعدها عطوني حليب صناعي .. :( ظليت عند جدتي وخالي الوحيد سنوات حياتي الاولى لحد ما دخلت المدرسه بعدين رجعت لأمي وابوي .. ويوم الخميس والجمعه عند جدتي بيت خالي اللي فيه جدتي جنبنا ( جيران يعني ) :( كنت متعلقه بجدتي اكثر من امي وبخالي اكثر من ابوي ... وقبل وقاة جدتي بأسبوع مرضت ونوموها في المستشفى كان يوم اثنين ويوم الثلاثاء قلت لبنت عمتي معلمه معي في نفس المدرسه قلت لها اني بروح ازور جدتي .. قالت لي لاتروحين اليوم روحي بكره احسن لانه اخر يوم في المدرسه .. قلت لها : لا بروح اليوم اذا ما شفتها اليوم ماراح اشوفها مره ثانية ... ورحت زرتها العصر شفت بشرتها بيضاااااااااااء مع ان جدتي حنطيه وحتى شعر راسها كان ابييييييييييض ... كانت تحتضر بس محد عارف لها الا انا .. انا شفتها في هالحالة واغمى علي ولما صحيت جلست ابكي:icon33: ... مسكت يدها وانا ابكي وهي اتغقي اشوي وتصحى اشوي ولما تصحى كانت تمسح على راسي واقولي لا اتبكين ... قلت لها بجلس معك بدل امي قالت لي لا روحي وراك مدرسه ...
توفت في نفس اليوم في نص الليل وانا ما كنت ادري .. وانا طبعا ً ما نمت ذيك الليله وجدتي على بالي ولما رحت المدرسه دقيت على امي علشان اطمن على جدتي .. قالت : انا في العنايه لانهم سووا لها عمليه .. ما صدقت امي ودقيت على اخوي وعلى خالي وعلى ابوي وكلهم قالوا نفس الكلام ..
ولما رجعت البيت شفتهم كلهم جالسين في الصاله مجتمعين ومن غير حتى ما اسلم قلت لخالي متى بروح لجدتي :( قالي انتي الحين جايه من المدرسه تعبانه روحي نامي اليوم ما راح اروح لها بكره يصير خير .. واليوم الثاني شفت الكل يطالعني وفي عيونهم كلام بس مش قادرين ينطقون .. لما صحيت من النوم العصر جاوا حريم اخواني ثنتين ( انا اسميهم ريه وسكينه لانهم مجرمين قالوا الخبر بطريقه صدمتني ) وقفوا عند باب غرفتي وقالوا حنا بروح العزى قلت من مات قالوا وحده قلت من قالوا جدتي .. انا من الصدمه تصلبت في مكاني كنت ماسكه كوب النسكافيه وجالسه على النت .. قالوا لي لا اسوين نفسك متفاجأة انتي كنتي تدرين انها بتموت .. :icon33: الله يرحمك ياجدتي

من الصدمه صارت لي 4 اورام في صدري قالت لي الدكتورة انها لخبطة هرمونات لاني تعرضت لموقف عاطفي

ومن متوفت لحد اليوم وانا اسمع صوت جدتي لما تجي عندنا .. كانت كل عصريه تجي وتنادي علينا اذا ما شافت احد في الصالة .. كل يوم وقت العصر افز من مكاني حتى لو كنت نايمه واقوم اقول لنفسي بنزل اشوف جدتي .. ولما انزل واشوف مكانها فاضي اسأل خواتي ما جات جدتي اليوم ؟؟؟ كل يوم ابكي وابكي اهلي معي ...

بس هذا قصتي .. الله يرحم كل موتانا وموتى المسلمين .. :icon33:

صدى الحرمان

كل منا فقد شئ غالى

انتى فعلا متعلقه بجدتكـــ مرة حنونه

واهلك خايفين عليك من الصدمه

بس ريه وسكينه الله يسامحهم ليييييييييه كذا؟؟



شريرات اقهرونى لما يقلون لا تمثلى انك متفاجاة



والحين كيف حالكــ؟؟ مع الاورام احسن

الله يرحم اموات المسلمين

الحين الحمد لله ياليدي ... من رحمة الله ان تكونت عليها اكياس و قالوا لي الدكاتره انهم ما راح يشيلونها الا اذا تغيرت
اما الحين هي مستقره ما منها خطورة ...